MATUKIO DAIMA

MBUNGE FILIKUNJOMBE ATINGA GEREZANI KULA KRISMAS NA WAFUNGWA

2011-12-26T22:25:00.000-08:00

Mbunge wa jimbo la Ludewa Deo Filikunjombe kulia akishiriki chakula na wawekezaji wa kichina jana nyumbani kwake Ludewa

MBUNGE wa jimbo la Ludewa Deo Filikunjombe ametembelea wafungwa wa gereza la Ludewa na kula nao chakula cha krismas pamoja na kuwapa misaada mbali mbali ikiwemo ya mashuka 200 na kuomba serikali kusaidia uboreshaji zaidi wa magereza hapa nchini.

Mbunge Filikunjombe alitoa msaada huo jumatatu ya Krismas na kuelezea ziara yake katika gereza hilo kuwa ni kutaka kuwafariji wafungwa na mahabusu wa gereza hilo kwa madai kuwa ni wapiga kura wake na wanahitaji kufarijiwa zaidi.

Akizungumza baada ya kutoka kula chakula na wafungwa na mahabusu hao ,mbunge Filikunjombe alisema kuwa zipo changamoto mbali mbali ambazo amepata kuziona katika gereza hilo kutoka kwa askari wake hadi wafungwa hasa katika uboreshaji wa nyumba za watumishi na gereza hilo zaidi.

Kwani alisema kuwa gereza lipo kwa ajili ya kila mmoja hata kama mbunge ama kiongozi wa serikalini na kuwa iwapo wao kama wabunge wasiposaidia kupigia kelele uboreshaji wa magereza nchini ipo siku na wao wanaweza kufikishwa hapo.

Hivyo alisema kuwa kwa upande wake mara baada ya kufika na kula chakula na wafungwa hao pia alipata nafasi ya kuwafariji na kuwasikiliza kero zao na kuwa moja kati ya kero ni juu ya kucheleweshwa kusikilizwa kwa kesi katika wilaya hiyo ya Ludewa ambayo mbali ya kuwa na jengo zuri la mahakama ila haina hakimu .

Aliiomba idara ya mahakama nchini kusaidia kupunguza msongamano wa mahabusu katika gereza hilo kwa kutatua tatizo la uhaba wa hakimu wa wilaya katika wilaya hiyo .

Kuhusu uchakavu wa nyumba za watumishi katika gereza hilo alisema kuwa nyumba nyingi za gereza hilo zimechakaa kutokana na kujengwa muda mrefu na tatizo la mchwa kuendelea kuwa kubwa eneo hilo.

Pia mbunge huyo aliahidi kuwasaidia TV wafungwa wa gereza hilo pamoja na radio ili kuweza kupata haki yao ya msingi ya kupata habari na kuweza kujifariji zaidi wakati wakitumikia adhabu yao.

Mbali ya misaada hiyo pia alikabidhi sabuni ,mafuta ,miswaki na dawa ya meno pamoja na kandambili kwa kila mfungwa na mahabusu wa gereza hilo huku akiwataka pindi wanapotoka gerezani kujiepusha na vitendo vya uharifu ambavyo vimewafikisha hapo.

Wakati huo huo mbunge huyo amepongeza ujio wa wawekezaji wa kampuni ya Tanzania China International Mineral Resources Ltd (TCMR) iliyoshinda zabuni ya kuwekeza katika migodi ya Mchumchuma na Liganga ambayo inakusudia kuanza utekelezaji wa awali wa uzalishaji wa makaa ya mawe, umeme na chuma katika migodi hiyo.

Wataalamu elekezi 20 wa TCMR ambayo ni kampuni mbia wa Shirika la China la Sichuan Hongda Corporation na Shirika la Maendeleo la Taifa (NDC) wako wilayani hapa wakindelea na utafiti kabla ya miradi hiyo kuanza rasmi.

Mbunge wa Jimbo la Ludewa Deo Filikunjombe amesema huu ni wakati muafaka kwa wenyeji na wawekezaji wengine kujitokeza kwa wingi kwa ajili ya kuboresha huduma zitakazorahisha utekelezaji wa miradi hiyo.

“Huduma hizo ni pamoja na ujenzi wa nyumba, hoteli za kisasa, na maduka ya bidhaa mbalimbali vikiwemo vyakula,” alisema.

Watalaamu hao wote wachina ambao kati yao ni mmoja tu ndiye anayezungumza lugha ya kingereza wamebobea katika masuala ya umeme, viwanda, michoro, utafiti na ujenzi wa miradi hiyo.

Akizungumza na wanahabari katika eneo linalopendekezwa kwa ajili ya ujenzi wa mitambo ya kuzalishia umeme la Nkomang’ombe huko Mchuchuma, Kiongozi wa watalaamu hao, Jiang Mzingnua alisema ujenzi wa mradhi huo wa umeme unatarajiwa kuanza mwaka mmoja na nusu baadaye, baada ya kukamilisha shughuli zote za kitafiti na michoro.

“Baada ya hapo kwa haraka sana tutaanza ujenzi wa mradi wa umeme utakaozalishwa kwa kutumia makaa ya mawe tutakayokuwa tukizalisha katika eneo hili la Mchuchuma,” alisema.

Alisema kwa kuanzia mradi wa umeme wa Mchuchuma utazalisha Megawati 600 ambazo kati yake 300 zitatumika kwa ajili ya kiwanda chao cha chuma kitakachojengwa katika mgodi wa Liganga.

Akiyataja baadhi ya faida watakazozipata wakazi wengi wa wilaya ya Ludewa kutokana na kuwepo kwa miradi hiyo ni pamoja na ajira na uboreshaji wa miundo mbinu na shughuli zingine za kimaendeleo.

Kama ilivyotangazwa na Rais Jakaya Kikwete hivi karibuni, kampuni hiyo inatarajia kuajiri zaidi ya wafanyakazi 8,000 watakaotumiwa kufanya kazi mbalimbali za awali katika kufanikisha ujenzi wa miradi hiyo.

Mzngnua aliyekuwa akiongea kwa lugha ya kichina huku Afisa wao mahusiano Tony Tan akitafsiri wa kingereza alisema kama ilivyo katika mkataba, kampuni hiyo itaboresha miundo mbinu ya barabara kwa kujenga barabara yenye ubora itakayounganisha eneo la Mchuchuma na Liganga.

BREAKINGNEWS...........MAMA AHOJI MAISHA BORA AKOSA JIBU AAMUA KUNYWA SUMU NA WATOTO WAKE

2011-12-12T04:59:00.001-08:00

MWANAMKE mmoja mkazi wa kijiji cha Kiponzelo katika wilaya ya Iringa vijijini Huruma Uhakula (27) anywesha sumu na pombe kienyeji watoto wake wawili nae anywa kwa lengo la kujiua kutokana na kile alichodai kuwa ni ugumu wa maisha kila kukicha.
Tukio hilo la aina yake limetokea usiku wa kuamkia leo katika kijiji cha Kiponzelo wilayani Iringa vijijini ambapo mwanamke huyo alidai kuwa aliamua kuchukua uamuzi wa kuiteketeza familia yake pamoja nay eye mwenyewe baada ya kuona hali ya maisha bora kwa kila mtanzani kwao inaendelea kuwa ni ndoto ya alinacha.
Mwanamke huyo mwenye familia ya watoto wanne aliwanywesha sumu watoto wawili wa kiume akiwemo motto Rashid Kibuga (7) na Eliya Kibuga (3) huku mtoto kichanga wa mwezi mmoja na dadake wa Gloria Kibuga (12) anayesoma darasa la nne wakisamehewa kunyweshwa sumu hiyo.
Akizungumza katika wodi namba 8 Hospital ya mkoa wa Iringa ambako amelazwa akiwa hoi mwanamke huyo Huruma alisema kuwa alilazimika kufanya unyama huo wa kunywa na kunywesha watoto hao sumu baada ya kuona hali ya maisha ikiendelea kuwa ngumu huku baba wa watoto hao kwa zaidi ya mwezi mmoja hajapata kuonekana nyumbani kuleta fedha za matumizi.
Bi Huruma alisema kuwa kutokana na hali hiyo ya maisha kuendelea kuwa magumu alilazimika kutumia fedha yake ya akiba kiasi cha shilingi 10,000 ambacho kilikuwa kimebaki kununua pombe na sumu na kuamua kujiua na kuua watoto hao kama njia ya kukwepa maisha ya shida nyingi.
“Hapa nilipo nina moto wa mwezi mmoja na hawa wengine watatu ….ila hali ya maisha nyumbani ni mbaya zaidi na baba wa watoto hata hajali familia yake na mzigo wote nimekuwa nikibeba mimi ….hivyo niliamua kujiua mimi na hawa watoto wa kiume ambao nilijua wazi bila uwepo wangu wangekuja kupata tabu mbele ya safari”
Mtoto Gloria Kibuga akielezea mkasa huo alisema kuwa siku ya tukio mama yake alimtuma kwenda kununua sumu ya panya ya shilingi 7000 na pombe ya shilingi 2000 huku shilingi 1000 aliambiwa anunue viatu aina ya yebo yebo kama zawadi yake ya mwisho kutoka kwake ili aweze kuendelea kuvitumia kwenda shule.
“Mama alinituma kununua sumu hiyo ya panya hadi mara mbili nilienda mara ya kwanza akaniambia kuwa sumu niliyoileta haitoshi nikanunue tena kwa madai kuwa kuna panya mkubwa anataka kumuua ndani ya nyumba …..ila baada ya kununua sumu hiyo nilitumwa kununua pombe na baada ya hapo niliambiwa niende kulala kwa marafiki zangu kama kurudi nirudi kesho asubuhi”alisema mtoto Gloria.

Kuwa kwa kuwa muda wa kulala ulikuwa bado aliamua kwenda porini kutafuta matunda pori aina ya Mikusu kwa ajili ya kuja kula na wadogo zake na majira ya saa 12 za jioni alirejea nyumbani na kukuta mlango ukiwa wazi na baada ya kumwita mdogo wake Rashid alisikia akilia kwa sauti ya chini kuwa anakufa .
Alisema kuwa alipoingia ndani alikuta wadogo zake hao wakitokwa na povu mdomoni na mama yao akiwa hoi hali iliyomlazimu kukimbia kuita watu ambao walifika na kumkimbiza Hospital ya mkoa wa Iringa.
Baba wa familia hiyo Daniel Kibuga (37) alisema kuwa si kweli kama katika familia yake kuna maisha magumu kama mkeo anavyodai na kukiri kutoonekana nyumbani kwa zaidi ya mwezi mmoja kutokana na kuwa mjini Iringa kikazi.
Kaimu mganga mfawidhi wa Hospital ya mkoa wa Iringa Dkt George Kabona amethibitisha kupokea wagonjwa hao watatu na kuwa hali zao kwa sasa zinaendelea vizuri baada ya jitihada kubwa zilizofanywa na madaktari wa Hospital hiyo ya mkoa.

PATA HABARI MPYA HAPA

BARAZA LA MAASKOFU WAHOFIA USALAMA WA KATIBA

2011-12-11T20:47:00.000-08:00

SIKU chache baada ya Rais Jakaya Kikwete kusaini Muswada wa Sheria ya Mabadiliko ya Katiba ya mwaka 2011, Baraza la Maaskofu Tanzania (TEC), limesema kwamba kupitishwa kwa harakaharaka muswada huo inaweza kuipeleka nchi pabaya.

Pamoja na hayo, TEC imesema kitendo cha Serikali kukusanya maoni katika mikoa ya Dodoma, Dar es Salaam na Visiwani Zanzibar peke yake, haitoshi kujenga hoja ya kusaini ama kupitisha muswada huo wa Katiba.

Mwandishi wa mtandao huu kutoka Jijini Mwanza, Sitta Tumma anaripoti kwamba; Rais wa Baraza la Maaskofu Tanzania, Jude Thaddaeus Ruwa'ichi aliyasema hayo jana usiku Jijini Mwanza, muda mfupi baada ya kumalizika kwa hafla ya uzinduzi wa Kitabu cha Miaka 50 ya Uhuru wa Tanzania Bara, kilichoandikwa na John Kasembo, na kufanyika katika ukumbi wa Mwanza hoteli.Ruwa'ichi ambaye alihojiwa na mwandishi wa habari hizi kuhusiana na suala zima la mchakato wa kuundwa kwa Katiba mpya hapa nchini, alisema, suala la kuundwa kwa Katiba mpya si hiari ya Rais wala kundi na tabaka fulani, bali ni la Watanzania wote.

Akizungumza kwa kutumia neno 'Mbindembinde', Rais huyo wa TEC ambaye pia ni Baba Askofu wa Jimbo Kuu la Mwanza alisema, Rais kabla hajasaini Muswada huo wa Katiba, Watanzania wengi walitaka Muswada huo usisainiwe, na kwamba Mkuu huyo wa nchi alipaswa kusikiliza mawazo ya wananchi wake, na si kuwahi kusaini na kuwa Sheria."Katiba ndiyo mhimili wa taifa lolote duniani.

Kabla ya Rais hajasaini muswada huu, ilitakiwa wananchi wote washirikishwe kutoa mawazo yao kwamba wanataka Katiba ya namna gani!.

"Suala la kuchukuwa maoni kwa mikoa ya Dodoma, Dar es Salaam na Zanzibar pekee, haitoshi kabisa. Na jambo hili la Katiba mpya likipelekwa mbindembinde linaweza kuipeleka nchi hii kubaya, hatutaki tufike huko", alisema Rais huyo wa Baraza la Maaskofu Tanzania, Ruwa'ichi.

Hata hivyo, Ruwa'ichi ambaye alikuwa miongoni mwa wageni waalikwa katika uzinduzi wa kitabu hicho cha miaka 50 ya Uhuru wa Tanzania Bara, kilichoandikwa na John Kasembo, alieleza kushangazwa na kitendo cha Bunge kupitisha harakaharaka muswada huo.Alihoji kwamba: "Hivi Bunge linashughulikia maslahi ya nani?.

Wabunge wamepewa dhamana na wananchi, hivyo ni lazima wawasikilize wanachotaka, halafu ndicho wakifanyie kazi, na si kuonekana kama ushabiki fulani.

Alipoulizwa kuhusu suala la udini linaloonekana kutumiwa na baadhi ya wanasiasa nchini, Rais huyo wa Baraza la Maaskofu, alikiri kuwepo kwa jinamizi hilo, na kusema ajenda ya udini kwa sasa imekuwa kama kichaka cha watu fulani kuficha maovu yao.

Alionya kwamba, iwapo Serikali itaruhusu mijadala ya udini kutawala nchini, basi taifa lipo hatarini kupoteza ustawi wake, kwani Baba wa Taifa, Hayati Mwalimu Julius Kambarage Nyerere alipiga vita ubaguzi wa kidini, na kamwe watu wasitumie mgongo wa dini kuficha madhambi yao.

KUPATA MATUKIO MAPYA YA LEO BOFYA HAPA

2011-11-19T08:13:00.000-08:00

NDUGU MDAU KWA HABARI ZA PAPO KWA PAPO INGIA HAPA

MADIWANI SENGEREMA WAMTOA JASHO RC WA MWANZA

2011-11-19T04:16:00.000-08:00

MADIWANI wa Chama cha Mapinduzi (CCM), Wilayani Sengerema mkoani Mwanza, wamekataa pendekezo la Mkuu wa mkoa huo, Evarist Welle Ndikilo, kuhusu watendaji wa halmashauri ya wilaya hiyo wanaotuhumiwa kwa ufisadi, kuchukuliwa hatua na Katibu Mkuu wa TAMISEMI, badala yake wanataka Baraza la madiwani ndilo liwashughulikie watendaji hao.

Mwandishi wa mtandao huu kutoka Mwanza, Sitta Tumma, anaripoti kwamba; hatua hiyo imejitokeza juzi wakati wa kikao maalumu kilichoitishwa dhidi ya madiwani wa CCM, kwa ajili ya kujadili mambo mbali mbali, kikao ambacho mgeni wake rasmi alikuwa Mkuu wa mkoa wa Mwanza, Ndikilo, ambaye alikwenda kutoa ufafanuzi wa barua yake ya kutaka watendaji hao wawajibishwe na Tamisemi, badala ya Baraza la madiwani.

Katika kikao hicho ambacho kinadaiwa kuhudhuriwa na madiwani wapatao 40 wa CCM, kisha kupewa posho ya kuanzia sh. 100,000 kila mjumbe, Mkuu huyo wa mkoa anasadikiwa kuwashawishi madiwani hao kuridhia ushauri wake huo, jambo ambalo lilipingwa vikali na idadi kubwa ya madiwani, wakitaka Baraza ndilo lenye mamlaka ya kuchukuwa hatua dhidi ya watendaji wabovu.

Mvutano huo umekuja kufuatia ripoti ya Mdhibiti na Mkaguzi Mkuu wa Hesabu za Serikali (CAG), inayodaiwa kubainisha wazi upotevu wa mamilioni ya fedha, huku ripoti hiyo ikiwataja baadhi ya watendaji wa halmashauri hiyo ya Sengerema kuhusika na tuhuma hizo, na madiwani hao wana wasiwasi ofisi ya Katibu Mkuu wa TAMISEMI inaweza kuwalinda watendaji hao, na kushindwa kuwawajibisha.

Oktoba 25 mwaka huu, Baraza la madiwani la wilaya hiyo lililazimika kujigeuza kuwa kama kamati, kwa ajili ya kujadili ripoti hiyo na hatua za kuchukuliwa watendaji wote wanaohusishwa na ubadhilifu huo wa mali za umma, na kwamba baadaye kamati hiyo iliagiza kuitishwa kwa Baraza la madiwani ndani ya siku 21, ambayo imeishia Novemba 15 mwaka huu, bila Baraza kuitishwa.

Kufuatia hali hiyo tata, badala ya kuitishwa kwa Baraza hilo, inadaiwa uongozi uliwaita madiwani wote wa CCM kukutana Novemba 17 katika ukumbi wa ofisi za chama hicho mjini Sengerema, kwa lengo la kujadili na kuridhia ushauri wa Mkuu wa mkoa kwamba ofisi ya Katibu Mkuu wa Tawala za Mikoa na Serikali za Mitaa (TAMI\SEMI), iachiwe kazi ya kuwawajibisha watendaji hao (majina tunayo).

Taarifa zilizoifikia Tanzania Daima kutoka ndani ya kikao hicho zinaeleza kwamba, idadi kubwa ya madiwani ilikataa ushauri wa mkuu huyo wa mkoa, na kwamba kinachotakiwa ni Baraza la madiwani lenye mamlaka kisheria kuachiwa kazi hiyo, na si kutaka hoja hiyo kumezwa na mamlaka nyingine.

"Kikao kilikuwa moto kweli. Madiwani wengi wamekataa kabisa ushauriwa na mapendekezo ya RC Ndikilo. Wanataka Baraza la madiwani ndilo liachiwe mamlaka liliyonayo la kuwashughulikia watendaji waliotajwa na CAG kwa ufisadi.

"Diwani wa Kata ya Lugata, Adrian Tizeba alimhoji mkuu wa mkoa kapata wapi mamlaka ya kumeza madaraka ya Baraza la madiwani katika kuwachukulia hatua za kinidhamu watendaji hao?. Ushauri wa RC ulilenga kuchakachua utaratibu na kutaka kuwalinda hawa watu", kilisema chanzo cha habari ambacho hakikutaka kutajwa jina.

Licha ya mkuu wa mkoa kuwepo, kikao hicho kilihudhuriwa pia na mkuu wa wilaya ya Sengerema, Ellinas Palagyo, mwenyekiti wa halmashauri hiyo, Mathew Ndalahwa Lubongeja, mwenyekiti wa CCM wilaya hiyo, Jaji Tasinga pamoja na viongozi wengine wa CCM ngazi ya wilaya.

Hata hivyo, chanzo cha habari kimeongeza kwamba, kuna kundi la baadhi ya madiwani wa CCM walikuwa wameandaliwa kwa ajili ya kupingana na kauli za wenzao wanaotaka watendaji hao washughulikiwe na Baraza la madiwani, wakihofia kwamba Baraza hilo litawafukuza kazi, tofauti na jinsi ambavyo lingeshughulikiwa na TAMISEMI.

Imeelezwa kwamba, ndani ya kikao hicho, RC Ndikilo alionekana kuchukizwa na ujumbe mfupi (SMS), alioupata ukidaiwa kuandikwa na mmoja wa madiwani wa wilaya hiyo, ukimtaja kwamba anataka kuwalinda mafisadi, na kwamba baada ya madiwani hao kuonekana kukataa hoja na ushauri wake huo, alilazimika kuaga na kuondoka kikaoni hapo kisha kurejea jijini Mwanza.

Hata hivyo, Ndikilo alipotafutwa na mtandao huu ili aweze kuzungumzia sakata hilo, hakuweza kupatikana mara moja.

MICHUANO YA KOMBE LA UHAI YAJA

2011-11-04T05:01:00.000-07:00

Michuano ya kuwania Kombe la Uhai (Uhai Cup 2011) inayoshirikisha timu za pili (U20) za klabu zote 14 za Ligi Kuu ya Vodacom inatarajia kuanza Novemba 12 mwaka huu katika Uwanja wa Azam ulioko Chamazi, Dar es Salaam.

Timu ya Taifa ya vijana wenye umri chini ya miaka 17 (Serengeti Boyz) itashiriki michuano hiyo inayodhaminiwa na kampuni ya Said Salim Bakhresa ikiwa timu mwalikwa.

Bingwa wa michuano hiyo atapata sh. milioni 1.5, mshindi wa pili sh. milioni moja wakati wa tatu atapata sh. 500,000. Mbali ya fedha hizo, bingwa atapata medali za dhahabu, makamu bingwa medali za fedha na mshindi wa tatu medali za shaba.

Mchezaji bora atapata sh. 400,000, mfungaji bora (sh. 300,000), kipa bora (sh. 300,000) na timu yenye nidhamu itapata sh. 300,000. Kila timu inayoshiriki itapatiwa sh. milioni moja kwa ajili ya maandalizi.

Mdhamini pia atagharamia nauli za kuja Dar es Salaam na kurudi kwa timu ambazo zinatoka mikoani. Michuano hiyo itachezeshwa na waamuzi vijana kama ilivyokuwa msimu uliopita.

Pia mradi wa Campaign Against Malaria nao utasaidia kwa kutoa jezi kwa timu zote zinazoshiriki michuano hiyo.

Kesho (Novemba 5 mwaka huu) saa 4 asubuhi kutakuwa na mkutano kati ya Shirikisho la Mpira wa Miguu Tanzania (TFF) na klabu zenye timu shiriki na baadaye kufanyika upangaji ratiba.

STARS KUTEMBELEA MAKUMBUSHO YA TAIFA
Timu ya Taifa ya Tanzania (Taifa Stars) ambayo hivi sasa iko kambini kujiandaa kwa mechi dhidi ya Chad, kesho (Novemba 5 mwaka huu) saa 5 asubuhi itatembelea Makumbusho ya Taifa.
Ziara yao ni ya kawaida, lakini pia kutakuwa na onyesho la Historia ya Soka Tanzania.

Wachezaji ambao tayari wapo kambini hoteli ya New Africa ni Juma Kaseja, Godfrey Taita, Shabani Nditi, Hussein Javu, Juma Jabu, Ramadhan Chombo, Shomari Kapombe, Nurdin Bakari, Nadir Haroub, Juma Nyoso, Erasto Nyoni, Mrisho Ngasa, Mwadini Ally na Aggrey Morris.

Idrisa Rajab wa Sofapaka ya Kenya tayari naye yuko kambini wakati wachezaji wengine kutoka nje wanatarajia kuwasili leo usiku. Wachezaji wa mwisho kutoka nje tunawatarajia kesho.

MORO UTD, SIMBA ZAINGIZA MIL 5.7
Mechi namba 86 ya Ligi Kuu ya Vodacom kati ya Moro United na Simba iliyochezwa Novemba 2 mwaka huu Uwanja wa Azam ulioko Chamazi, Dar es Salaam imeingiza sh. 5,764,000.

Watazamaji waliokata tiketi kushuhudia mechi hiyo walikuwa 1,688 ambapo kiingilio kilikuwa sh. 10,000 kwa VIP na sh. 3,000 kwa majukwaa mengine. Kodi ya Ongezeko la Thamani (VAT) ambayo ni asilimia 18 iliyolipwa ni sh. 879,254.

Gharama za awali kabla ya mchezo; kila klabu ilipata sh. 118,160 wakati Chama cha Mpira wa Miguu Mkoa wa Dar es Salaam (DRFA) kilipata sh. 101,280 kutoka mfuko wa jichangie ambayo ni sh. 200 kwa kila tiketi.

Nauli ya ndani kwa waamuzi, kamishna na mtathimini wa waamuzi ni sh. 90,000. Posho ya kujikimu kwa kamishna ni sh. 40,000. Gharama ya tiketi ni sh. 1,230,000 wakati usafi na ulinzi ni sh. 500,000.

Baada ya gharama hizo za awali kila klabu ilipata sh. 907,424, gharama za mchezo sh. 302,475, Mfuko wa Maendeleo ya Mpira wa Miguu- FDF (sh. 151,237), Uwanja sh. 302,475, DRFA (sh. 120,990) na Baraza la Michezo la Taifa- BMT (sh. 30,247).

Powered by Sorecson : Creation de site internet

Boniface Wambura Mgoyo
Ofisa Habari
Shirikisho la Mpira wa Miguu Tanzania (TFF)

MAKAMU WA RAIS AKUTANA NA WAKURUGENZI WA TPDC NA TIC

2011-11-02T04:54:00.000-07:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na Mkurugenzi Mtendaji wa Shirika la Mafuta nchini (TPDC), Yona Killagane, wakati walipokutana kwa mazungumzo Ofisini kwa Makamu wa Rais Ikulu jijini Dar es Salaam leo Kushoto ni Mkurugenzi Masoko na Uwekezaji wa Shirika hilo, Dismas Fuko

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na Ujumbe wa Kituo cha Uwekezaji Tanzania (TIC) wakati walipofika ofisini kwake jijini Ikulu Dar es Salaam leo Picha na muhidin Sufiani-OMR

KIKOSI CHA TAIFA STARS KUINGIA KAMBINI KESHO

2011-11-02T04:47:00.000-07:00

Timu ya Taifa (Taifa Stars) inaingia kambini kesho (Novemba 3) kujiandaa kwa mechi ya mchujo ya Kombe la Dunia dhidi ya Chad itakayochezwa Novemba 11 jijini N'Djamena. Wachezaji wote wanatakiwa kuripoti kambini kesho, isipokuwa wale wanaocheza mpira wa kulipwa nje ya nchi ambao wataanza kuingia nchini Novemba 4 mwaka huu.

Kambi ya Taifa Stars itakuwa hoteli ya New Africa na mazoezi yatafanyika Uwanja wa Kumbukumbu ya Karume, Dar es Salaam kulingana na programu za Kocha Mkuu wa timu hiyo Jan Poulsen. Timu inatarajiwa kuondoka nchini Novemba 8 usiku kwenda N'Djamena.

Waamuzi wa mechi ambao wote wanatoka Nigeria ni Bunmi Ogunkolade, Tunde Abidoye, Baba Abel na Abubakar Ago. Mtathimini wa waamuzi atakuwa Idrissa Sarr kutoka Mauritania wakati Kamishna wa mchezo huo ni Hamid Haddadj (Algeria).

PRESS NOTICE
Shirikisho la Mpira wa Miguu Tanzania (TFF) kesho (Novemba 3, 2011) litakuwa na mikutano miwili na waandishi wa habari.
Mkutano wa kwanza;
Muda: saa 4.00 asubuhi
Mahali: TFF

Mkutano wa pili;
Muda: saa 6.00 mchana
Mahali: TFF

Regards,
Boniface WamburaMedia OfficerTanzania Football Federation (TFF)

BREAKINGNEWSZzzzz MMILIKI WA SHULE ZA SEKONDARI EFATHA NA RETCO IRINGA MATATANI KWA RUSHWA YA TSH.30,000

2011-11-02T04:03:00.000-07:00

Boss wa Takukuru nchini Dkt Edward Hosea

MMILIKI wa shule ya Sekondari Efatha na Retco Education Center mwalimu Paul Tabani (48) amefikishwa mahakamani kwa tuhuma ya kuomba na kupokea rushwa ya shilingi 30,000 kutoka kwa mwanafunzi wake wa kike.

Mmiliki huyo amefikishwa katika mahakama ya hakimu mkazi wa mkoa wa Iringa leo na taasisi ya ya kuzuia na kupambana na rushwa nchini (TAKUKURU)

Tabani alipandishwa kizimbani majira ya saa 5 asubuhi mbele ya hakimu Mathar Mpaze wa mahakama ya hakimu mkazi wilaya ya Iringa na kusomewa mashtaka mawili katika kesi namba 15(1)(a) ya kuomba na kupokea rushwa kinyume na sheria ya Takukuru ya mwaka 2007.

Akisoma mashtaka hayo mbele ya hakimu Mpaze mwendesha mashtaka wa TAKUKURU mkoa wa Iringa Restituta Kessy aliieleza mahakama hiyo kuwa mshtakiwa Tabani ambaye kitaaluma na mwalimu na mkazi wa Kleruu katika Manispaa ya Iringa alitenda makosa hayo Octoba 25 mwaka huu akiwa katika eneo la Retco Education Center mjini Iringa.

Alisema kuwa Tabani aliomba na kupokea rushwa hiyo kutoka kwa mwanafunzi Christina Wandilage ambaye amehitimu kidato cha nne mwaka huu 2011.

Mwendesha mashtaka huyo alisema kuwa Tabani ambaye alikuwa ameishikilia simu ya mwanafunzi huyo baada ya simu hiyo kukamatwa na mwalimu wake wa RETCO mwalimu Ady Sanga ,kuwa alimtaka mwanafunzi huyo kuweza kumpa kiasi hicho cha fedha ili aweze kabidhiwa simu yake.

Hivyo alisema kuwa mtuhumiwa huyo kosa la kwanza ni kuomba rushwa na kosa la pili ni kupokea rushwa ambapo ni kinyume na sheria ya kuzuia na kupambana na rushwa kifungu namba 15(1)(a) ya mwaka 2007.

"Uchunguzi wa shitaka hilo umekamilika japo hatuna pingamizi yeyote na dhamana kwa mshtakiwa ...mheshimuwa hakimu"alisema mwendesha mashtaka wa Takukuru Iringa.

Hata hivyo mshtakiwa huyo mbali ya kukana makosa yote mawili na mahakama hiyo kutoa masharti ya dhamana kuwa ni kuwa na mdhamini mmoja atakaye saini dhamana ya maandishi ya shilingi 100,000 ,bado Tabani alinusurika kutupwa mahabusu baada ya barua za dhamana zilizofikishwa mahakamani hapo zote mbili kuwa na makosa ikiwemo moja ya awali iliyokuwa haijatolewa nakala ya pili wala picha kugongwa mhuri wa afisa mtendaji huku barua ya pili mdhamini wake ambaye ni mwalimu wake kujiandikia barua mwenyewe ya dhamana hali ambayo mahakamani hiyo ilipinga barua zote kabla ya kufanyiwa masahahisho ile ya kwanza.Kesi hiyo itafika tena mahakamani hapo Novemba 16 mwaka huu kwa ajili ya kutajwa .

ZOEZI LA UREJESHAJI FOMU ZA UDIWANI KATA YA KITANZINI NA GANGILONGA IRINGA LEO ,CHADEMA NI FUNGA KAZI

2011-09-08T12:41:00.000-07:00

Wafuasi wa Chadema wakiwa wamemnyanyua juu juu mgombea udiwani wa kata ya Kitanzini Gervas Kalolo leo wakati akienda kurudisha fomu

Mwwanafunzi mhitimu wa darasa la saba akishabikia maandamano ya chadema yaliyokuwa yakipita mitaa ya Gangilonga

Mgombea udiwani kata ya Kitanzini Miyomboni Gervas kalolo (kushoto) akiwa na mbunge wa jimbo la Iringa mjini Mchungaji Peter Msigwa wakati wa maandamano ya kwenda kurudisha fomu leo mchana

Mgombea udiwani wa kata ya Gangilonga Edwin Sambala (kushoto) akiwa na mbunge wa viti maalum mkoa wa Iringa Chiku Abwao (chadema) wakiwa katika maandamano ya kwenda kurudisha fomu leo

Msafara wa magari yaliyowasindikiza wagombea udiwani wa Chadema leo

Mashibiki wa Chadema wakicheza kiduku nje ya ofisi ya msimamizi wa uchaguzi kata ya Kitanzini KWA HABARI ZAIDI BOFYA HAPA

MFANYAKAZI WA KAMPUNI YA MAFUTA ATUPWA JELA MWAKA MMOJ

2011-09-07T00:10:00.000-07:00

Na Esther Macha, Mbeya

MAHAKAMA ya hakimu Mkazi Mkoa wa Mbeya,imemuhukumu kifungo cha miaka 24,Haji Abdalah,ambaye ni mfanyakazi wa kampuni ya Panoni inashughulika na uuzaji wa mafuta katika Mji wa Tunduma,baada ya kupatikana na hatia ya kuitia hasara kampuni hiyo kiasi cha shilingi Milioni36.

Hukumu hiyo ilitolewa na Hakimu Mkazi Mfawidhi wa mahakama ya Mbeya, Zaward Laizer,baada ya kuridhika na ushahidi uliotolewa mahakamani hapo na upande wa mashtaka uliowasilishwa na mwendesha mashtaka wakili wa serikali Basilius Namkambe.

Awali, akisoma hukumu hiyo hakimu Laizer mbele ya mwendesha mashitaka,Namkambe alidai kuwa mshitakiwa alitenda kosa hilo machi 16 mwaka jana kwa kuiba kiasi cha Lita 8000.

Pia alieleza kuwa machi 16 mwaka jana mshitakiwa huyo alijaribu kuiba kwa kutorosha kiasi cha sjhilingi milioni moja,ambapo alimtumia mfanyakazi mwenzake baada ya mawasiliano yao kubainika kupitia ujumbe mfupi wa maandishi ya simu mkononi.

Kabla ya kutolewa kwa hukumu hiyo mwendesha mashitaka wakili wa serikali Namkambe, alimuomba hakimu kuwa atoe adhabu kali kwa mshitakiwa ili iwe fundisho kwa watu wengine wenye tabia kama hiyo.

Mshitakiwa alipopewa nafasi ya kujitetea alimuomba hakimu huyo ampunguzie adhabu kwa kuwa anakabiliwa na matatizo ya macho, pia anafamilia ambayo ni mke na watoto ambao wanamtegemea kwa asilimia 100.

Mwisho.

SIMBA YAINGIA MKATABA NA MCHEZAJI GERVAIS ANOLD KAGO

2011-08-16T11:17:00.000-07:00

MCHEZAJI GERVAIS ANOLD KAGO

Simba imeingia mkataba na mchezaji Gervais Anold Kago kutoka klabu ya Olympic Real de Bangui ya Jamhuri ya Afrika ya Kati (CAR) kwa ajili ya kuichezea timu hiyo kwenye Ligi Kuu ya Vodacom na michuano ya kimataifa.

Lakini wakati Kago akiwa bado hajapata Hati ya Uhamisho wa Kimataifa (ITC) tumemruhusu achezee timu yake ya Simba kwenye mechi dhidi ya Yanga itakayofanyika kesho (Agosti 17 mwaka huu) kutokana na sababu zifuatazo;

Mechi hiyo ni ya Ngao ya Jamii (Community Shield) na lengo lake ni kusaidia jamii. Pili, ni kuzindua msimu mpya wa Ligi na tatu, Simba imeonesha nia ya kumhamisha kutoka CAR.

Kwa vile Kago ni mchezaji wa kulipwa ni lazima apate ITC kupitia mfumo wa mtandao wa Transfer Matching System (TMS) ili aweze kushiriki Ligi Kuu ya Vodacom na michuano ya kimataifa. Hiyo inatokana na ukweli kuwa Simba imeingia mkataba na Kago kama mchezaji wa kulipwa ambaye uhamisho wake ni lazima ufanywe kwa TMS na si ITC ya karatasi ambayo inatumika kwa wachezaji wa ridhaa.

Kwa mujibu wa Ibara ya 2(2) ya Kanuni za Uhamisho wa Wachezaji za Shirkisho la Kimataifa la Mpira wa Miguu (FIFA), mchezaji wa kulipwa ni yule ambaye ana mkataba wa maandishi na klabu na analipwa kutokana na shughuli ya kucheza mpira.

Pia si kweli kuwa CAR hawamo kwenye TMS. Nchi hiyo inatumia mfumo huo wa mtandao na Meneja wao wa TMS ni Elie-Delphin Feidangamo.

Kwa mujibu wa annexe 3(5) ya Kanuni hizo za FIFA kuhusu uhamisho wa wachezaji, utumiaji wa mfumo wa TMS kwa uhamisho wa wachezaji wa kiume wa kimataifa ni lazima.

Alex Mgongolwa

Mwenyekiti

Kamati ya Sheria, Maadili na Hadhi za Wachezaji

UKOSEFU WA SOKO LA MAHINDI LUDEWA PINGO KWA WANAWAKE NA WATOTO

2011-08-12T05:24:00.000-07:00

TATIZO la soko la mazao wilaya ya Ludewa mkoani Iringa ni chanzo wanawake na watoto kuendelea kunyanyasika kutokana na baadhi ya wanaume kujinufaisha zaidi kwa kukimbia familia zao kwa kisingizio cha kwenda kutafuta soko la mazao nje ya wilaya hiyo .

Uchunguzi uliofanywa na timu ya waandishi wa habari za mtandao wa jinsia Tanzania (TGNP) katika kata hiyo ya Mavanga wilaya ya Ludewa ambayo ni moja kati ya kata zinazoongoza kwa uzalishaji wa zao la mahindi kwa wingi unaonyesha kuwa wanaume wa kata hiyo wamekuwa wakijinufaisha na ukosefu wa soko la mazao katika kata hiyo kwa kusafirisha mazao nje ya wilaya hiyo na kutumia vibaya fedha za mauzo ya mazao hayo mjini kwa anasa.

Sarah Samson ni mwanamke mkazi wa kijiji cha Mavanga wilaya ya Ludewa anasema kuwa amekuwa akitunza watoto zaidi ya watano ambao ameachiwa na mme wake aliyetoweka kijiji hapo kwa zaidi ya miezi miwili sasa na magunia 50 ya mahindi kwa madai ya kwenda kuyauza kwa wafanyabiashara wa wilaya ya Njombe.

“Mateso yote haya nimekuwa nikiyapata kutokana na kukosekana kwa soko la uhakika katika kata yetu na kama kungekuwa na soko hata mimi ningeweza kwenda kuuza mazao badala ya kumwachia mwenzangu kujinufaisha binafsi kwa mazao tuliyolima pamoja”

Mwanamke huyo anasema kuwa kila mwaka wakati wa mavuno mwenzake amekuwa akihama nyumba na kwenda kuishi mjini hadi pale fedha za mauzo ya mahindi zinapomalizika ndipo anaporejea kijijini .

Anasema kuwa katika kata yao zao kuu la biashara ni mahindi ila kutokana na kukosekana kwa soko la kuuzia zao hilo wakulima wamekuwa wakiendelea kulima kilimo cha mazoea kama njia ya kudumisha utamaduni wa mabibi na mababu ambao walikuwa wakilima kilimo hicho .

“Tulitegemea kuona serikali inasaidia kutunusuru na tatizo la ukosefu wa soko la uhakika la mazao kwetu sisi wananchi wa pembezoni mwa miji kwa maana ya wakulima ambao ndio tegemeo kubwa la uchumi wa Taifa la Tanzania …ila pamoja na kuwepo kwa ahadi nyingi za serikali katika kuendeleza kilimo na wakulima ila bado kwetu huku vijijini kilimo si ukombozi kutokana na kulima mazao ambayo yamekuwa yakiozea nje ya nyumba zetu kwa kukosa soko na hata kama tunabahatika kupata wanunuzi ni wale wanaokuja kununua kwa bei yao wenyewe”

Hata hivyo anasema kuwa katika wilaya ya Ludewa bado wakulima wamekuwa wakitumikishwa katika kilimo kwa kulipia gharama za mbolea ya ruzuku bila kupata faida kutokana na mazao wanayovuna kukosa wanunuzi na kama wanunuzi wanajitokeza ni wale wanunuzi wenye kutafuta kujinufaisha zaidi wao badala ya kumjali mkulima .

Sarah anasema kuwa pamoja na kulima na kupata mazao mengi zaidi ila bado amekuwa akiishi maisha ya tabu na watoto kutokana na kutokuwepo kwa soko la uhakika la mazao katika kata hiyo na kujikuta kila mwaka akilima mazao kwa ajili ya kumwezesha mume wake kutoka nje ya kata hiyo kwenda kujinufaisha kwa fedha za mazao hayo huku watoto wakikosa elimu kwa uhaba wa fedha.

Hata hivyo anasema kuwa kwa watoto wake wawili ambao wamefaulu mtihani wa darasa la saba amelazimika kuwaingiza katika orodha ya watoto wasio na uwezo ambao wanasomeshwa na mbunge wa jimbo la Ludewa Deo Filikunjombe .

“Uwezo wa kufanya kazi ikiwemo ya kulima tunayo na tumekuwa tukilima kwa juhudi zote na kuvuna mahindi ambayo mwisho wa siku yamekuwa yakioza kwa kukosa soko na hata kama yanapata wanunuzi wa jumla ni wale ambao wamekuwa wakinunua gunia wakati mwingine kwa shilingi 5000 hadi 10000 fedha ambazo hazitoshi kuendesha maisha ya sasa”

Huku John Nkera mkazi wa Ludewa akidai kuwa sababu ya wanaume kukimbia familia zao na kwenda mijini ni kutokana na serikali kushindwa kuboresha masoko kwa wakulima hao hali inayopelekea baadhi yao pindi wanapokwenda kuuza mazao kujikuta wakihamia kwa muda mjini hadi pale wanapomaliza fedha za mauzo ya mazao yao ndipo hurejea kijijini jambo ambalo ni sawa na unyanyasaji katika familia zao.

Hata hivyo anasema kuwa wapo wanawake ambao wameachika ama kukimbia nyumba zao kutokana na kuchboshwa na tabia za baadhi ya wanaume ambao wamekuwa wakiwageuza punda kwa kuwatumikisha kulima na baada ya mavuno fedha zimekuwa zikiishia katika anasa mjini .

Akielezea kuhusu ubovu wa miundo mbinu katika kata hiyo anasema kuwa ubovu na ukosekanaji wa miundo mbinu ya uhakika vijijini ni chanzo cha wakulima kuendelea kugeuzwa watumwa wa wafanyabiashara katika kilimo .

Pia anasema kuwa yapo masoko yaliyojengwa na serikali kwa ajili ya wakulima toka mwaka 2008 ila masoko hayo yameshindwa kutumika kutokana na ujenzi wake kutozingatia mahitaji halisi ya wakulima ambao walikuwa wakihitaji masoko ya mazao na sio ya mboga mboga kama yalivyojengwa katika maeneo mengi ya wilaya ya Ludewa .

Anasema kuwa kwa sasa wakulima wamekuwa wakisafirisha mazao yao hadi mjini Ludewa umbali wa zaidi ya kilometa 50 ili kusafirisha mazao hayo kwenda wilayani Njombe ambako ni mwendo wa kilometa zaidi ya 200 kwenda kutafuta soko la uhakika la mazao hayo ambayo hata hivyo wamekuwa wakiuza kwa hasara kutokana na kutojua vema soko la mazao hayo mjini Njombe.

Anasema kuwa serikali imekuwa ikihimiza wakulima kuongeza kasi ya uzalishaji wa mazao ya biashara kama kilimo cha mahindi na hata kusambaza pembejeo za kilimo za ruzuku ila wakati wa mavuno serikali tena imekuwa ikiwapiga marufuku wakulima kusafirisha mazao yao njue ya nje na kuwataka kuuza mazao hayo ndani ya nchi ambako soko lake limekuwa ni lile la kuwakandamiza wakulima na kuwanufaisha wafanyabiashara pekee.

“Hivi tunataka kuiuliza serikali leo kuwa ipo kwa ajili ya kumkomboa mkulima wa pembezoni ama ipo kwa ajili ya kuwanufaisha wafanyabiashara wa mijini ambao wamekuwa wakifika kununua mazao yetu kwa bei ya kutupwa ….tunauza gunia moja la mahindi kwa shilingi 5000 hadi 10000 wakati mbolea mfuko tunanunua zaidi ya shilingi 20,000 …hivi kweli serikali inaposema kilimo kwanza ni kwa manufaa ya mkulima ama wafanyabiashara “alihoji na kuiomba serikali kufanya utafiti ili kuona kama mkulima anavyonyanyasika kwa kilimo .

Nkwera anasema kuwa hivi sasa wakulima wa Tanzania tumegeuka kuwa watumwa katika nchi yetu kwa kuwatumikia wenye fedha bila sisi wenyewe kutambua kutokana na kulima kwa shida kubwa na mazao kuja kuyauza kwa bei ya kutupwa

Anasema kuwa wilaya ya Ludewa katika mkoa wa Iringa imekuwa ikiongoza kwa kilimo cha mahindi kama ilivyo kwa wilaya ya Njombe ila wakulima wa wilaya ya Ludewa kutokana na kuwepo pembezoni zaidi ya barabara kuu ya lami wameendelea kuwa kulima bila mafanikio ya kiuchumi huku sehemu kubwa ya walima ambao wanaishi mashambani wameendelea kuishi katika nyumba za nyasi huku nje ya nyumba zao wamelundika mazao ya kutosha yasiyo ya soko .

“Mkulima wa wilaya ya Ludewa ameshindwa kabisa kujikwamua kiuchumi kwa kutumia kilimo cha zao la mahindi pamoja na kuwa kilimo cha mazao hili ndicho kinachowakomboa wakulima wa wilaya nyingine za mkoa wa Iringa ….ila kwetu wakulima wa Ludewa hadi sasa tunakwama kujinasua katika dimbwi la umasikini …hivi leo tujiulize serikali yetu imekuwa ikitangaza maisha bora kwa kila mtanzania na hata kuhimiza kila mwenye uwezo wa kufanya kazi kufanya kazi sasa sisi wakulima pamoja na kuitikia wito wa serikali kwa kufanya kazi na kujitahidi kutafua maisha bora ila bado serikali imekuwa ni kikwazo kwa kushindwa kutuwekea mazingira bora ya kuuzia mazao yetu na hata wakulima tunapotafuta njia ya kuuza mazao nje serikali imekuwa ikizuia kufanya hivyo”

Anasema kuwa kukosekana kwa soko la uhakika la kuuzia mazao yao ni moja kati ya sababu ya wanawake na watoto kuendelea kunyanyasika katika familia zao kutokana na baadhi ya wanaume kuendelea kuhama vijiji vyao na kuhamia mijini kwa kisingizio cha kwenda kutafuta soko la mazao na mwisho wa siku kilimo kimegeuka kuwa hatari katika ndoa zilizo nyingi kwa wakulima wa vijinini.

Huku mganga wa kituo cha afya Ibumi Victoria Haule akidai kuwa wakulima wa kata ya Ibumi wameshindwa kabisa kuchangia huduma ya bima ya afya kutokana na kushindwa kuuza mazao yao kama walivyotegemea na kuwa serikali ilitegemea kwa kipindi cha mavuno kama sasa wananchi wengi wangeweza kujiunga na mfuko wa bima ya afya ila imekuwa tofauti baada ya wananchi 7 pekee ndio wamepata kujiunga na mfuko huo kati ya wananchi zaidi ya 10000 waliotegemewa katika kijiji cha Ibumi pekee.

Anasema kuwa kwa kawaida wananchi wa Ludewa wamekuwa wakitakiwa kuchangia mfuko huo wa bima ya afya kiasi cha shilingi 10,000 kwa kila familia kwa mwaka ili kuachana na utaratibu wa kuchangia shilingi 3000 kwa kila wanapofika kutibiwa kwa kila siku ila bado kikwazo cha soko la mazao yao kimefanya wakulima hao kushindwa kuchangia mfuko huo.

Pamoja na wananchi hao kushindwa kuchangia mfuko huo wa bima ya afya bado wameshindwa kukamilisha kulipa deni la umeme wa mionzi ya jua ambao Zahanati ya kata hiyo ya Ibumi ilifungiwa kwa mkopo kwa makubaliano ya kulipa deni hilo la shilingi milioni 1 baada ya mavuno ila hadi sasa upo uwezekano wa zahanati hiyo kukosa huduma hiyo ya umeme baada ya kushindwa kulipa deni la shilingi 750,000 zilizosalia pamoja na makubaliano ya mwisho yalikuwa ni juni mwaka huu.

Mbunge wa jimbo la Ludewa Deo Filikunjombe (CCM) anasema kuwa ufumbuzi wa kilio cha wakulima wa Ludewa ni serikali kufungua milango ya ununuzi wa mahindi katika vituo vya Shauri Moyo,Mlangali na Ludewa na kuwa iwapo vituo hivyo vitaanza kufanya kazi wakulima wa wilaya ya Ludewa watanufaika na kilimo cha zao hilo la mahindi.

Filikunjombe katika moja kati ya maswali yake bungeni alimwomba waziri wa kilimo na chakula kusikia kilio cha wakulima wa wilaya ya Ludewa kwa kufika katika vituo hivyo kununua mahindi ya wakulima hao kama njia ya kuwakomboa wakulima wa wilaya hiyo ambao kimsingi wamekuwa wakijituma zaidi katika uzalishaji wa mazao ya chakula ila kikwazo kwao ni soko.

Mbunge huyo anasema kuwa kwa muda sasa wakulima wa wilaya ya Ludewa wameendelea kukosa soko la uhakika la mazao ya mahindi huku serikali ikiwazuia wakulima hao kujitafutia soko la mahindi nje ya nchi .

Anasema kuwa kituo cha serikali cha ununuzi wa mahindi (GSR) kilichopo makambako wilaya ya Njombe ni kituo ambacho kipo mbali zaidi na wakulima wa wilaya ya Ludewa ambao hata wakijaribu kusafirisha mazao yao hadi Makambako bado miundo mbinu ya wilaya hiyo ni ya shida kutokana na kutokuwepo kwa barabara ya uhakika inayowezesha usafiri kufikika kwa urahisi hadi vijiji vya pembezoni zaidi na makao makuu ya wilaya ya Ludewa.

Kwa maoni na ushauri 0754 026 299 /0712 750199

MWISHO

MAKAMU WA RAIS USO KWA USO NA MAALIM SEIF SABASABA BAADA YA KUZINDUA GS 1

2011-07-05T00:12:00.000-07:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisoma hotuba yake wakati wa uzinduzi wa Huduma Global Standard GS1 nchini Tanzania, ‘Mfumo wa utambuzi wa Bidhaa’Uliozinduliwa jana kwenye Viwanja vya Julius Nyerere Dar es Salaa. Picha na Muhidin Sufiani-OMR

TAARIFA KWA VYOMBO VYA HABARI

2011-07-04T23:54:00.000-07:00

TAKWIMU NA KANUNI ZA CECAFA KWA MICHEZO YA ROBO FAINAL.

Hapo jana jioni kilifanyika Kikao kati ya CECAFA na wawakilishi wa vilabu vilivyoingia hatua ya Robo Fainal ya Michuano ya KAGAME CASTLE CUP.

Kwa pamoja walikubaliana mambo yafuatayo:

1} Kadi zote za Njano ambazo wachezaji walikuwa nazo kabla ya michezo ya robo fainal zimefutwa na kuanzia michezo ya robo fainal kila timu itaanza na Clean Sheet ya Card kasoro wachezaji wawili wa timu ya Ulinzi ambao ni Antony Edridu aliyepata kadi nyekundu kwenye Mchezo Uliopita na Laurence Owino ambaye ana kadi mbili za njano pamoja na Ssali Edward wa klabu ya Bunamwaya ambaye ana kadi mbili za njano ndio watakao kosa michezo ya Robo fainal na timu zao.

2} Kwa Michezo ya Robo fainal na ule wa kumtafuta mshindi wa tatu baada ya dakika 90 sheria ya Mikwaju ya Penalt itatumika,kasoro michezo ya nusu fainal na fainal ndipo italazimika kutumia dakika 30 za ziada kama timu zitachoshana nguvu katika muda wa kawaida.

3} Timu zitakazofuzu katika Michezo yao ya Robo fainal ya kwanza siku ya Jumanne ya tarehe 5 ndizo zitakazocheza nusu fainal ya kwanza siku ya Alhamis ya tarehe 7 ya mwezi huu.

Wakati, Huo huo takwimu za Michuano hii hadi hivi sas ni kama Ifuatavyo,

Simba ndiyo timu yenye nidhamu hadi hivi sasa baada ya kuwa na kadi mbili tu za njano toka mchezo wao wa kwanza,wakati timu ya Ports Fc ya Djibouti ndiyo inaongoza kwa kuwa na kadi nyingi za njano(11),

Pia jumla ya kadi za njano 66 na kadi 9 nyekundu zimekwisha tolewa hadi sasa.

Jumla ya magoli 67 yamekwishafungwa kwa vituo vyote viwili vya Dar es Salam na Morogoro.

Mchanganuo zaidi ni huu hapa chini kwa kila Kundi.

KUNDI.	KADI ZA NJANO.	KADI NYEKUNDU.
A.	26.	5.
B.	18.	1.
C	22.	3.
JUMLA.	66.	09.

Abduly Mohamed.

K/Ofisa Habari

'LIVE' MR&MISS RUCO WAKIONYESHA VIPAJI VYAO MMOJA ARUSHIWA CHUPA

2011-05-21T15:30:00.000-07:00

WASHIRIKI MR&MISS RUCO WAKIPANDA NA VAZI ASILI'LIVE"

'LIVE" UTAMBULISHO WA MR&MISS RUCO

MR&MISS RUCO USIKU HUU IRINGA

Majaji wakitambulishwa

Mmimiliki wa mtandao huu Bw Francis Godwin akijitambulisha katika ukumbi wa RUco

Timu ya mtandao huu wa www.francisgodwin.blogspot.com ikiwajibika hapa ni mwanahabari Clement Sanga akiendelea kuweka matukio

ukumbi umeanza kupendeza hawa ni wadau wa mtandao huu

DJ MUBA AKIWA KAZINI NDANI YA UKUMBI WA RUCO

Hawa ni baadhi ya wadhamini wa onyesho hilo la MR&MISS RUCO 2011

Washiriki wa taji la MR&MISS RUCO watakaopanda jukwaani usiku huu
Hivi sasa wapenzi wa burudani hii ya urembo wanaingia ndani ya ukumbi ,usiku huu wasani Mwasiti Almas na Izzo Bussiness watawasha moto

TAHADHARI ,KUWENI MAKINI NA EMAIL ZA MATAPELI WA KIMATAIFA

2011-05-15T09:35:00.000-07:00

OFISI YA RAIS Seneti
Shirikisho la Jamhuri ya NIGERIA
Kamati ya MALIPO NJE
(AZIMIO jopo juu MALIPO NJE
Abuja-Nigeria.
TOVUTI: www.nassnig.org

ATTENTION:

Inayohusiana na mfuko wa kuhamisha yako, sisi wajumbe wote wa nyumba ya shirikisho la seneti ina kupitishwa hati ya juu kwa jina yako ili kuwawezesha yetu hii alihitimisha hatua ya mwisho ya kuhamisha yako kabla ya Mei 30, 2011. Benki ya kushiriki ni pamoja na Benki ya Skye Plc, kwa kushirikiana na Benki Kuu ya Nigeria.

Sisi wajumbe wote wa nyumba imekamilisha kwenye mkutano wetu wa mwisho na mkuu wa nchi na kuwekwa uamuzi huu wa hii nyaraka zote kuhamisha kama $ 100 (dola za kimarekani mia) tu, ambayo unaweza kupeleka sasa ili kwamba GNAB itakuwa imetolewa na wewe . Pia kuwa na taarifa kwamba bodi amekutana leo na kuidhinisha uhamisho, mchakato huo kuanza, kama hii maamuzi imekuwa kuwekwa na viongozi wote wa juu wa serikali waliohusika katika kuhamisha ikiwa ni pamoja na wakurugenzi wa Benki.

Una kumbuka makini kwamba maudhui ya makala ya sheria imara chini ya benki ya kuhamisha Nigeria nje ya 67 ukurasa, cap 10 chini ya kifungu 6, ambayo serikali wazi kwamba chini ya hali hakuna kiasi kubwa zaidi ya $ 1million mtasamehewa akaunti nje ya nchi bila GNAB. Na mfuko vile zitaingizwa katika akaunti ya serikali kama kumtia mfuko. Hii ilikuwa sababu kuu mfuko huu si Gotten na Benki wako kwa miaka mingi.

Hiyo ya bodi ya Benki na wengine viongozi wa juu wanadai hii minyororo serikali zisizo tathmini (GNAB) mali ya mteja wetu ambayo ni wewe vinginevyo kutakuwa na tatizo, wakati huo huo nyumba ina aliahidi kwamba Gnab yatatumwa kwa mteja wetu. Ambayo ni muhimu kwa ajili ya rekodi.

Sisi wajumbe wote wa nyumba ya seneti ni kutumia muda wa haraka kukushauri kufanya malipo ya ada yako GNAB ya dola 100 bila kuchelewa zaidi. Kuwa mapumziko uhakika kwamba uteuzi yetu ya kushughulikia na utunzaji wa harakati ya mfuko wa yote, bure kama sisi ni kutoa 100% dhamana ya kutoa kazi kwa haraka kama taarifa yako ya magharibi ya muungano kufikia yetu katika nyumba ya barua pepe yetu kama si chini ya 24hours kuwa amri iliwekwa.

Kumbuka kuwa mfuko wako utakuwa huru kuondoka kutoka Benki ya bila kuchelewa yoyote kama wewe kupata serikali zisizo tathmini vifungo (GNAB) ambayo ni $ 100 tu na kuhakikisha kwamba hakuna kufuatilia serikali au wakala wanaweza kupata fedha wakati remittance ya kujifungua. Una kupata gnab ya yameandikwa juu ya jina lako na mhuri kabla ya mikopo ya fedha kwa akaunti yako ya benki.

Hii ilikuwa ni kwa nini hatuna kibali au ishara mbali kifungoni kwa sababu ya kuhamisha Usajili wenu leo kama Benki ya anasisitiza juu ya GNAB.

Kulingana na maelezo hayo, wewe ni hili wanashauriwa kufanya malipo ya dola 100 via Western Union au gramu KUHAMISHA FEDHA FEDHA kabla ya Mei 30, 2011 kama tarehe ya kufunga na kuwekwa.

gnab hii itaonyesha kwamba shughuli hiyo ilikuwa kufanywa kupitia uwezo kamili wa serikali na wala aliuliza kwa hali fulani. Kutumia taarifa ya Bellow kwa ajili ya malipo ya mahitaji ya $ 100 GNAB:

Sender `s Jina: -
Sender `s Location: -
Mtcn ---

Receiver jina: Mr.Okoye Chinedu.
location: Abuja-Nigeria.
Nakala swali --- Gnab,
Jibu ---- Final
Mtcn ---

Kuzingatia katika kuwa hii ni hatua ya mwisho ya kuhamisha hii. Haraka kama hili ni kosa, itachukua 24hours tu kwa ajili ya mfuko huo kuwa na sifa katika akaunti yako mteule Benki, utakuwa ukawasiliana na Benki yako mwenyewe.

Best Regards
Seneta David Mark [GCON]
Seneti RAIS
(Shirikisho la Jamhuri ya Nigeria)
Moja kwa moja Line: 234-8134653664

ALEXIA WILIAM AWA MISS VODA COM DAR CITY CENTER

2011-05-15T02:01:00.000-07:00

Mshindi wa kwanza wa taji la Vodacom Miss Dar City Center Alexia William akiwa kwenye picha ya pamoja na mshindi wa pili Salha Israel (Kushoto) na mshindi wa tatu Jenifer Kalokola mara baada ya kutangazwa washindi. Shindano hilo lilifanyika mwishoni mwa wiki jijini Dares salaam.

Meya wa Manispaa ya Ilala Jerry Slaa akimkabidhi mshindi wa kwanza wa taji la Vodacom Miss Dar City Center Alexia William zawadi ya shilingi Milioni 1/- zilizotolewa na waandaaji wa shindano hilo. Anayeshuhudia ni mke wa Meya Slaa, shindano hilo lilifanyika mwishoni mwa wiki jijini Dares salaam.

Vodacom Miss Dar City Center Alexia William akipunga mkono mara baada ya kutawazwa kuwa mlimbwende wa kanda hiyo. Wengine kutoka kulia kwake ni mshindi wa pili Salha Israel, wa pili kutoka kulia ni mshindi wa tatu Jenifer Kalokola, wa kwanza kutoka kushoto ni mshindi wa nne Maryvine Kenzia na kulia mshindi wa tano Lilian Paulo, shindano hilo lilifanyika mwishoni mwa wiki jijini Dares salaam.

Mkuu wa itifaki wa kamati ya Vodacom Miss Tanzania Albert Makoye, Mtaalam wa Masuala ya Habari wa Vodacom Tanzania Matina Nkurlu na Afisa Udhamini wa kampuni hiyo Ibrahim Kaude wakisoma ujumbe wenye jina la mshindi wa Miss University (UDSM) Chiaru Masonobo ili walitangaze kwenye shindano la Vodacom Miss Dar City Center lililofanyika mwishoni mwa wiki jijini Dar es Saalam.(picha na Michuzi Blogu)

BREAKINGNEWZzzzzzzzzzzz ,SIMU YA MCHINA YALIPUKO NA KUTEKETEZA NYUMBA IRINGA

2011-04-17T04:05:00.000-07:00

Simu aina ya Nokia ya Kichina iliyolipuka
mali zilizoteketea
MALI mbali mbali mali ya Tito Kilale mkazi wa kihesa katika manispaa ya Iringa zimeteketea kwa mkubwa ambao unasadikika kutokana na hitirafu ya umeme baada ya simu aina ya Nokia ya mchana iliyokuwa ikichajiwa kulipuka .

Wakielezea tukio hilo leo katika mahojiano maalum na mtandao huu wa www.francisgodwin.blogspot.com wapangaji wa nyumba hiyo walisema kuwa mmiliki wa chumba hicho wakati tukio hilo likitokea majira ya saa 4.45 asubuhi alikuwa safarini nje ya mji wa Iringa.

Walisema kuwa chanzo cha chumba hicho kuteketea kwa moto ni hitirafu ya umeme iliyosababishwa na simu ambayo ilikuwa imewekwa chaji na mmoja wapangaji kwenye sebule ya mpangaji mwenzao huyo .

“Sisi tulikuwa tumekaa nje tukiendelea na shughuli zetu ghafla tulisikia kishindo kikubwa cha mlipuko kama baruti vile ila hatukuweza kuchukulia manani sana tulijua ni panya wameangusha kitu ndani ila baada ya kama dakika 10 hivi toka kishindo hicho kitokee ndipo tuliona moshi mzito unatoka ndani…kutokana na mlango wa chumba kuwa umefungwa na mpangaji mwezetu aliyekuwa na funguo ambaye alikuwa amechaji simu hiyo kuwa mbali tulilazimika kuvunja mlango na madirisha ili kujaribu kuokoa mali”

Hata hivyo wakazi hao wa Kihesa walisema kuwa tukio hilo ni somo kwa watumiaji wa simu ambao wamekuwa na kawaida ya kuzilaza katika chaji kuwa ni vizuri sasa kujifunza kwa tukio hilo na kuepuka kuacha simu zao katika chaji ili kuepuka madhara kama hayo.

Mtoto wa mmiliki wa chumba hicho Kashiru alisema kuwa mmiliki wa chumba hicho ni babake mdogo na kuwa wakati tukio hilo likitokea alikuwa kijijini na chumba chake alikuwa amefunga na kukabidhi ufunguo kwa mmoja kwa majirani zake.

Alisema kuwa mali zilizookolewa ni zile zilizokuwa chumbani pekee ambazo ni pamoja na Laptop na kitanda pamoja na masanduku ya nguo huku mali mbali mbali ambazo ni nyigi zaidi zilizokuwa sebuleni zote ziliteketea kwa moto.

Hata hivyo alisema kuwa pamoja na wakati moto huo ukitokea nje ya chumba hicho kulikuwa na watoto wakicheza ambao waliokolewa pamoja na magari madogo aina ya land Rover mawili ambayo yalikuwa yameegeshwa nje ya nyumba hicho ambayo pia yalinusurika kuteketea kwa moto.

Kamanda wa polisi wa mkoa wa Iringa Evarist Mangalla na mmiliki wa chumba hicho hawakuweza kupatikana ili kuelezea hasara iliyosababishwa na moto huo.

UVCCM WAZIDI KUTUMIKA KUSAFISHA NJIA URAIS 2015

2011-04-02T21:03:00.001-07:00

Yusuph Mabena

MAMBO yazidi kuwa magumu ndani ya jumuiya ya vijana wa chama cha mapinduzi (UVCCM) na chama cha mapinduzi baada ya vijana sasa kutaka CCM kuifuta UVCCM kwa madai kuwa imekuwa ni chimbuko la malumbano ya kukivuruga chama.

Pia kikundi hicho cha UVCCM mkoa wa Iringa kimeibuka na kutaka viongozi wote wa UV CCM ambao wamekuwa wakiongoza malumbano dhidi ya viongozi wa CCM wenye mamlaka ndani ya UVCCM kujiuzulu nafasi zao wanazozitumikia kwa wakati mmoja ili kuinusuru jumuiya ya UVCCM na kama njia ya kutoa nafasi kwa chama kuunda ama kuipika upya jumuiya hiyon ambayo imepoteza mwelekeo sasa na kuwa kama chama cha upinzani ndani ya CCM.

Tamko hilo la kupinga lililopewa jina la UV CCM irude kwenye misingi yake lilitolewa jana kwa waandishi wa habari na mjumbe wa baraza kuu la UVCCM mkoa wa Iringa Yusuph Mabena (pichani) kwa niaba ya vijana wenzake wajumbe wenzake wa baraza hilo waliokutana katika ukumbi wa Hoteli ya Ruaha mjini Iringa.

Hata hivyo tamko hilo limekuja zikiwa ni siku chache toka waziri mkuu mstaafu Frederick Sumaye na kuinyoshea kidole jumuiya hiyo ya UV CCM kuwa imekuwa ikitumika kwa maslahi binafsi kwa ajili ya kupanga safu ya wagombea wa nafasi ya urasi mwaka 2015 jambo ambalo ni kinyume na taratibu za chama hicho.

Mabena alisema kwa wao kama wanachama wa UV CCM na wana CCM wameamua kutoa tamko hilo ili kuwezesha kuifanya UV CCM kurejea katika misingi yake na tamko lao limelenga kukinusuru chama na sio tamko la kutumiwa na mtu yeyote ama mgombea wa nafasi ya urais mwaka 2015 kama wengine wanavyofanya.

“Mimi Yusuph Mabena ambaye ni mjumbe wa baraza la UVCCM mkoa wa Iringa nikiwa na wenzangu ambao ni wana CCM na wana UV CCM tunatoa tamko la kulaani mienendo yoyote ndani ya jumuiya ambayo inaonyesha kuitoa UVCCM katika misingi ya kuanzishwa kwa jumuiya na pia tunatoa tamko la kulaani mienendo yote ya UVCCM Taifa ambayo inaonyesha kwa,mba kwa sasa UVCCM imekuwa chama cha upinzani ndani ya CCM”

Mabena alisema kuwa ikumbukwe kuwa CCM inaweza kuwepo bila ya UVCCM na kuwa kama sio CCM UVCCM isingekuwepo hivyo kundi lolote linaloonyesha kupinga na kuishambulia CCM halina budi kufumbiwa macho na linapaswa kuogopwa kama ukoma .

“Ieleweke wazi kuwa jumuiya ya chama inayopinga chama hiyo tayari imejiingiza katika upinzani na inapaswa kushughulikiwa kwa kuhakikisha inavunjwa na kuundwa jumuiya ambayo ni msaada ndani ya chama vinginevyo CCM itajimaliza kwa kutumia jumuiya hiyo ya UVCCM ambayo ni inaupinzani mkali kuliko vyama vya upinzani….mtoto aliye tumboni akiamua kuua mama yake ni dhahiri ameamua kufa ….sasa kama humo tumboni kuna zaidi ya mtoto moja na hao wengine wanatama kuendelea kuishi na kumwona mama yao anaishi hawawezi kumwacha mwezao kuendelea na mipango ya kumuua mama yao watamshughulikia “

Hivyo aliwataka viongozi wa UVCCM Taifa kama wanakitakia mema chama kuacha mara moja kutoa matamko yasiyo na tija katika chama na kuwa iwapo wataendelea na matamko hayo basi wajue wazi kuwa wao kuwa hakuna vijana watakao waunga mkono kwa kuacha waendelee kuua chama hicho.

Hata hivyo alisema kuwa uongozi mbovu wa UVCCM Taifa ndio ambao umesababisha CCM kupoteza majimbo mbali mbali ya uchaguzi mwaka 2010 kutokana na kupanga safu yao ya kitaifa kwa ajili ya kuzunguka majimboni kufanya kampeni na kuwaacha vijana ambao ni wenyeji wa majimbo husika jambo ambalo lilipelekea vijana waliotengwa kugeuka wapinzani ndani ya CCM.

Hivyo alisema kuwa iwapo malumbano ya UVCCM na viongozi wastaafu ndani ya chama na viongozi wa CCM yataendelea basi ni vema UVCCM itamke wazi kuwa si jumuiya ya CCM bali ni chama cha upinzani ndani ya CCM na kusajiliwa rasmi .

Kwa upande wake mwenyekiti wa UVCCM mkoa wa Iringa Fadhil Ngajilo alipohojiwa na mwandishi wa habari hizi juu ya tamko hilo alisema kuwa ni utovu ni nidhamu na kuwa kupitia vikaoa vya UVCCM wataamua cha kufanya .

Alisema ni kinyume cha chama kutumia vyombo vya habari kutoa mambo ya chama na kulitetea baraza la UVCCM Taifa ambalo lilitumia vyombo vya habari pia kuwashambulia baadhi ya wastaafu na viongozi wa chama kuwa lilifanya hivyo baada ya viongozi hao kutangulia kutumia vyombo vya habari kutuhumu UVCCM .

“Tunataka wana CCM wafuate taratibu za vikao sio kwenda katika vyombo vya habari kukishambulia chama ama UVCCM kwani kuna vikao kuanzia kata hadi Taifa ambavyo vinaweza kuwasikiliza “

Hata hivyo alisema kuwa wanachama ni wajumbe wa vikao vyote CCM japo wapo baadhi ambao wamekuwa mstali kukokosoa chama hadharani,

Kwa kuwa viongozi walitangulia wasema hadharani ndio sababu ya baraza kutoa tamko lile la kwanza la kulaani ili kuepusha shari.

Hata hivyo alisema kuwa kutokana na UVCCM na CCM inaendeshwa kwa misingi ya vikao wale wote wanakiuka misingi hiyo watashughulikiwa kupitia vikao

'LEVE"CCM IRINGA YAHOJI SEKONDARI YA CHUO CHA UALIMU KUKOSA WALIMU

2011-04-01T02:38:00.001-07:00

Mary Tesha katibu wa CCM Mkoa wa Iringa

CHAMA cha mapinduzi (CCM) mkoa wa Iringa kimeshangazwa hatua ya shule ya mazoezi ya chuo cha ualimu Kleruu katika Manispaa ya Iringa kuwa na tatizo la upungufu wa walimu wakati ni jiko la kupika walimu .

Hali hiyo imejitokeza leo wakati wa ziara ya viongozi wa CCM mkoa wa Iringa kukagua utekelezaji wa Ilani ya CCM katika maeneo mbali mbali ya Halmashauri ya Manispaa ya Iringa .

Pamoja na kupongeza jitihada mbali mbali zinazofanywa na uongozi wa shule hiyo na wananchi wa kata ya Gangilonga katika kuendeleza shule hiyo bado katibu wa CCM mkoa wa Iringa Mary Tesha aliutaka uongozi wa shule ya sekondari Mazoezi Kleruu kueleza sababu ya shule yake kukosa walimu .

Alisema kuwa kimsingi shule hiyo ni sehemu ya nyenzo za kufundishia walimu katika chuo cha ualimu Kleruu na ndio sababu ya serikali kujenga shule hiyo ndani ya majengo ya chuo cha ualimu Kleruu hivyo uongozi wa shule hiyo kulia juu ya tatizo la walimu ni jambo la kushangaza .

“Tumefurahishwa sana na jitihada mbali mbali zinazofanywa na kamati ya ujenzi na wananchi wa kata hii ya Gangilonga pamoja na Manispaa ya Iringa katika kuboresha elimu Manispaa ya Iringa …ila kwa hili la kukosa walimu wa kutosha hapa shule ya sekondari Kleruu tunaomba maelezo ya kutosha” alisema katibu huyo.

Kwani alisema kuwa lengo la ziara ya CCM katika Halmashauri ya Manispaa ya Iringa ni kutaka kuona jinsi ambavyo ilani ya CCM ilivyoanzwa kutekelezwa baada ya uchaguzi mkuu uliofanyika mwaka 2010 ili kuona changamoto mbali mbali zinazokwamisha utekelezaji wa Ilani hiyo na mafanikio ya utekelezaji wa kipindi kifupi ambacho Rais Jakaya Kikwete ameingia madarakani.

Kwa upande wake mstahiki Meya wa Manispaa ya Iringa Amani Mwamwindi alisema kuwa Halmashauri hiyo ina jukumu kubwa ya kusimamia kwa umakini utekelezaji wa Ilani ya CCM na kuwa siku ya kwanza kabisa ya kuanza kwa baraza jipaya la madiwani mkurugenzi wa Halmashauri hiyo alikabidhiwa Ilani ya CCM kama kitendea kazi namba moja katika kutekeleza ahadi za serikali iliyopo madarakani.

Kwa upande wake mkuu wa shule ya Mazoezi Kleruu Yoram Mponzi alisema kuwa shule hiyo ina jumla ya walimu 17 japo awali kabla ya walimu 12 kwenda masomoni ilikuwa na walimu 28.

Hata hivyo alisema kuwa sababu kubwa iliyopelekea shule hiyo kuwa na upungufu wa walimu ni kutokana na utaratibu mpya wa wizara ya elimu ambapo ulisitisha utaratibu wa shule hiyo kuchagua walimu wanaohitimu katika chuo hicho kufundisha shule hiyo kabla ya kupangiwa walimu na katibu mkuu wa wizara ya elimu.

Pia alisema shule hiyo iliyoanzishwa mwaka 2002 ina jumla ya wanafunzi 842 wakiwemo wasichana 412 na wavulana 430 na ina kidato cha 1-IV.

Vyumba vya madarasa vilivyopo ni 16 maktaba ipo japo haijakamilika ,maabara vyumba 2 havijakamilika na chumba kimoja kiko kwenye hatua ya umaliziaji ,matundu ya vyoo vya wanafunzi 16.

Huku matundu ya walimu ya shule hayopo kabisa zaidi ya kutumia yale ya chuo cha ualimu pekee.

UAMUZI MDOGO WA KESI YA MWAKALEBELA KESHO

2011-02-24T12:09:00.000-08:00

Mwakalebela katikati akitoka mahakamani leo na ndugu zake

MAHAKAMA ya hakimu mkazi mkoani Iringa jana imeshindwa kuendelea na usikilizaji wa kesi ya Frederick Mwakalebela kutokana na kifo cha aliyekuwa jaji mfawidhi wa mahakama kuu kanda ya Iringa jaji Laurence Uzia .

Wakili wa Mwakalebela Basil Mkwata aliwaeleza waandishi wa habari mara baada ya kesi hiyo kusogezwa mbele hadi kesho itakapoendelea tena Mahakamani hapo kuwa kimsingi leo ilipaswa kutolewa kwa maamuzi madogo ya kesi hiyo kama iendelee kusikilizwa ama lah.

Hata hivyo alisema kuwa kusogezwa mbele kwa kesi hiyo kumetokana na maelezo ya hakimu anayesikiliza kesi hiyo maelezo ambayo yamekubaliwa pande zote mbili kuwa kesi hiyo itaendelea keshoHakimu wa wilaya ya Iringa Festo Lwila alisema kuwa kusogezwa mbele kwa kesi hiyo ni kutokana na kujitokeza matatizo hayo na kuwa kulikuwa na uwezekano wa maamuzi ya kesi hiyo kuandikwa na kutolewa jana ila bado ana omba afanye kazi hiyo kwa uhuru zaidi hadi kesho ndipo kesi hiyo itaendelea.

Mwakalebela ambaye ni kada wa Chama Cha Mapinduzi (CCM) anaokabiliwa na tuhuma ya rushwa katika mchakato wa kura za maoni za kumpata mgombea ubunge wa Jimbo la Iringa Mjini, shitaka la kesi ya jinai namba 4 ya mwaka 2010, inayohusiana na kutoa hongo kinyume cha sheria namba 15 (1) (b) ya Sheria ya Kuzuia na Kupambana na Rushwa ambayo ilisomwa pamoja na kifungu cha cha 21 (1) ((a) na 24 (8) ya Sheria ya Gharama za Uchaguzi ya mwaka 2010 ambapo kwa upande wa Takukuru inawakilishwa na wanasheria wake Imani Nitume, na Prisca Mpeka,

Mwakalebela anadaiwa kutoa hongo ya Sh.100,000 kwa Mwenyekiti wa kijiji hicho, Hamisi Luhanga, ili azigawe kwa wapiga kura 30 wa CCM ili wampigie kura za maoni za kumchagua mtuhumiwa wa kwanza (Mwakalebela), Agosti Mosi, 2010.

Hata hivyo tayari Mwakalebela na mkewe walipata kukana kosa hilo na kupewa dhamana na mahakama hiyo yenye masharti ya kuwa na wadhamana wawili mmoja wao mtumishi wa serikali na kila mmoja kuweka dhamana ya Sh. 5,000,000. Bofya hapa

BREAKINGNEWs DAMU YAMWAGIKA SIKU YA WAPENDANAO MBEYA

2011-02-15T09:12:00.000-08:00

"Jamanii nisameheni nimekufa "kama anasema vile baada ya kujilaza jirani na mlemavu
Ili nipone kufa hapa lazima nimtumia huyo mlemavu kama ngao vinginevyo hawa wananchi wananiua
Mkiendelea kunipiga mawe na kunikata mapanga naua huyu mlemavu
hapa akiwa amemng'ang'ania mlemavu kama ngao yake ili kukwepa kuchomwa moto
hapa akitembeza kichapo kwa wananchi waliotaka kumwokoa mlemavu
Polisi wakisaidiwa na mgambo kumdhibiti mvuta bangi huyo mwenye nguvu za ajabu
hapa akifungwa kamba na wananchi
matunda yaliyokatwa mapanga na mvuta bangi huyo
wananchi Mbeya wakiangalia gari la polisi lililombeba jemba huyo

MTOKEO DARASA LA SABA SOUTHERN HIGHALD YATESA

2010-12-03T03:30:00.000-08:00

SHULE ya kimataifa ya Soutthern Highland Mufindi na Brokebond zafanya vizuri mtihani wa taifa wa darasa la saba mwaka 2010 katika mkoa wa Iringa na kuzipita kwa mbali shule za msingi zinazosimamiwa na serikali huku mapacha walioungana kiwili wili wa Makete wakifanya maajabu makubwa ya ufaulu.

Akitangaza matokeo ya mtihani wa darasa la saba leo mjini Njombe mwenyekiti wa kikao hicho cha kuchuja majina ya wanafunzi waliochaguliwa kujiunga na kidato cha kwanza mwakani 2011 katibu tawala wa mkoa wa Iringa Getrude Mpaka mbali ya kuzipongeza shule hiyo kwa kuuwezesha mkoa wa Iringa kuendelea kushika nafasi ya tatu ya ufaulu kitiafa bado alisema changamoto kubwa ni utoro wa wanafunzi zaidi ya 560 ambao hawakuweza kufanya mtihani huo .

Mpaka alisema kuwa takwimu za watahiniwa wa elimu ya msingi mwaka 2010 ni watahiniwa 44,275 kati yao wavulana ni 20,991 na wasichana ni 23,284 japo idadi ya watahiniwa waliofanya mtihani ni wavulana 13,709 na wasichana 14,190 ambapo ufaulu wao ni asilimia 63.01 wa watahiniwa wote.

Alisema kuwa mkoa wa Iringa umeongeza kiwango cha ufaulu kutoka asilimia 59.65 mwaka 2009 hadi kufikia asilimia 63.01 mwaka 2010 kutokana na kazi nzuri na ushirikiano uliofanywa na viongozi wa elimu kata ,wilaya na mkoa katika kuongeza jitihada za kupambana na changamoto mbali mbali ndani ya sekta ya elimu.

Pia alisema mkoa wa Iringa umeendelea kuwa na changamoto kubwa ya wanafunzi kutofanya mtihani kutokana na utoro kwa asilimia 75.19 ambapo wanafunzi wapatao 566 wameshindwa kufanya mtihani huo ukilinganisha na mwaka 2009 ambao wanafunzi 816 pia hawakufanya mtihani huo .

Aidha aliipongeza wilaya ya Kilolo kwa kuongeza juhudi zaidi ya ufaulu kwa kutoka asilimia 39.71 mwaka 2009 hadi kufikia asilimia 42.56 mwaka 2010 huku wilaya ya Iringa ikipanda kutoka asilimia 42.56 mwaka 2009 hadi asilimia 53,08 mwaka 2010 .

Mpaka alizitaja shule zilizofanya vizuri na kuwepo katika orodha ya shule tano bora kati ya shule 853 ndani ya mkoa wa Iringa kuwa shule ya kwanza ni Southern Highland (Mufindi ), ikifuatiwa na Broke Bond(Mufindi),Lingstone (Njombe mji) Star(Iringa mjini) na St.Dominic Savio (Iringa mjini).

Kwa upande wakeafisa elimu mkoa wa Iringa Salum Maduhu alisema kuwa kuwa kwa ujumla kiwango cha ufaulu ndani ya mkoa wa Iringa kwa mwaka huu kimezidi kuongezeka japo changamoto kubwa ni idadi ya wanafunzi wanaoanza darasa la kwanza kushindwa kufika mwisho.

Maduhu alizitaja shule 10 bora katika mkoa wa Iringa kuwa ni St. Benedict( Njombe mji),Southern Highland (Mufindi) Lingstone (Njombe mji) Ukombozi (Halmashauri ya Manispaa ya Iringa) LUpalama ‘A’) (Halmashauri ya wilaya ya Iringa), Lihogosa (njombe mji), Star (iringa mjini) LUgarawa (Ludewa) na shule ya 10 ni St.Dominic Savio (iringa mjini).

Huku shule 10 za mwisho kimkoa ni Mbalwe (Mufindi) Kipingu( Ludewa) Idunda ( Kilolo),Mholo (ludewa),Mfalasi (ludewa), MBongo(Ludewa), Luvungo(Ludewa),Ikulimambo (Njombe),Makangalawe( Makete) na shule ya mwisho ni Itonya iliyopo wilaya ya Kilolo.
Kwa upande wa Halamshauri iliyoongoza katika matokeo hayo ni Manispaa ya Iringa, Mufindi,Njobe mji, Halmashauri ya wilaya ya Njombe,Makete,Ludewa ,Halmashauri ya wilaya ya Iringa na Kilolo ikishika nafasi ya mwisho kimkoa japo imepanda katika ufaulishaji kwa mwaka huu uki linganisha na mwaka jana.

Wakati huo huo wanafunzi wawili wakazi wa wilaya ya makete ambao waliungana kiwili wili wamekuwa ni miongoni mwa wanafunzi waliofaulu vizuri mtihani huo wa taifa wa darasa la saba mwaka 2010,wanafunzi hao ni Consolatha Mwakikuti na Maria Mwakikuti ambao wote wamepata alama 151 huku wakitofautiana katika somo la Maharifa ya jamii kwa Consolatha kupata alama 29 na maria kupata alama 25 ,Sayansi Maria amemzidi Consolatha kwa kupata alama 31 kwa 29 kama ilivyo katika soko la kingereza ambalo Maria pia amemzidi Consolatha kwa kupata alama 36 kwa 34.

bofya

ALIYESHINDA UDIWANI AKATAA KUENDELEA KUGOMBEA TENA

2010-11-09T03:04:00.000-08:00

Na Francis Godwin,Iringa
ALIYETANGAZWA mshindi katika uchaguzi mkuu kwa nafasi ya udiwani katika kata ya Mtwivila katika jimbo la Iringa mjini kupitia cha mapinduzi (CCM) Victor Mushi (pichani mwenye cheti ) amekataa kuendelea kugombea nafasi hiyo tena mara baada ya kumaliza kipindi chake kimoja cha miaka mitano.

Mushi alitoa kauli hiyo mbele ya wananchi wake katika ofisi ya afisa mtendaji kata ya Mtwivila leo wakati akiwapongeza wananchi wa kata hiyo walioandamana kwa ajili ya kumpongeza kwa kushinda katika uchaguzi mkuu na kukabidhiwa cheti chake cha kutambulika kama diwani mteule.

Alisema kuwa wapo baadhi ya watu ambao wanageuza nafasi wanavyopewa kama sehemu ya utawala wao wa maisha kwa wananchi na kuwanyima nafasi wanachama wengine ambao wanasifa ya kuongoza nafasi hizo jambo ambalo kwake halitakuwa hivyo na badala yake ataheshimu matakwa ya wananchi wa kata hiyo ambao wamemchagua kwa kipindi kimoja pekee na sio zaidi ya hapo.

"Ndugu zangu wananchi wa kata ya Mtwivila ambao mlinichagua kwa kura za kishindo katika uchaguzi mkuu uliofanyika octoba 31....naomba sana mzingatie kauli yangu hii leo ....kuwa sitagombea tena udiwani katika kata hii na wala sijaingia katika nafasi hii ili kuwa meya wa Manspaa ya Iringa ....mimi nimegombea kwa ajili ya kata hii na nitafanya kazi ndani ya kata yangu sina mpango wa kuwatelekeza japo baada ya miaka mitano kumalizika sitagombea tena udiwani kipindi hiki kimoja kinatosha sana"

Hata hivyo Mushi ambaye pia amepata kuwa mwenyekiti wa CCM wilaya ya Iringa mjini alisema kuwa pamoja na jimbo la Iringa mjini kuwa ni moja kati ya majimbo machungu wakati wa kampeni za uchaguzi mkuu ila kwa upande wake hakuweza kucheza rafu kwa kutumia lugha chafu wakati wa kampeni zaidi ya kunadi sera za CCM.

Hivyo anaamini kabisa wananchi wa kata hiyo wale waliomchagua na wasio mchagua wataungana na kuwa kituo kimoja katika kuleta maendeleo ndani ya kata hiyo na jimbo la Iringa kwa ujumla.

Alisema kuwa katika uongozi wake atahakikisha anatanguliza mbele maslahi ya wakazi wa kata hiyo na CCM ili kuhakikisha kuwa wananchi wote wanaendelea kufanya kazi kwa uwazi na ushirikiano wa hali ya juu.

Mushi alisema kuwa kwa upande wake aliomba udiwani katika kata hiyo na sio jimbo la Iringa mjini na kuwa pamoja na kuwa anayosifa ya kuwa mstahiki meya wa Manispaa ya Iringa ila bado hayupo tayari kuchukua nafasi hiyo ambayo hajaiomba na kama watamtaka awe meya basi anaweza kufanya hivyo.

JK AITEKA DAR

2010-10-27T05:12:00.000-07:00

MOHAMED GULAMI DEWJI AHAHIDI NEEMA JIMBO LA SINGIDA

2010-09-25T02:13:00.000-07:00

MO, akisistiza kuwa Katika kipindi cha miaka saba michezo imeweza kupaa katika mkoa wa singida ambapo Kindai Shoting, timu ya mkoa ilibeba kombe la kilimanjaro Taifa Cup kwa mara ya kwanza katika hiostoria ya mkoa huo.

Na Mwandishi wetu.Singida.

Mgombea ubunge kwa tiketi ya CCM, Mohamed Gulami Dewji, amesema endapo wananchi watampa ridhaa ya kuendelea kuwawakilisha tena bungeni, atatekeleza Ilani ya CCM kwa kasi zaidi ikiwemo kutafuta ufumbuzi wa namna ya kupunguza upungufu wa ajira kwa vijana.

Dewji alisema katika ilani uchaguzi, CCM imeainisha wazi kwamba inatambua tatizo la ajira na hasa ajira ya vijana wanaomaliza elimu ya msingi, sekondari na vyuo vikuu kila mwaka kuwa, ni kubwa mno.

“Vijana hawa wote ni nguvu kazi ya taifa ambayo inaweza kutumika katika kazi na shughuli halali za ujenzi wan nchi yetu na ikapiga hatua kubwa ya kimaendeleo”,alisema Dewji. Mgombea huyo,alisema ili kukabiliana na tatizo hilo,

CCM ina mpango wa kupanua mafunzo ya VETA yaweze kuchaukua vijana wengi zaid, ili waandaliwa kujiajiri wenyewe.Aidha, alisema vijana watahamasishwa kuanzisha miradi ya kiuchumi na kujiunga katika vikundi vya ushirika vya kuweka na kukopa (SACCOS) ili waweze kupata mikopo kwa masharti nafuu.

“Katika miaka mitano iliyopita, nimewatafutia kazi vijana kutoka jimboni kwetu kwenye kiwanda changu cha nguo cha Afritex kilichopo mkoani Tanga., Kuajiri vijana hao, nimefanikiwa kwa kiasi fulani kupunguza idadi ya vijana wetu wanaomaliza elimu ya sekondari, kukaa vijiweni”,alisisitiza huku akishangiliwa na mamia ya wananchi

Dewji aliyasema hayo jana katika mkutano wa Kampeni zake, uliofanyika kwenye viwanja vya shule ya msingi Unyambwa.

Wakati huo huo,Dewji alitumia fursa hiyo kumwombea kura mgombea urais Jakaya Kikwete kwa madai kwamba ameonyesha uwezo mkubwa wa kusimamia utekelezaji wa ilani za uchaguzi.

Aidha, alimnadi mgombea wa udiwani wa kata hiyo, ya Unyambwa Salum Satu na kuomba apewe kura za kutosha kumwezesha kushika nafasi hiyo.

BALOZI WETU NCHINI CANADA

2010-09-25T02:05:00.000-07:00

Balozi wa Tanzania nchni Canada Mhe. Alex Crescent Massinda akikabidhi Hati za Utambulisho kwa Gavana Mkuu wa Canada Mheshimiwa Michaelle Jean. Sherehe hizo zilifanyika kwenye Ikulu ya Canada siku ya tarehe 23,mwezi huu.

HARUSI YA MTANGAZAJI WA ITV IRINGA LAURIAN MKUMBATA ILIVYOACHA HISTORIA MJI WA IRINGA......

2010-09-13T05:14:00.000-07:00

Hapa maharusi wakitoka katika kanisa la RC Kihesa

Hili ndilo kanisa la RC ambako mtanfazaji Mkumbata alipata baraka ya ndoa takatifu
Mambo ya usafi

INGIA HAPA

KAMPENI ZA UBUNGE JIMBO LA KILOLO KWA PROFESA PETER MSOLLA ZAPAMBA MOTO

2010-09-10T13:03:00.000-07:00

'LIVE' UZINDUZI WA KAMPENI ZA CCM MKOA WA IRINGA NDANI YA VIWANJA VYA MWEMBETOGWA

2010-08-28T00:29:00.000-07:00

Diwani wa kata ya Iringa Bw Gerevas Ndaki akiwa katika viwanja wa mkutano wa kampeni ,wananchi wameanza kujsogea katika viwanja hivi sasa wakati maandamano makubwa yampangwa kuanzia uwanja wa samora umbali wa KM 2 hivi kutoka uwanja wa mkutano Kumbuka mtandao huu leo utakurushia matukio ya moja kwa moja ya uzinduzi huu wa mkutano wa CCM mkoa wa Iringa

Mkuu wa wilaya ya Ludewa Bi.Geogena Bundala (kushoto) na katibu wa CCM wilaya ya Ludewa wakiteta jambo baada ya kuingia katika viwanja vya Mwembetogwa dakika 5 zilizopita kuja kushiriki uzinduzi wa kampeni wa CCM ,picha chini ni wana CCM wakiingia katika uwanja huo kutoka vijijini

CHADEMA JIMBO LA IRINGA WAREJESHA FOMU KWA MBWEMBWE

2010-08-19T12:10:00.000-07:00

BREAKINGNEWzzzzzz WALIMU NA WANAFUNZI WAPANDWA NA MASHETANI WAANGUKA

2010-08-09T09:55:00.001-07:00

WANAFUNZI 33 na walimu wawili wa shule ya sekondari Lyandembela iliyopo kijiji cha Ifunda wilaya ya Iringa vijijini mkoani hapa leo walisitiza vipindi vya masomo kwa siku nzima baada a kukumbwa na ugonjwa wa ajabu wa kuweweseka na kuanguka .

Hata hivyo polisi walilazimika kufika shuleni hapo na kufanya kazi ya zaada ya kuwatawanya wanafunzi hao ambao walikuwa akitaka kuteketeza shule hiyo kwa moto pamoja na mkuu wa shule hiyo kwa madai kuwa ndie chanzo cha wao kupawa na ugonjwa huo.

Pamoja na ugonjwa huo kuwakumba wanafunzi hao na walimu bado wanafunzi zaidi ya 200 shuleni hapo waligoma kurudi nyumbani na badala yake kufanya fojo ikiwa ni pamoja na kufunga barabara za shule hiyo wakishinikia mmoja kati ya walimu shuleni hapo atolewe nje ili waweze kumwadhibu kwa kipigo wakidai kuwa ndio chanzo cha wao kuanguka.

Tukio hilo la wanafunzi kuanguka lilitokea majira ya saa mbili asubuhi mara baada ya wanafunzi hao kumaliza kuimba wimbo wa Taifa na wakiwa mbioni kuingia madarasani ghafla wanafunzi 10 kwa mpigo waliweza kuanguka huku wengine wakiangua vilio kabla na wao kuanza kuanguka .

Alisema mmoja kati ya walimu wa shule hiyo ambaye hata hivyo hakupenda jina lake kuandikwa gazetini kwa kuwa si msemaji wa shule hiyo,kuwa ndani ya dakika 20 jumla ya wanafunzi 33 na walimu wawili wa kike walikuwa wameanguka .

"Kweli kila mwanafunzi anapoanguka akiamka anaanza kuweweseka na kudai kuwa alikuwa nyumbani kwa mkuu wetu wa shule anafanya usafi mara alikuwa kwa mwalimu mwenzetu ambaye kwa sasa ni marehemu .....sasa wamekuwa wakitamka kila mmoja lake ila wengi wanamtaja mkuu wetu wa shule kuwa ndie anayewafanyia hivyo"

Wanafunzi waliokumbwa na ugonjwa huo wa kuanguka shuleni hapo ni pamoja na Christine Utenga,Dafroza Mtove, Benadetha Mduda, Candida Mfugale, Veronica Lulangasi,Elda Mwepela, Fotuatha Lyandala, Jovitha Nyalusi , Robetha Ngwaulanga, Gresy Samwel, Tea Mazi, Tiba Nyaluke, Mary Samwel, Agnes Kanyika, Jelda Mgumba, Helema Seudwa, Esta Komba, Goletha Dominick ,Huruma Kivovele, Lela Joas na Coretha Kibuga.

Wengine ni Devotha Mfugale, Asia Mazengo, Jane Lunyungu, Jovita Logo, Jane Daudi, Grace Kidugo,Tulakela Ngulo, Ephesi Mpinge, Silivia Kisinini,Winfrida sanga, Mwaija Kisinda , kaka mkuu wa shule hiyo Nickson Bange huku walimu ni Faraja Ngakonda na Araph Kalembo.

Hata hivyo kutakana na wanafunzi na walimu wa shule hiyo kukumbwa na tatizo hilo la kuanguka uongozi wa elimu mkoa wa Iringa ukiongowa na afisa elimu takwimu mkoa wa Iringa Leonard Msigwa pamoja na vyombo vya ulinzi na usalama umefika shuleni hapo na kufanya kikao na walimu wa shule hiyo na viongozi wa serikali ya kijiji na kuamua kumsimamisha mmoja kati ya walimu na nafasi yake kupewa kwa muda aliyekuwa mkuu wa shule na nafasi yake kukaimishwa Cyprian Mwasallah ambaye alikuwa ni makamu mkuu wa shule hiyo.

Pamoja na kumsimamisha mkuu huyo wa shule hiyo bado viongozi wa dini waliofika shuleni hapo walidai kuwa pamoja na kuwa mkuu huyo wa shule kutajwa kuwa ni chanzo cha wanafunzi na walimu kuanguka ila bado inaonyesha viongozi wa dini wamechangia tatizo hilo baada ya kuwafanyia maombezi na kuwatoa mapepo wanafunzi hao huku wao wenyewe wakiwa hawana upako wa kufanya hivyo.

Alisema mchungaji wa kanisa la EAGT Ifunda mchungaji Eziekiel Mbwela kuwa hivi sasa kila kiongozi wa dini amekuwa akiigiza kufanya kazi ya kutoa watu mapepo na badala yake hukuza tatizo kwa wale anaowatoa kutokana na yeye mwenyewe kutokuwa na uwezo wa kuombea zaidi ya kkuombewa hivyo alitaka serikali kuchunguza utendaji kazi wa makanisa hayo.

"Ujue toka wanafunzi hao walipoanza kwenda katika kanisa moja kijijini hapa jina hatulitaji kwa sasa wameanza kuanguka na kutamka maneno ya ajabu wakati awali hali hii haikuwepo kabisa"

MWENGE WA UHURU WAHAMASISHA MAENDELEO MUFINDI

2010-08-03T13:55:00.001-07:00

Halmashauri ya wilaya ya Mufindi mkoani Iringa imeendelea kuunga mkono jitihada za serikali iliyopo madarakani chini ya Rais Jakaya Kikwete katika ukuzaji ajira ambapo halmashauri hiyo imeanzisha vikundi 56 vya uzalisai mali kwa vijana pamoja na kutenga fedha zaidi ya shilingi milioni 10 kwa lengo la kuvwezesha vikundi hivyo.

Haya yamo katika risala ya utii ya wananchi wa wilaya ya Mufindi kwa Rais Jakaya Kikwete iliyotolewa na mkuu wa wilaya hiyo Bi.Evarista Kalalu jana katika uwanja wa Mashujaa kwa kiongozi wa mbio za mwenge kitafa Dr Nassoro Ally Matuzya.

Mkuu huyo wa wilaya amesema kuwa wilaya hiyo imekuwa mbee katika kuywawezesha vijana ili kuboresha maisha yao na kuwa hadi sasa pamoja na vikundi hivyo pia kuna vikundi 180 vya wavulana na vikundi 100 vya wasichana

Bi Kalalu amesema kuwa hadi sasa mgawanyo wa mapato kwa vikundi hivyo umefikia kima cha chini cha mshahara wa serikali huku kasi ya vijana kuondoka katika vijiwe na kujiunga katika vikundi vya kiuchumi ikizidi kuongezeka zaidi.

Aidha amesema kuwa kumekuwepo mkakati wa kuviimarisha vikundi vilivyo anzishwa vikiwemo vile vya wanawake na watu wanaoishi na virusi vya UKIMWI .

Kuhusu janga la UKIMWI amesema kuwa bado janga hilo kwa wilaya ya Mufindi ni changamoto kubwa na kuwa hadi sasa kasi ya maambukizi ni asilimia 16 huku wilaya ikiendelea na jitihada`za kupunguza kasi hiyo.

Mkuu wa wilaya amesema kuwa wananchi wa Mufindi kwa mwaka huu wameweza kuchangia uanzishaji wa miradi 14 ya mwenge yenye thamani ya shilingi kiasi cha zaidi ya shilingi Bilioni 1 huku wananchi wakichangia shilingi 297,626,000 na Halmashauri ya wilaya ikichangia na wahisani wakichangia shilingi 133,074,000 na serikali kuu imechangia shilingi 612,669,674.

Ameitaja miradi hiyo iliyoanzishwa kuwa ni pamoja na elimu,afya ,maji ,Kilimo na miundo mbinu na miradi mingine mingi ya kiuchumi.

WANANCHI MAKETE WACHANGIA MIRADI YA MWENGE

2010-08-01T15:26:00.000-07:00

WANANCHI wa wilaya ya Makete mkoani Iringa wamechangia kiasi cha shilingi 46,663,570 kwa ajili ya miradi ya mwenge mwaka huu 2010 huku Halmashauri ya wilaya hiyo ikiunga mkono jitihada hizo za wananchi kwa kuchangia kiasi cha shilingi 33,204,340.

Mkuu wa wilaya ya Makete Bi.Zainabu Kwikwega ameyasema hayo leo katika viwanja vya Mkesha wa Mwenge wa uhuru ulofanyika katika kijiji cha Tandala Makete ambapo mkuu huyo wa wilaya katika risala yake ya utii ya wananchi wa wilaya ya Makete kwa Rais Jakaya Kikwete mbele ya kiongozi wa mbio za mwenge wa uhuru mwaka 2010 Dr. Nassoro Ally Matuzya amewapongeza wananchi hao kwa kujituma katika kuchangia miradi ya maendeleo.

Pamoja na kuwapongeza wananchi wa Makete kwa kujitolea kuchangia miradi ya kimaendeleo pia amesema kuwa mwenge wa uhuru katika wilaya hiyo umepitia miradi 12 yenye thamani ya shilingi 893,693,300 fedha ambazo ni pamoja na mchango wa wannachi ,halmashauri na serikali kuu.

Amsema kuwa serikali kuu katika fedha hizo imechangia kiasi cha shilingi 48,041,000 fedha ambazo zimewezesha kutekeleza miradi hiyo ya kimaendeleo ikiwa ni pamoja na ujenzi wa soko la kisasa,ofisi za serikali ,mradi wa maji safi na mirandi mingine ya kimaendeleo.

Pamoja na kuwapongeza wananchi wa wilaya hiyo kwa kuchangia maendeleo bado amesema kuwa janga la UKIMWI katika wilaya hiyo yenye kwa kiwango cha asilimia 11.5 asilimia ambazo ni kubwa na hivyo wilaya imeweka mikakati mbali mbali ya kutokomeza janga hilo.

Kwa upande wake kiongozi wa mbio za mwenge wa uhuru kitaifa Dr .Nassoro Ally Matuzya amewapongeza wananchi na viongozi wa wilaya hiyo kwa kuongoza katika mapokezi ya mbio za mwenge pamoja na kuchangia na kuanzisha miradi zaidi ya kimaendeleo na kutoa wito kwa wananchi kupambana na ngonjwa la UKIMWI.

MBIO ZA MWENGE WA UHURU WILAYA YA NJOMBE LEO 'LIVE' MKESHA WA MWENGE

2010-07-31T13:00:00.000-07:00

MZIMU WA KUJINYONGA WAREJEA IRINGA ,MSOMI WA CHUO KIKUU CHA DODOM A AKUTWA AMEJINYONGA

2010-07-29T02:07:00.000-07:00

WATU wawili wamekutwa wamejinyonga katika vyumba vyao mkoani Iringa akiwemo mwanafunzi wa chuo kikuu cha Dodoma (UDOM) Deo Kipinga (24) mkazi wa Kiponzero wilaya ya Iringa vijini .

Mbali ya Mwanafunzi huyo pia kijana Hamad Witala mkazi wa Frelimo mjini hapa amejiua kwa kujinyonga kwa waya wa umeme kutokana na kile kinachoelezwa ni wivu wa kimapenzi.

Tukio la kwanza la kijana huyo Witala lilitokea wiki iliyopita katika eneo la Frelimo mjini hapa na kuwa katika nguo za marehemu kulikutwa barua aliyoiandika akielezea sababu za kuamua kujiua kuwa ni kutokana na kumkuta mwanaume ndani ya chumba chake.

Imeelezwa kuwa kijana huyo ambaye alikuwa ni fundi sofa maarufu mjini Iringa alimkutana mwanaume ndani ya chumba chake akiwa chini ya uvungu wa kitanda na baada ya kumuuliza mkewe alidai kuwa huyo ni mteja wa sofa ambaye ameamua kumkaribisha kupumzika chini ya kitanda.

Hata hivyo kutokana na jazba ambazo kijana huyo alikuwa nazo na jinsi alivyompenda mke wake huyo ambaye alikuwa ametoka kufunga naye ndoa hivi karibuni aliamua kujinyonga kwa waya wa umeme baada ya mke wake kumuaga kuwa anakwenda msibani kwa jirani.

Kamanda wa polisi wa mkoa wa Iringa (ACP) Evarist Mangalla aliwaeleza waandishi wa habari jana ofisini kwake kuwa uchunguzi wa tukio hilo unafanywa na jeshi la polisi wakati katika tukio la pili ni mwanafunzi huyo wa chuo cha Dodoma kukutwa amejinyonga bila kuacha ujumbe wowote .

Alisema kuwa tukio hilo lilitokea jana saa 8.28 mchana nyumbani kwake kwenye kijiji cha Kiponzero na kuwa uchunguzi wa tukio hilo unafanywa .

CCM MKOA WA IRINGA KUWAFUTA WAGOMBEA UBUNGE WAONGO

2010-07-18T08:07:00.000-07:00

CHAMA cha mapinduzi (CCM) mkoa wa Iringa kimepiga marufuku wagombea wa nafasi za ubunge katika majimbo mbali mbali ya mkoa huo kuendesha kampeni za kuchafuana pamoja na kudanganya wanachama kuwa wametumwa na Rais Jakaya Kikwete kuja kugombea nafasi za ubunge jambo ambalo si la kweli na yeyote atakayebainika kukiuka kanuni za chama ataenguliwa katika kinyang’anyiro hicho hata kama atashinda katika kura za maoni.

“ Wapo baadhi yenu wanapita mitaani na kusema kuwa wametumwa na Mheshimiwa Rais Jakaya Mrisho kikwete kuja kugombea nafasi na kuwachafua wengine kuwa hawafai …kwa taarifa yenu hakuna hata mgombea mmoja ambaye ametumwa na Rais Kikwete kwenda kugombea jimbo lelote la Tanzania na Rais hawezi kumtuma mwanachama kuja kugombea”

Katibu wa CCM mkoa wa Iringa Mary Tesha na Mwenyekiti wa CCM mkoa wa Iringa Deo Sanga walitoa kauli hiyo leo mjini Mafinga katika ukumbi wa BP Kangesa wakati wa semina ya pamoja ya wagombea wote wa nafasi za ubunge viti maalum na majimbo 11 ya uchaguzi mkoani hapa.

Viongozi hao walisema ni marufuku kwa mgombea yeyote wa CCM kutumia vibaya jina la Rais Kikwete katika kampeni zake ikiwa ni pamoja na kutumia jina hilo kudanganya wanachama kuwa wanagombea baada ya kutumwa na kiongozi huyo na mwenyekiti wa CCM Taifa.

Walisema kuwa kulitumia jina la Rais Kikwete vibaya na kufanya kampeni za kupakana matope ni mwanzo wa kukichafua chama hicho na kuwa yoyote atakayebainika kukiuka hatafumbiwa macho atafuntwa katika orodha ya wagombea ubunge .

Hata hivyo Katibu huyo wa CCM mkoa wa Iringa alisema kuwa chama kimeruhusu wanachama wake kutumia vipeperushi katika kampeni ila hakiruhusu vipeperishi vya kuchafuana kutumika katika kampeni hizo.

Pia alisema kuwa kwa upande wa wabunge na mawaziri pamoja na kuwa zoezi la uchukuaji fomu linaanza leo nchi nzima ila bado wataendelea kuheshimiwa kama wabunge na mawaziri hadi bunge litakapovunjwa rasimi na hadi Rais mpya atakapoapishwa .

Aidha alisema kuwa utaratibu wa kampeni kwa wagombea wote watatumia gari moja na kuwa kwa mgombea ambaye atakuwa na gari lake ataruhusiwa kuingia nalo katika msafara japo wagombea wote hawataruhusiwa kuruidi nyuma baada ya kumaliza kujieleza na wapambe wao hawaruhusiwi wala mbwembwe wakati wa kuchukua na kurejesha fomu hazitaruhusiwa .

Kuhusu CV za wagombea katibu huyo alisema wagombea hawana sababu ya kudanganya sifa zao na badala yake kueleza ukweli na kuwa sifa ya mgombea udiwani na ubunge wa CCM ni yule anayejua kusoma na kuandika na kuwa japo nakala halisi ya vyeti vya wagombea zinahitajika kuwasilisha ofisi za chama wilaya wakati wa kurejesha fomu.

Mwenyekiti wa CCM mkoa Sanga alisema kuwa ni vyema wagombea wote kujenga utamaduni wa kupendana bila kuchafuana ili kukijenga chama badala ya kuendesha kampeni za kuchukiana na kupakana matope na kuwa mgombea mwenye tabia hiyo hana sifa ya kuwa mbunge wa CCM.

Kwa upande wao wagombea hao zaidi ya 50 waliojitokeza kugombea majimbo 11 ya uchaguzi na nafasi za ubunge viti maalum katika mkoa wa Iringa na Njombe walieleza kufurahishwa kwao na hatua ya CCM mkoa kutoa semina kabla ya kuchua fomu hizo.

Japo kwa upande wake mbunge wa Njombe kaskazin Jackson Makweta alisema kuwa kwa upande wake anapingana na hatua ya chama kutaka wagombea kupeleka vyeti halisi na kuwa wengi wao walisoma shule za zamani na kama wanataka kujua ukweli wa elimu yao ni vyema kufuatilia katika shule walizo soma.

Huku kwa uoande wake mgombe ubunge wa jimbo la Iringa mjini Frederick Mwakalebela ,mgombea ubunge jimbo la Ludewa Deo Filikunjombe na mgombea ubunge jimbo la Njombe Magharibi Thomas Nyimbo walimepongeza hatua hiyo na kuwa itawawezesha wagombea wote kupata haki sawa na japo hatua ya wagombe kuendelea kuitwa waheshimiwa hadi Augost 2 ni moja ya hatua ya kuwabeba wabunge hao.

INGIA HAPA

BREAKINGNEWZzzzzz MWAKALEBELA AACHA PENGO TFF ANG'ATUKA RASMI LEO ,RAIS AMWOMBEA USHINDI JIMBO LA IRINGA MJINI

2010-07-15T06:27:00.000-07:00

Mlimani TV hawapo nyuma katika kuhabarisha umma ,hapa wakimchukua Rais wa TFF Tenga wakati akieleza sifa za Mwakalebela kushoto ambaye anakwenda kugombea ubunge jimbo la Iringa mjini

Wengi washindwa kuamini kuondoka kwa Mwakalebela japo wamwombea ushindi katika kinyang'anyiro cha ubunge jimbo la Iringa mjini

Wanahabari wakiwa wamepigwa na butwaa kuondoka kwa Mwakalebela TFF wasema kibarua kumpata atakayefanana na yeye

Mwakalebela (kulia) akiwaaga wanahabari

Wanahabari wakiwa hawaamini

Wapiga picha za habari wakichukua kumbukumbu zao za mwisho ya picha za Mwakalebela

RAIS wa Shirikisho la mpira wa miguu Tanzania (TFF) Leodegar Tenga leo amemuaga aliyekuwa katibu mkuu wa TFF Frederick Wilfred Lameck Mwakalebela ambaye anakwenda kugombea ubunge jimbo la Iringa mjini kupitia chama cha mapinduzi (CCM) na kuwa wao kama TFF wamempoteza kiongozi mchapa kazi na kuwa wakazi wa jimbo la Iringa mjini wakimchagua Mwakalebela watakuwa wame mpata mbunge mchapa kazi.

Rais Tenga amemumwagia sifa hizo Mwakalebela leo katika ukumbi wa TFF mbele ya wanahabari wakati wa hafla fupi ya kumuaga katibu huyo ambaye amepelekea Taifa kupata heshima kubwa katika soka kutokana na utendaji kazi wake mzuri.

Alisema kuwa kuwa kuondoka kwa Mwakalebela TFF ni jambo la kupongweza ndani ya TFF kuwapata wanamichezo wabunge ambao watakwenda kutetea michezo bungeni ila bado Mwakalebela alikuwa ni kichwa chenye uwezo wa kubuni na kuchapa kazi ilivyo ndani ya TFF.

"Kweli mimi kama Rais wa TFF kwa niaba ya kamati ya utendaji na wanamichezo wote Tanzania na Afrika tunampongeza sana Mwakalebela kwa kwenda kugombea ubunge jimbo la Iringa mjini ila pia tunamuombea dua ili ashinde nafasi hiyo ....mimi namfahamu vyema Mwakalebela ni mpole na mchapa kazi asiyependa majivuno"alisema Tenga huku akionyesha dalili za kutokwa na machozi ya huzuni kwa kuondoka katibu huyo TFF.

"Nasema tutaendelea kumtumia Mwakalebela kama mdau wetu mkubwa wa TFF hata pale atakapokuwa mbunge katika jimbo la Iringa mjini ...ila zaidi tutamtumia hata bungeni pia kama atashinda ubunge jimbo hilo"

Kuhusu hatua ya Mwakalebela kugombea ubunge na kuacha kiti hicho alisema kuwa wao kama TFF wanampongeza na hawaoni kama ni kosa kwa Mwanataalum kugombea ubunge kwani kazi anayokwenda kuifanya ni uwakilishi wa wananchi kama ilivyo kuwa TFF japo katika ubunge atafanya mengi zaidi kwa Taifa na wananchi wake.

Hivyo Tenga aliwaomba wanahabari na wakazi wa jimbo la Iringa mjini kumuunga mkono katibu huyo ili aweze kushinda kwa kishindo nafasi hiyo ambayo anagombea .

"Nasema kuwa Mwakalebela sisi tunamgombea na tunaomba wana Iringa pia waweze kutuunga mkono kwa kumpokea kwa mikono miwili ili aweze kuwa mbunge katika jimbo hilo"

Kwa upande wake Mwakalebela akiwashukuru wanahabari na TFF kwa kumpa baraka za kugombea ubunge jimbo hilo alisema kuwa jumatatu anataraji kuchukua fomu ya kugombea ubunge jimbo hilo.

Hivyo alipongeza ushirikiano mkubwa kwa wanahabari ambao wamepata kuonyesha kwake na kuwa akiwa mbunge wa jimbo hilo kubwa analotegemea kufanya ni kupigania maendeleo ya wana Iringa na kurejesha heshima ya kasi ya uzalishaji wa mazao katika mkoa wa Iringa.

Huku akiwataka wana Iringa kuunganisha umoja wao ila kuungana na wakazi wa Iringa wanaoishi nje ya jimbo hilo katika kujiletea maendeleo na kumuunga mkono katika kugombea ubunge jimbo hilo ambalo linaongozwa na Monica Mbega ambaye ni mkuu wa mkoa wa Kilimanjaro anayemaliza muda wake wa ubunge wiki hii.BOFYAHAPA

HII INASIKITISHA SANA.......!!?

2010-07-14T02:52:00.000-07:00

Idadi ya watu waliokufa katika mashambulio mawili ya mabomu yaliyotikisa wakati mashabiki wakiangalia mechi ya fainali ya Kombe la Dunia mjini Kampala huko Uganda, imeongezeka kufikia 74, maafisa wanasema.

Watu wengine 70 walijeruhiwa katika mashambulio hayo yaliyolengwa klabu ya mchezo wa raga ya Kampala na mgahawa mmoja wa vyakula vyenye asili ya Ethiopia.

Ingawa wanamgambo wa Al Shabab wamekiri kuhusika, polisi wanachunguza endapo walifanya mashambulio ya kujitolea muhanga.

Kulinda amani

Wanajeshi wa kulinda amani wa Uganda wanatumikia nchini Somalia, na al-Shabab wametishia kushambulia Kampala katika siku zilizopita.

Takriban askari 5,000 wa kulinda amani wa Umoja wa Afrika kutoka Uganda na Burundi wapo Mogadishu kusaidia serikali ya mpito ambayo si imara.

Jeshi la AU nchini Somalia (Amisom) limekuwa likikabiliwa na mashambulio ya mara kwa mara kutoka kwa wanamgambo wanaodhibiti sehemu kubwa ya kusini na katikati ya Somalia.

Mashambulio yote mawili yalisababisha vifo na majeraha, ingawa watu wengi zaidi walikufa kwenye klabu ya mchezo wa raga, ambako mashabiki walikuwa wakifuatilia mechi hiyo kupitia skirini kubwa,Mpendwa mdau wa mtandao huu nakuomba radhi kwa picha hii ya kusikitisha japo tuzidi kuwaombea wote waliopoteza maisha katika tukio hili

WENGI WACHEKELEA UTEUZI WA DR GHARIB BILAL KUWA MGOMBEA MWENZA WA RAIS JAKAYA KIKWETE

2010-07-11T23:10:00.000-07:00

RC,Iringa na mbunge wa jimbo la Lindi mjini Bw Mohamed Abdulaziz

Wajumbe wa mkutano mkuu wa CCM kutoka wilaya ya Mufindi Bw Daud Yasin (katikati)a kiwa na Mosha na Mgimwa INGIA

BREAKINGNEWzzzzzz NI DR. BILAL MGOMBEA MWENZA WA KIKWETE BARA

2010-07-11T11:43:00.000-07:00

Mgombea urais wa CCM bara Rais Dr.Jakaya mrisho Kikwete amemteua aliyekuwa mgombea Urais Zanzibar Dk Billa kuwa mgombea mwenza wake bara,Dr Bilali katika mchakato wa urais Zanzibar alipata kura 53 huku Dr.Shein akipata kura 117 wakati Nahodha akipata kura 33 ambapo JK amesema wote bado ni hitaji kubwa kwa serikali ya bara na SMZ hii ni LIVE BOFYA

NANI KUPEPERUSHA BENDERA YA CCM KATIKA KINYANG"ANYIRO CHA URAIS BARA!!?

2010-07-11T04:03:00.000-07:00

Wajumbe wa mkutano mkuu wa CCM sasa wapo katika zoezi la kumthibitisha kwa kura za siri mgombea urais wa CCM Dr.Jakaya Kikwete swali ni kweli alipita bila kupingwa ?Je hakutakuwepo kura hata moja ya hapana? mimi na wewe hatujui tuvute subira tungoje matokeo leo jioni BOFYAHAPA

USHINDI WA DR.SHEIN MASHAKANI KUIGAWA CCM VISIWANI ......

2010-07-10T23:28:00.000-07:00

USHINDI wa kura 117 alioupata mgombea urais wa CCM kupitia chama cha mapinduzi (CCM) Zanzibar Dr.Alli Mohamed Shein juzi usiku dhidi ya wapinzani wake watatu unaweza kusababisha mpasuko mkubwa ndani ya chama hicho baada ya wajumbe kutoka Unguja kuamua kuchana fulana zao za chama wakipinga Dr.Shein kuwa mgombea wa CCM na wale kutoka Pemba wakionyesha kupendezwa na ushindi wa Dr.Shein.

Pamoja na uchaguzi huu kwa wa chama kimoja ulioshirikisha wajumbe kutoka bara na visiwani bado yalizuka makundi ya uunguja ,upemba na ubara mara baada ya matokeo hayo kutangazwa mjini hapa majira ya saa 3 usiku.

Wakizungumza kwa jazba nje ya makao makuu ya CCM mjini Dodoma wajumbe kutoka ugunja walisema kuwa kuchaguliwa kwa Dr.Shein kuwa mgombea nafasi ya urais ni mwanzo wa kuisambaratisha CCM katika visiwa hivyo na kuwa wana kama wana CCM wapo tayari kumchagua mgombea urais wa upinzani na sio Dr.Shein wa CCM.

Walisema kuwa hatua ya uchujaji wa majina hayo ya wagombea kufanyika bara mjini Dodoma badala ya Zanzibar ni jambo ambalo kwao kama wana CCM wamelifananisha na njama za viongozi wa juu wa CCM ambao wametumia nguvu zaidi ya kuhakikisha mtu wao Dr .Shein anapita na kuwa wao wanatambua kuwa chaguo lao ni Dk Gharib Alli Bilali kutoka unguja na sio Dr.Shein kutoka Pemba.

Kwani walisema kuwa Dr.Bilal ni kijana wao na kiongozi aliyetukuka kwa uongozi na muda wote amekuwa Zanzibar na kujiandikisha huko na sio Dr.Shein ambaye hata kujiandikisha hajajiandikisha Zanzibar na wakati sheria za uchaguzi na mgombea zinamtaka mzanzibar mkazi na sio Mzanzibari wa kuja .

"Tena tunasema hata hotuba ya mwenyekiti wa CCM Taifa na mgombea urais wa CCM bara Rais Jakaya Kikwete inaonyesha wazi kumbeba Dr.Shein na bila hotuba yake wajumbe wangeweza kumpigia kura Dr .Bilal ambaye ni chaguo letu....ila hotuba yake na wajumbe wa bara ndio wamemchagua Dr.Shein na sio wazinzibar " walisema wajumbe hao huku baadhi yao wakichana fulana za kikwete Chaguo letu na chagua CCM ambazo walikuwa wamevaa.

Huku wajumbe wa mkutano mkuu kutoka Pemba wakieleza furaha zao kwa kuchaguliwa Dr.Shein kuwa atasaidia kukisambaratisha chama cha wananchi (CUF) Pemba kutokana na mgombea huyo kuwa tishio huko Pemba.

Hata hivyo alisema kuwa hatua ya wajumbe hao kutoka unguja kuchana fulana zao za CCM ni kutokana na makundi yaliyokuwepo na wagombea hao na kuwa Dr.Shein atafanikisha kuvunja makundi ya upenda na uunguja na sio mwanachama mwingine.

Mwasisi wa Tanu na CCM mzee Tasili Mdoga akizungumzia mchakato huo wa kumpata mgombea urais Zanzibar kupitia CCM Dr.Shein alisema kuwa makundi hayo yanatokana na jazba za muda za watu wao kushindwa ila ukweli kuchaguliwa kwa Dr.Shein kati ya wana CCM 11 ni hatua nzuri na kuwa kiongozi huyo ni msafi kuliko na hajapata kuwa na tuhuma yeyote mbaya ambayo imepata kumgusa wala kukigusa chama na serikali kupitia kwake.

Mzee Mgoda alisema kuwa kabla ya kushika ukamaku wa Rais na baada ya kuwepo katika nafasi hiyo wao kama wazee wamekuwa wakimchunguza mwenendo wake ambao umejionyesha sasa mjini hapa.

Hivyo alisema kuwa kwa kampeni za uchaguzi mkuu mwaka huu kampeni kwa CCM hazitakuwa ngumu kutokana na wapemba kwa mara ya kwanza kumtoa mgombea urais na kumaliza kilio chao cha siku nyingi cha kukosa mgombea wa nafasi hiyo na kuwa ni vyema makundi kuvunjwa na kuwa kundi moja na watu wamoja wazanzibar na sio wapemba na unguja.

Wakati huo huo wagombea ubunge wa nafasi mbali mbali ambao walitaka kuvamia mkutano mkuu huo wa CCM bila kuwa na vitambalusho jana wameumbuka baada ya kuzuiliwa kupita getini bila kuwa na vitambulisho huku mgombea ubunge wa CCM jimbo la Mufindi kusini Michael Mlonganile akilazimika kwenda makao makuu ya CCM kuomba kitambulisho hicho na wengine wakilazimika kukaa nje ya geti hilo kwa kukosa kitambulisho.

Katika mchakato huo Dr.Shein aliwabwaga wapinzani wake kwa kupata kura 117 huku Dr.Bilal akiambulia kura 54 na Shams Vuai Nahodha akipata kura 33 kati ya kura 204 zilizopigwa.
Bofyahapa

NIPO' LIVE' KUKUPA HABARI ZA MKUTANO MKUU WA CCM DODOMA LEO

2010-07-10T03:46:00.000-07:00

Bonyanza hapa

ASKARI WA FFU IRINGA AJIPIGA RISASI MBILI HADI KUFA AKIWA IKULU

2010-07-09T06:28:00.000-07:00

SIKU chache baada ya askari wa kike Tarime mkoani Mara kujiua kwa kujipiga risasi baada ya kuupoteza msafara wa Rais Jakaya Kikwete askari mwingine kutoka Musoma mkoani humo mwenye namba G 13 PC Mashauri (24) wa kikosi cha kutuliza ghasia (FFU) Iringa amejiua kwa kujipiga risasi Ikulu ndogo nyumbani kwa mkuu wa mkoa Iringa kwa kile kinachosadikika kuwa ni wivu wa kimapenzi.

Imedaiwa kuwa askari huyo alikuwa na mpenzi wake wa kike na juzi majira ya usiku alimfumania mpenzi wake huyu ambaye alikuwa ameachana naye kwa zaidi ya miezi miwili akiwa na mwanaume mwingine ambaye ni mfanyakazi wa taasisi ya Bay Port dare s Salaam.

Akithibitisha kutoka kwa tukio hilo kamanda wa polisi wa mkoa wa Iringa (ACP) Evarist Mangalla alimweleza mwandishi wa habari hizi kwa njia ya simu kuwa askari huyo alijiua mwenyewe kwa kujipiga risasi mbili chini ya kidevu chake jana Julai 8 majira ya saa 3 usiku akiwa lindoni eneo la Ngangilonga nyumbani kwa mkuu wa mkoa wa Iringa Mohamed Abdulaziz.

“ Ni kweli kuna tukio la askari huyo mwenye namba G 13 kujiua kwa kujipiga risasi mbili shingoni katika eneo la makazi ya mkuu wa mkoa wa Iringa baada ya kumnyang’anya bunduki askari mwezake aliyekuwa amepangiwa lindo hilo”

Kamanda Mangalla alisema sababu za skari huyo kujiua ni wivu wa kimapenzi dhidi ya mpenzi wake wa zamani WP7137 Zuhura ambae pia ni askari mwenzake.

Alisema kuwa akari huyo kabla ya kujiua alikuwa amepangiwa lindo katika Banki ya CRDB, lakini alicha lindo hilo na kwenda nyumbani kwa mpenzi wake huyo wa zamani anaeishi kihesa mtaa wa mafifi na alipofika huko alimkuta mwanaume aliyetambulika kwa jina la Sanday Tumaini ambaye ni mfanyakazi wa Banki ya bay port Dar e Salaam na kuanza kuwatishia kuwapiga risasi wote wawili kabla ya mwanamke huyu kufanikiwa kumpokonya silaha hiyo.

“Kabla Mashauri hajafyatua risasi mpenzi wake huyo kwa ujasiri alinyang’anya silaha hiyo na kupiga makelele na baada ya kuzidiwa na wananchi kufika eneo hilo PC Mashauri alikimbia alikimbia na kuacha silaha hiyo mikononi mwa mpenzi wake huyo….silaha ambayo alikuwa ameichukua kwa ajili ya kwenda katika lindo benk…”

Hata hivyo alisema baadae askari huyo alikwenda katika makazi ya mkuu wa mkoa ambako askari wenzake walikuwa wamepangiwa lindo na alipofika alianza kuongea nao, ghafla alimrukia askari aliyekuwa na bunduki na kunyang’anya bunduki kisha kufyatua risasi hewani na hatimae na mwezake huyo kutimua mbio kuhofia usalama wake na nyuma Mashauri aliamua kujiua kwa kujipiga risasi mwenyewe.

Mwili wa askari huyo umehifadhiwa katika chumba cha maiti hospitali ya mkoa wa Iringa ukisubiri kusafirishwa kwenda nyumbani kwao Musoma kwaajili ya mazishi na hakuna mtu anayeshikiliwa na jeshi la polisi kwa tukio hilo.

“Amejiua mwenyewe hatuwezi kumshikilia mtu yeyote katika hili ….kwani nyumbani kwa mwanamke ulitokea ugomvi na baada ya kushindwa aliamua kukimbia kwenda kwa mkuu wa mkoa katika lindo ambalo hata hivyo halikuwa lake na kwenda kupokonya silaha na kujiua”
Bofya hapa

MKAZI WA SHWASHWA DODOMA AKUMBWA NA UGONJWA WA AJABU AOMBA MSAADA WA MATIBABU

2010-07-08T05:37:00.000-07:00

Mwanamke mjane Elizabet Sanga (70) mkazi wa Shwashwa mjini Dodoma akiwa eneo la viwanja vya bunge asubuhi ya leo kuomba msaada kutoka kwa wabunge na watu wanaopita eneo hilo mwanamke huyu anahitaji kufanyiwa upasuaji wa uvimbe huu ambao ulianza kama kipele

Hapa akitoka chooni nyumbani kwake

Hapa akifanya usafi kutokana na kukosa ndugu wa kumsaidia baada ya mume wake kuuwawa na majambazi miaka 10 iliyopita

Hapa akiwa nje ya nyumba yake

Hapa akitoka kutafuta kuni za kupikia chakula

Mmiliki wa mtandao huu Bw Francis Godwin akizungumza na mwanamke huyo nyumbani kwake Shwashwa mjini Dodoma asubuhi ya leo ,

Hapa nikitoka nyumbani kwa mwanamke huyo umbali wa KM 7 kutoka ofisi za bunge

Hapa nikielekea nyumbani kwa mwanamke huyo

Hapa tukishuka nyumbani kwake

Hapa aningia nyumbani kwake

Hapa nikimpokea kuni

Akitoka kutafuta kuni

mtaa anaoishi

Hii ni sebule yake Bofya hapa

MWANA F.A NA AY WAMCHANGIA FEDHA ZA UBUNGE VIOLET MZINDAKAYA

2010-07-06T08:23:00.000-07:00

Msanii maarufu nchini wa muziki wa kizazi kipya AY akimkabidhi mwanahabari na kada wa maarufu wa CCM Violet Mzindakaya ambaye ni mjumbe wa NEC taifa na katibu msaidizi wa idara ya Idikadi na uenezi CCM mchango wa pesa kiasi cha shilingi laki moja zilizochangwa na Mwana F.A na AY kwa ajili ya kumpa shavu kada huyo kwenda kugombea ubunge viti maalum kupitia Umoja wa wanawake wa chama cha mapinduzi UWT-CCM) mkoa wa Rukwa ,fedha hizo zilikabidhiwa jioni hii jijini Dar es Salaam

"Mwanzo mzuri hii ni safari yangu kwenda mkoani Rukwa kuanza kazi muda ukifika ",mtandao huu unamtakia mafanikio katika safari hiyo BOFYA HAPA

MGOMBEA URAIS WA CCM DKT JK KUREJESHA FOMU LEO DODOMA

2010-07-01T00:22:00.000-07:00

Heka heka za Dodoma asubuhi ya leo Bofya hapa

MWAKALEBELA WA TFF SASA NI WA CCM ATANGAZA RASMI KUMPOKEA UBUNGE MONICA MBEGA IRINGA MJINI

2010-06-15T07:47:00.000-07:00

KATIBU Mkuu wa Shirikisho la Soka Tanzania (TFF), Fredrick Mwakalebela ametangaza kumvaa na kumng’oa Mbunge wa Jimbo la Iringa Mjini Monica Mbega katika Uchaguzi Mkuu wa baadaye mwaka huu.

Monica Mbega ambaye pia ni Mkuu wa Mkoa wa Kilimanjaro amekuwa Mbunge wa wa kuchaguluiwa Jimbo la Iringa Mjini kwa awamu ya pili mfululizo hivi sasa na kati ya mwaka 1995 na 2000 alikuwa mbmunge wa viti maalumu.

Akitangaza nia yake hiyo mbele ya waandishi wa habari wa nyumbani kwake Wilolesi mjini hapa leo Mwakalebela ambaye pia ni Mkurugenzi wa Kampuni ya Michezo ya VANNEDRICK (T) Ltd alisema anataka kutumia uzoefu alioupata kwenye medani ya soka kuwatumikia wananchi wa jimbo la Iringa.

Mwakalebela aliyezaliwa miaka 40 iliyopita, alisema ni haki yake kikatiba kuchagua na kuchaguliwa kuwaongoza watanzania wenzake bila kujali dini wala makabila yao.

”Nikiwa mwanCCM, mzaliwa wa Iringa ninawiwa kuchangia harakati za maendeleo za jimbo hili kwa kuomba uwakilishi kupitia CCM, na uwezo namaarifa ya kubonyue kitufe kwa ajili ya maendeleo ya jimbo la Iringa ninayo kwa kushirikiana na wakazi wa jimbo la Iringa na wadau mbalimbali wa maendeleo wa ndani na nje ya nchi” alisema.

Alisema endepo atafanikiwa kuteuliwa na chama hicho kuwa mgombea wake na hatimaye kuwa Mbunge wa jimbo hilo, atatumia maarifa yake yote kuhakikisha jimbo la Iringa linakuwa na vipaumbele vitakavyosaidia kuwaondolea wananchi wake umasikini.

Mwakalebela ambaye ni msomi mwenye shahada ya pili katika masuala ya utawala wa rasilimali watu alisema katika uchaguzi huo kauli mbiu yake itakuwa Maendeleo Kwanza itakayokwenda sambamba na kauli mbiu ya kitaifa ya Kilimo Kwanza.

Alisema amefikia uamuzi huo baada ya kuvutwa na nia njema ya kuwatumikia watanzania akiwa mbunge wa jimbo la Iringa Mjini ambapo atashirikiana na taasisi mbalimbali, NGOs na CBOs.

Alisema kuwa kutokana na kufanya kazi katika sehemu mbalimbali na kuona utendaji wake una mafanikio makubwa, ari hiyo imemvuta zaidi kulitumikia jimbo hilo na kuongeza kuwa uzoefu ambao ameuonesha katika sehemu anazozifanyia amependa kuutumia ili kushirikiana na wananchi wa jimbo la Iringa kuleta maendeleo.

Alisema kuwa ili maendeleo yenye mwelekeo yapatikane jimboni humo makundi yote ya wazee, vijana, akina mama na watoto yanatakiwa yaunganishwe na kiongozi mwenye mtazamo yakinifu utakao kuwa na manufaa kwa jamii nzima bila kubagua kundi fulani, na kuongeza kuwa kwa kulizingatia hilo ameona kuwa anaweza kuwa msaada kwa wana Iringa endapo watamchagua.

Aliongeza kuwa mkoa wa Iringa unazo rasilimali nyingi pia unavivutio vingi vya utalii na kuwa kama vitatangazwa na kukaribisha wawekezaji wengi ambapo kwa kushirikiana na wakulima, wafanyabiashara, vikundi mbalimbali vya wazee, akina mama, walemavu, vijana pamoja na wajasiliamali, wataunganishwa katika mtandao wenye muhimili wenye mafanikio makubwa kwao na kwa taifa.

Alisema atatumia michezo kama 'working tool' yake ya kuyaunganisha makundi yote ya wazee, akina mama, vijana, watoto na watu wa rika zote katika kuhamasisha maendeleo na akongeza kwamba wazee wasiposhirikishwa katika shughuli za kuongoza nchi na kuleta maendeleo mafanikio yatakuwa ni mabaya.

Alisema kuwa uzoefu mkubwa wa kuwaongoza wananchi ameupata katika sehemu mbalimbali ambazo amefanya kazi ikiwa ni pamoja na nchini Botswana alikokuwa akifanya kazi kama mshauri wa masuala mbalimbali yakiwemo yakiuchumi, kiwanda cha sukari cha Mtibwa na sasa kwa muda wa miaka minne amekuwa ni Katibu wa TFF.

Alisema kuwa uzoefu huo pamoja na kujuana na watu kutoka mashirika, watu pamoja na taasisi mbalimbali hivyo vyote vitamsaidia kuhakikisha wananchi wa jimbo la Iringa wanashirikiana na kuwa kitu kimoja katika kupambana na umasikini ili kuwa na mwelekeo mmoja wa kunyanyua uchumi.

Mwakalebela ametangaza nia yake akiwa pamoja nawanafamilia wenzake ambapo baba yake Mzee Wilfred Makalebela alisema ametoa baraka zote kwa mwanae katika nia yake ya kugombea ubunge ili ashirikiane na wananchi wa jimbo la Iringa kuleta maendeleo endelevu.

Alisema kuwa amepata elimu katika sekondari ya Highlands kidato cha kwanza hadi Nne na sekondari ya Tosamaganga kidato cha tano hadi sita na baada ya kumaliza shahada yake katika Chuo Kikuu cha Mzumbe alifundisha sekondari ya Ufundi ya Ruaha na kwenda kufanya kazi Botswana kwa miaka sita.

Mwisho;

MZAZI ASEMA CCM IKIMPITISHA MTOTO WAKE ASKOFU KUGOMBEA UBUNGE ATAHAMA JIMBO

2010-06-12T02:06:00.000-07:00

WAKATI mwamko kwa wataalam mbali mbali kujitokeza kutangaza kuwania ubunge na udiwani ndani ya chama cha mapinduzi (CCM) na vyama vya upinzani kuzidi kuwa mkubwa katika majimbo mbali mbali hapa nchini baba mzazi wa msaidizi wa askofu katika kanisa la kiinjli la Kilutheri Tanzania (KKKT) Njombe askofu Isaya Mengele mzee Japhet Lumuliko Mengele (pichani) amemtaka mtoto wake huyo kutoa gombea ubunge katika jimbo la Njombe Magharibi na kuwa iwapo atagombea na kushinda kwa upande wake atahama jimbo hilo .

Mzee huyo ambaye ni mwenyekiti mstaafu wa kijiji cha Kanamalenga Njombe ametoa kauli hiyo leo wakati akizungumza na waandishi wa habari kuhusiana na hali ya kisiasa ndani ya CCM katika jimbo hilo na idadi kubwa ya wagombea kujitokeza kutoka kupambana na mbunge wa sasa wa jimbo hilo mbunge Yono Kevella(CCM).

Alisema kuwa haoni sababu ya mtoto wake huyo ambaye ni mtumishi wa Mungu ambaye amekuwa akiheshimika na ikutegemewa na kanisa kama msaidizi wa askofu kuacha kulitumikia kanisa na kukimbilia katika siasa ambayo kimsingi hataiweza .

"Mimi hapa nilipo nina matatizo ya macho na nyumba ambayo ninaishi nikiwaonyesha waandishi mnaweza msiamini kama mimi nina mtoto ambaye ni msaidizi wa askofu ....sasa kama mwanangu ameshindwa kunisaidia mimi baba yake ataweza kuwasaidia wakazi wa jimbo la Njombe Magharibi ....kweli naomba asigombee kabisa ubunge na kama atagombea na kushinda basi mimi nitahamia jimbo la Njombe kusini kwa mbunge wake Anna Makinda "

Alisema kuwa atalazimika kuhama jimbo hilo kutokana na kumwogopa mtoto wake huyo kuwa kiangozi katika jimbo hilo kwa madai kuwa iwapo kwa sasa ambavyo si kiongozi wa serikali amekuwa hamsaidii pale atakapokuwa kiongozi itakuwaje.

Mzee Mengele alisema kuwa lazima wakazi wa jimbo la Njombe magharibi na majimbo mengine ya Tanzania kuwa makini wataalam wakiwemo viongozi wa dini ambao wanakimbia makanisa na kuutaka ubunge ama udiwani .

Kwani alisema ili kujua kama kweli viongozi hao wanaokimbilia kwenye siasa kama wana mapenzi mema na wananchi wao ni vizuri kuwachunguza walichokifanya katika sehemu zao za kazi .

Akielezea kuhusu mtazamo wa wazee katika jimbo hilo la Njombe Magharibi dhidi ya mbunge wa sasa Kevella na wagombea wengine ambao wameendelea kujitokeza kutaka kugombea ubunge katika jimbo hilo alisema kuwa ni haki ya kila wana CCM kujitokeza kuomba kuchaguliwa na kuchagua japo aliwataka wapiga kura wa jimbo hilo la kuwa makini na wagombea hao wanaojitokeza kwa sasa .

Alisema kwa upande wao kama wazee bado wanaimani kubwa na mbunge wao wa sasa mbunge Kevella na kuwa iwapo kuna mapungufu ameyafanya wanaamini wanaweza kumrekebisha .

"Hivi mwaka 2005 tulipokuwa katika uchaguzi CCM walisema tuchague mafiga matatu kwa maana ya diwani ,mbunge na Rais Jakaya Kikwete ....sasa iweje leo tubadilishe mawifa mawili na kuliacha figa moja Rais kwani kama diwani ama mbunge hafai ni wote watatu hawafai ila kama Rais anaongezewa muda basi hata wagunge wa CCM wasipingwe"alisema mzee huyo

rudi mwanzo

MAANDALIZI YA MWISHO KAMBI YA MISS IRINGA

2010-05-20T07:54:00.000-07:00

Msanii wanne star akiwanoa warembo hao

WASHIRIKI wa taji la Voda com Miss Iringa walivyojiandaa kupanda jukwaani kesho ili kuanza safari ya kuelekea katika shindano la kumpata mrembo wa Voda Com Miss Tanzania mwaka 2010 ambapo Iringa imejihakikishia kutwaa taji hilo.

Mkoa wa Iringa ambao kihistoria haujapata kutwaa taji la Taifa la urembo kutokana na washiriki wake kushindwa kujiandaa vya kutosha na wengi wao kushindwa kupata wadhamini wa kuwasaidia gharama za mavazi ,mwaka huu washiriki hao wameonyesha kuja kivingine zaidi baada ya kujiandaa vya kutosha tofauti na miaka ya nyuma.

Maaandalizi makubwa yamefanyika na warembo hao pamoja na waandaaji wa shindano hilo kwa miaka nane mfululizo sasa Radio Ebony FM ambapo wameendelea kuboresha kambi za washiriki hao na kuzifanya kuwa kambi zenye hadhi ya urembo kinyume na miaka mingine ambapo washiriki wamekuwa wakitokea makwao ama kukaa kambini mjini.

Shindano hilo la kumsaka Voda Com Miss Iringa ambalo kwa miaka zaidi ya miwili sasa linadhaminiwa na kampuni ya simu za mkononi Voda Com bado idadi ya wadhamini kwa mwaka huu ndani ya mkoa ni kubwa zaidi anasema mratibu wa shindano hilo Edo Bashir .

Anasema kuwa hadi sasa wadhamini ni pamoja na Hoteli ya Star Com KItonga, kampuni ya Kinywaji baridi cha Pepsi,TBL kupitia kinywaji cha Redes,Nems Collection na Net Saloon .

Bashir anasema kuwa washiriki wa mwaka huu ambao wanataraji kupanda jukwaani leo ni washiriki wenye uzoefu wa kutosha katika masuala ya urembo tofauti na miaka mingine ambapo kambi ya mafunzo huwa ngumu zaidi kutokana na uelewa mdogo wa washiriki .

Amesema kuwa mkakati wa mkoa ni kutwaa taji la Voda Com Miss Tanzania na kuwa mkakati huo umeenda sambamba na kuwaandaa washiriki wenye elimu ya kutosha ambao wanaweza kumudu ushindani katika kinyang’anyiro cha kumsaka mrembo wa Taji la kanda na lile la Taifa.

Hivyo alisema idadi kubwa ya washiriki ni wale waliohitimu elimu ya sekondari na vyuo na kuwataja washiriki hao kuwa ni pamoja na Mary Kigali(20) Mary Mgimwa(20),Grace Simon(19),Madia Rabihi(19),Dayana Beny(18),Rahma Gege(20)Catheline Kisinde(20),Ziada Mbega(20),Prisca Mlekwa (22) na Faraja Kivenule(18)

Maratibu huyo anasema kuwa washiriki hao ni wale wenye uwezo mkubwa wa kujieleza na wanauelewa mpana wa masuala ya urembo na kuwa kutokana na uelewa wao huo wanauwezo mkubwa wa kuutoa mkoa katika aibu ya kuendelea kuwa wasindikizaji katika jati hilo.

Bashir anasema kuwa mkuu wa mkoa wa Iringa Mohamed Abdulaziz ambaye amealikwa kumtazawa mrembo wa mkoa atamzawadi mshindi wa kwanza shilingi 600,000,mshindi wa pili atapata shilingi 400,000 na mshindi wa tatu shilingi 300,000 wakati washiriki wote wataondoka na kifuta jasho cha shilingi 50,000 kila mmoja.

Hata hivyo anasema kuwa warembo hao watasindikizwa na burudani kutoka kwa mshindi wa Tuzo za Kilimanjaro mwaka 2010 Diamond Belle 9 na msanii wa nyimbo za asili kutoka mkoani Mbeya Awilo wa Mbeya na kuwa washiriki hao wamenolewa na mwalimu Wanne Star pamoja na aliyekuwa miss Iringa mwaka 2009 .

Pamoja na mratibu huyo kueleza matumaini zaidi ya mkoa wa Iringa kujiweka pazuri katika kutwaa taji la urembo Taifa baada ya safari ya leo kumpata mrembo wa mkoa kukamilika katika ukumbi wa St.Dominic mjini hapa ,bado washiriki hao wameonyesha kutambiana zaidi na kila mmoja akieleza kujipanga kuchukua taji hilo.

Wakati kwa upande wao wadhamini wakuu voda Com pamoja na wadhamini wengine wa onyesho hilo wameeleza kufurahishwa na maandalizi makubwa ya kambi hiyo na kuwa upo uwezekano mkubwa mkoa wa Iringa kutimiza ndoto yake kama washiriki walivyopaniaani kutwaa taji hilo.

MISS ILULA -KILOLO 2010 YAFANYIKA KILOKOLE HAKUNA MAVAZI YA AIBU

2010-05-09T06:16:00.000-07:00

Mshindi wa taji la Miss Ilula wilaya ya Kilolo mwaka 2010 Diana Beny (katikati) akiwa katika picha ya pamoja na mshindi wa pili Ziada Mbega na mshindi wa tatu Catherin Kisinda mara baada ya kutangazwa juzi jumamosi usiku na Chifu jaji mwanahabari Edo Bashir ambaye ni mratibu wa Miss Iringa kwa miaka 8 mfululizo

MSHIRIKI Diana Beny amefanikiwa kutwaa taji la Miss Ilula katika shindano lililofanyika jumamosi usiku ambalo ni shindano la pili kufanyika toka wilaya hiyo ilipoanzishwa miaka kwa zaidi ya miaka 6 sasa.

Shindano hilo la aina yake lilipambwa na burudani kali kutoka kwa msanii wa muziki wa kizazi kipya hapa nchini kutoka jijini Dar es Salaam Joseline wasanii wa chipukizi kutoka Ilula huku msanii maarufu wa comedy nchini kutoka kundi la Enye Athuman Mussa a.k.a Mwalubadu akipagawisha mashabiki kwa upande wa U MC.

Katika shindano hilo ambalo jumla ya washiriki 6 walipata kushiriki akiwemo mshiriki ,Diana Beny na Ziada Mbega ,Catheline Kisinde,Mary Mgimwa ,Suma Mushi na Pili Abdulaaman wakionyesha kuchuana vikali katika upande wa ubunifu wa mavazi tofauti na ilivyotegemewa na wengi kuwa yawezekana washiriki hao wangechumka katika shindano hilo.

Chifu jaji Bashir katika shindano hilo alipata kuwauliza swali moja pekee washiriki watano waliopata kuingia tano bora baada ya mshiriki Pili Abdulaaman kuchemka mapema .

katika swali lake hilo Bashir alitaka kujua iwapo washiriki hao watashinda taji la Miss Ilula kitu gani ambacho watabadilisha katika mji huo ,swali ambalo washiriki walionyesha kujikanyaka kupitia kiasi kuweza kulijibu ukiacha mshindi Diana Beny ambaye ambaye alisema cha kwanza na kutoa elimu kwa vijana juu ya janga la UKIMWI ,elimu na uzazi wa mpango na kupigania wodi ya akina mama wajawazito katika eneo hilo pamoja na kutafuta ufumbuzi kero ya maji katika mji huo.

Akitangaza matokeo hayo Bashir alimtaja Diana Beny kuwa mshindi wa kwanza akifuatiwa na Ziada Mbega pamoja na Catheline Kisinde aliyepata nafasi ya tatu .

Huku nafasi ya nne ikichukuliwa na Mary Mgimwa nafasi ya tano Suma Mushi .

Awali ofisa utamaduni wilaya ya Kilolo Stephan Sanga akimkaribisha mratibu wa onyesho hilo Philimon Elias alisema kuwa wilaya hiyo imepiga hatua kubwa kwa kuendesha shindano hilo ambalo ni la pili kufanyika ambapo shindano la kwanza lilifanyika mwaka 2002.

Kwa upande wa mratibu wa onyesho hilo Elias alisema kuwa shida kubwa katika onyesho hilo ilikuwa ni kuwapata washiriki ambapo wazazi walikuwa wakiwazuia watoto wao kushiriki kwa madai kuwa shindano hilo ni uhuni jambo ambalo halina ukweli wowote.

Huku mgeni rasmi katika shindano hilo ofisa maendeleo ya jamii wilaya ya Kilolo Eriko Kawanga akiwapongeza waandaaji wa onyesho hilo pamoja na zawadi ya DVD na shilingi 10,000 kwa mshindi wa kwanza na pasi la umeme na shingili 10,000 kwa msindi wa tatu pamoja na saa na mkononi na shilingi 10,000 kwa mshindi wa tatu huku washiriki wote wakiambulia kifuta jasho cha shilingi 10,000 kila mmoja.

MAADHIMISHO YA SIKU YA MAALBINO KUFANYIKA IRINGA KITAIFA

2010-05-02T05:29:00.000-07:00

WAKATI waziri mkuu wa Mizengo Pinda mei 4 anataraji kuwa mgeni rasmi kwenye maadhimisho ya siku ya watu wenye ulemavu wa ngozi (maalbino) Tanzania yatakayofanyika mkoani Iringa ,maalbino wameeleza kusikitishwa na unyama unaofanywa dhidi yao na kutishia kutoshiriki kupiga kura katika uchaguzi mkuu iwapo hawatawekewa ulinzi.

Maalbino hao wamelaani vitendo vya wenzao 50 kuuwawa kinyama toka yalipoibika mauwaji ya maalbino mwaka jana hadi sasa na kuwa pamoja na serikali kupitia kwa waziri mkuu Pinda kuonyesha kuweka mikakati mbali mbali ya kuwalinda ila bado vitendo hivyo vimeendelea kujitokeza alisema mmoja kati ya maalbino hao Janeth Anatoli jana wakati akizungumza na mwandishi wa habari hizi.

Alisema kuwa kwa upande wake haoni sababu ya yeye kushiriki katika uchaguzi mkuu kupiga kura kuchagua viongozi akiwemo Rais ,wabunge na madiwani wakati amani kwa upande wao ikiendelea kuota mbawa .

Kwani alisema kuwa pamoja na kuwa Tanzania kutajwa kuwa ni moja kati ya nchi zenye amani na utulivu lakini mambo yanayotendeka kwa sasa ni ukiukwaji wa haki za binadamu na kuwa amani hiyo kwao kama maalbino haipo tena na wamekuwa wakiishi maisha ya wasiwasi kama wanyama.

Soma habari hii katika gazeti la Tanzania Daima kesho

WATEJA BENKI YA NBC WAPONA KUTEKETEA KWA MOTO

2010-04-23T06:48:00.000-07:00

WATEJA wa Benki ya NBC tawi la Iringa leo walilazimika kutimua mbio kutoka ndani ya benki hiyo baada ya moto mkubwa ambao chanzo chake bado hakikuweza kufahamika mara moja kushika jingo hilo.

Kutokana na tukio hilo la moto wateja na wafanyakazi wa benki hiyo walilazimika kutimua mbio na kutoa nje ya jengo hilo huku askari wa kikosi cha kutuliza ghasia (FFU) pamoja na askari kanzu ,askari wa usalama barabarani wakiongozwa (RCO) mkoa wa Iringa Crausy Mwasyeba wakiwa wameimarisha ulinzi katika eneo hilo la benki.

Benki hiyo iliyopo eneo la Mshindo mjini hapa ilianza kushika moto majira ya saa 5.45 asubuhi moto ulioanzia katika moja kati ya vyumba za watumishi wa jego hilo ambao wamekuwa wakiishi katika ghorofa ya mwisho ya jego la benki hiyo.

Baadhi ya wateja wa benki hiyo ambao walikuwa nje wakisubiri kuhudumiwa katika mashine ya kutolea fedha ya ATM walimweleza mwandishi wa habari hizo kuwa moto huo ulianza juu ya jengo hilo ambapo kwa upande wao wakiwa chini ya jengo hilo walianza kuona mosho na cheche za moto zikianguka kutoka juu ya jengo hilo hali tukio lililowafanya kuwajulisha wahusika wa benki hiyo.

Alisema John Sanga kuwa baada ya taarifa hiyo askari polisi waliokuwepo katika lindo hapo waliweza kutoa taarifa katika kituo cha polisi na mara moja idadi kubwaya askari walifika eneo hilo kabla ya askari wa kikosi cha zimamoto Manispaa ya Iringa hawajafika.

Hata hivyo alisema jitihada kubwa zilizofanywa na askari wa kikosi cha zimamoto na wale askari polisi katika kuzima moto huo zimepelekea kulinusuru jengo hilo kuteketea kwa moto.

Mkuu wa kikosi cha Zimamoto mjini Iringa Mohamed Japhar alisema kuwa baada ya kupokea taarifa waliweza kufika eneo hilo haraka na kufanikiwa kuukabili moto huo ambao tayari ulianza kuchukua kasi kubwa.

Pamoja na kufanikiwa kuzima moto huo bado alisema chanzo cha moto huo hakijaweza kufahamika na kuwa idara yake na shirika la umeme Tanzania (TANESCO) na jeshi la polisi wanaendelea na uchunguzi zaidi juu ya tukio hilo.

Meneja wa benki hiyo mkoani Iringa hakuweza kupatikana kuelezea undani wa tukio hilo huku kwa upande wake kaimu meneja ambaye ni mwasibu katika benki hiyo Henry Mwakasendo akiwagomea wanahabari waliofika ofisini kwake kuzungumza chochote juu ya tukio hilo japo alikiri kuwepo wakati wa tukio hilo la moto .

“Naomba ndungu wana habari mnielewe vizuri mimi si msemaji mkuu wa tukio hilo … kama mnataka msubiri meneja ambaye kwa sasa hapa hayupo “

Kamanda wa polisi wa mkoa wa Iringa Evarist Mangalla amethibitisha kutokea kwa tukio hilo japo alisema kuwa bado uchunguzi zaidi unaendelea ikiwa ni pamoja na kujua hasara zilizopatikana katika tukio hilo.

MWISHO

WANANCHI MAFINGA WALIPIA VIWANJA HEWA....

2010-04-19T09:38:00.001-07:00

WANANCHI zaidi ya 700 katika mji wa Mafinga wilaya ya Mufindi mkoani Iringa wamedai Halmashauri yao ilitumia jina la Rais Jakaya Kikwete kutapeliwa fedha zao za viwanja walivyo lipia toka mwaka 2006 na 2007 katika halmashauri ya wilaya hiyo kitengo cha ardhi bila kuonyeshwa viwanja husika Tanzania daima limebaini.

Katika uchunguzi wa kina uliofanywa na mtandao huu kwa kushirikiana na kipindi cha Morning Talk cha Radio Ebony Fm ,umebaini kuwepo kwa madai hayo ambayo yamepelekea wananchi hao kumwomba Rais Kikwete kuwasaidia kupata haki yao.

Wakizungumza kwa nyakati tofauti na mtandao huu wananchi hao akiwemo Janeth Mtagawa , Salum Kalinga na mjane Anna Sanga walisema kuwa uongozi wa halmashauri hiyo ulitangaza zoezi la upimaji wa viwanja kwa gharama nafuu kwa wakazi wa mji huo kwa zaidi ya miaka miwili sasa wamelipia zoezi hilo ila hakuna kiwanja wanachopimiwa.

Alisema mjane huyo Anna Sanga kuwa kwa upande wake mbali ya kuomba kupimiwa kiwanja hicho bado alikuwa na ardhi yake yenye miti ikiwa na ukubwa wa zaidi ya hekari 10 aliyoachiwa na marehemu mumewe ila ardhi hiyo imechukuliwa na halmashauri bila kulipwa fidia yoyote.

“Kweli huu ni utapeli wa hali ya juu kwani mimi hapa nilipo ni mjane na wao serikali walikuja na kupokonya eneo langu kwa madai kuwa ningelipwa fidia ili eneo hilo litumike kuwagawia wananchi wengine viwanja vya makazi ….japo na mimi walinitaka nilipie fedha ya upimaji wa kiwanja ambacho nilikuwa nikiomba kwa ajili ya kujenga nyumba …..ila ukweli hadi sasa toka nimelipia ni zaidi ya mwaka mmoja sijaonyeshwa kiwanja wala kulipwa fidia ya ardhi yangu …sasa huu si utapeli jamani” alihoji mjane huyo huku akibubujikwa machozi.

Mjane huyo alisema kuwa alilipia kiasi cha shilingi 80,000 kwa ajili ya kupata kiwanja katika eneo la Changarawe mjini Mafinga ambako zoezi hilo la upimaji viwanja lilipaswa kufanyika kati ya mwaka 2006 na 2007 japo hadi sasa hakuna mwananchi aliyeonyeshwa kiwanja chake.

Hivyo alimwomba Rais Kikwete kuweza kusaidia wananchi hao kupata haki zao kutokana na aliyekuwa afisa ardhi wa wilaya hiyo ambaye kwa sasa amesimamishwa kazi ,wakati akihamasisha wananchi kujitokeza kulipia zoezi hilo la upimaji alikuwa akidai kuwa zoezi hilo linafanywa kwa agizo la Rais Kikwete katika kuboresha miji ili kufikia malengo ya utekelezaji wa Ilani ya uchaguzi ya CCM.

Kwa upande Sanga na Mtagawa walisema kuwa wamefuatilia suala hilo la kutapeliwa fedha zao katika ofisi ya ardhi ,ofisi ya mkuu wa wilaya ya Mufindi na ofisi ya mkurugenzi mtendaji bila mafanikio zaidi ya kuendelea kuzungushwa bila kuonyeshwa viwanja vyao.

Hata hivyo walisema kuwa ni vema mkuu wa wilaya ya Mufindi Evarista Kalalu na mkuu wa mkoa wa Iringa Mohamed Abdulaziz kuingilia kati suala hilo ikiwa ni pamoja na kukutana na wananchi waliolipia gharama za upimaji wa viwanja na wale wanaodai fidia ya ardhi zao kabla ya uchaguzi mkuu kufanyika vinginevyo hasira zao wataelekeza kwa chama tawala .

Wananchi hao walisema kuwa tataizo linalokwamisha zoezi hilo kukamilika kwa muda uliopangwa ni rushwa katika ofisi hiyo ya ardhi jambo ambalo linapelekea matajiri kuendelea kupewa ardhi huku masikini wakiendelea kulipia bila kupewa viwanja wala kuonyeshwa.

Mkurugenzi mtendaji wa halmashauri ya wilaya hiyo Limbakisye Shimwela akizungumza kwa njia ya simu kutoka jijini Dar es Salaam kuhusiana na malalamiko hayo ya wananchi alikili kuwepo kwa tatizo hilo la wananchi kulipia viwanja bila kugawiwa na kuwa limesababishwa na mabadiliko ya sheria ya umilikishaji ardhi .

Alisema kuwa awali wananchi walikuwa wakigharamia gharama za upimaji wa viwanja na masuala ya fidia yalikuwa yakifanywa na wananchi wenyewe ila kwa sasa kutokana na mabadiliko hayo ya sheria ya ardhi halmashauri ndiyo yenye jukumu ya kulipia gharama zote za fidia .

Mkurugenzi huyo alisema kuwa kutokana na halmashauri hiyo lengo la halmashauri hiyo kupokea fedha hizo kwa wananchi ni kutaka kuwapimia viwanja ila kutokana na mabadiliko ya sheria hiyo suala hilo likawa gumu kutekeleza japo kwa sasa wanafanya utaratibu wa kukamilisha fidia na ndani ya mwezi huu wananchi waliolipia viwanja wataanza kupewa .

“Mimi kwa sasa nipo jijini Dar es Salaam katika kikao cha bajeti ….ila nimeagiza wenzangu huko kuendelea na mchakato wa kulipa fidia kwa wale wote ambao walikuwa wakidai ili zoezi la upimaji viwanja liweze kufanyika ndani ya mwezi huu ….napenda kuwaomba radhi wananchi wote wenye malalamiko juu ya suala hili”alisema mkurugenzi huyo.

Hata hivyo afisa ardhi wa halmashauri hiyo Ali Kidwaka alisema kuwa si kweli kama ofisi yake ilifanya utapeli kwa wananchi hao kama wanavyodai na kuwa lengo la halmashauri lilikuwa ni kutoka viwanja kwa wananchi 300 ila idadi ya wananchi waliojitokeza ilikuwa ni zaidi ya wananchi 1100 ndio waliorodhehwa na kulipia gharama za upimaji viwanja.

Alisema kuwa wananchi walitangaziwa kugawiwa viwanja mwaka 2007 na aliyekuwa afisa ardhi kwa wakati huo ambaye alisimamishwa kwa matatizo kabla ya yeye kuteuliwa na katibu mkuu wa TAMISEMI mapema mwaka huu japo yapo mazuri mengi yaliyofanywa na mtangulizi wake na yapo mabaya pia ambayo yote ameyapokea.

Kidwaka alisema kuwa hadi hivi sasa wananchi zaidi ya 700 ndio wanaodai viwanja vyao baada ya kulipia na mchakato wa kukamilisha fidia unaendelea japo gharama za upimaji viwanja zilizotolewa kiasi cha shilingi 80,000 na 60,000 hazilingani na fidia ambazo wenye mali wanadai katika maeneo hayo.

Alisema gharama za upamaji viwanja zilizopokelewa kutoka kwa wananchi hao zaidi ya 1000 ni zaidi ya milioni 60 ila gharama za ulipaji fidia ambazo halmashauri inapashwa kulipia ni zaidi ya fedha hizo na kuwa zoezi hilo limeanza kufanyika ili kuwawezesha wananchi hao kupimiwa viwanja vyao kama walivyolipia.

MWISHO

WAZIRI WASIRA UPO? MAREHEMU IRINGA WAGAWIWA MBOLEA YA RUZUKU ...

2010-04-16T10:13:00.001-07:00

PAMOJA na serikali ya awamu ya nne chini ya Rais Jakaya Kikwete na baraza lake la mawaziri akiwemo waziri wa kilimo,chakula na ushirika Mh.Stephen Wasira kuweka mikakati mizuri ya kuboresha kilimo hapa nchini kwa kutoa pembejeo kwa njia ya vocha za ruzuku kwa wakulima wa hali ya chini ,jitihada hizo zimeonyesha kukwamishwa katika kijiji cha Kibena kata ya Ifunda wilaya ya Iringa vijijini baada uchunguzi wa mtandao huu wa gazeti la Tanzania Daima na kipindi cha morning Talk umebaini ufisadi mkubwa wa pembejeo hizo baada ya viongozi wa serikali ya kijiji kufoji majina ya walengwa na kuweka majina ya watu waliokufa zaidi ya mwaka mmoja uliopita .

Uchunguzi wa kina uliofanywa na mtandao huu kwa ufadhili wa kipindi cha Morning Talk cha Radio Ebony Fm ya mkoani Iringa umeweza kubaini udhadhilifu mkubwa wa pembejeo hizo za kilimo katika kijiji hicho.

Mpango huo wa ugawaji wa pembejeo kupitia vocha za ruzuku ya serikali pamoja na kulalamikiwa mbele ya makamu wa Rais Dk.Ali Mohamed Shein wakati wa ziara yake mkoani Iringa hivi karibuni na kukiwa hakuna hatua zozote zilizochukuliwa kwa wahusika wa ufujaji wa vocha hizo za pembejeo za ruzuku bado madai ya wakulima kuorodheshwa majina yao bila kupewa pembejeo hizi ni mengi zaidi.

Katika uchunguzi huo wa kina uliofanywa katika kijiji cha Kibena umebaini katika kijiji hicho jumla ya watu 46 waliokuwemo katika orodha ya watu waliotakiwa kupewa pembejeo hizo za ruzuku .

Baadhi ya wajane katika kijiji hicho akiwemo Maria Fuime (70) alisema kuwa kwa upande wake ameshangazwa kusikia katika mkutano wa hadhara jina la marehemu mume wake Yohana Mteve lilasomwa na lipo katika orodha ya wananchi walionufaika na mpango huo wa pembejeo za ruzuku wakati mume wake huyo alifariki dunia toka desemba 2007 na kuzikwa katika kijiji hicho.

Alisema kuwa uongozi wa serikali ya kijiji hicho ukusanya majina ya marehemu zaidi ya 10 na kuyaandika katika ripoti yao ili kuonyesha kuwa pembejeo hizo zilisambazwa kwa usahihi huku walengwa karibu wote wakiwa hawajanufaika na zoezi hilo na hata baadhi ya waliopata ni wale walioambulia mbolea mfuko moja ama miwili pekee.

“Kaburi la mume wangu hili hapa mbele ya nyumba sasa inashangaza kuona jina lake linaendelea kutumika kuibia serikali huku serikali yenyewe ikishindwa kuchukua hatua…. Shamba langu mimi mahindi yamekosa kustawi vizuri kutokana na kukosa mbolea ila watu watu wanageuza wafu kama sehemu ya mitaji yao ”

Mbali ya mjane huyo pia watoto wa marehemu Yohana Mtweve Christina na Shabu wameomba serikali kuchukua hatua kali kwa wote waliohusika kufanya udanganyifu wa pembejeo hizo na kuwa kilichofanywa na viongozi hao wa kijiji ni kuzunguka katika maeneo ya makaburi na kuandika majina ya watu waliokufa na baadhi yao wakiwemo watoto wadogo na kuyaweka katika orodha ya wananchi walionufaika na mpango huo wa vocha za ruzuku kumbe ni wizi mtupu.

Hata hivyo walisema suala hilo limelalamikiwa kwa viongozi mbali mbali za kata hiyo ila hakuna hatua ilioyochukuliwa dhidi ya wahusika hao.

Mmoja kati ya vibarua katika duka la wakala Ngwale ambaye alipewa jukumu ya kuuza vocha hizo kwa wakulima Abyuta Sanga alisema kuwa mwenyekiti wa serikali ya kijiji hicho Gaspar Mleleu na afisa mtendaji wa kijiji Laurian Kidava walikuwa wakitoa maelekezo ya watu wa kupewa pembejeo na baadhi ya watu hao ni wageni wa kijiji hicho ila kutokana na wao kama viongozi kuagiza hakuweza kupinga.

Katibu kata wa CCM kata ya Ifunda Juma Habibu alisema kuwa kutokana na kuwepo kwa malalamiko juu ya zoezi hilo viongozi wa CCM kata walikutana katika kikao cha halmashauri kuu ya CCM kikao kilichofanyika Machi 11 mwaka huu chini ya wajumbe watano akiwemo Aujelus Lawa (mwenyekiti CCM kata) , yeye mwenyewe Juma Habibu kama katibu kata CCM, Godson Lyandala (katibu uchumi na fedha kata –CCM) ,Vumila Mwenda (mjumbe) na Kalaleta Fuime (diwani wa viti maalum).

Alisema katika kikao hicho ambacho agenda kubwa ilikuwa ni kujadili tatizo la usambazaji wa mbolea za ruzuku katika kijiji cha Kibena msimu wa mwaka 2009/2010 ambapo walibaini ufisadi huo wa mbolea hiyo.

Hata hivyo alisema mwenyekiti wa kijiji na afisa mtendaji wa kijiji hicho ndio waliohusika na wizi huo wa pembejeo na kuwa baada ya suala hilo kujulikana mtendaji amekimbia kijiji hicho.

Mwenyekiti wa kitongoji cha KItasengwe katika kijiji hicho cha Kibena Lazaro Kitwange aliiomba serikali kuwakamata viongozi hao na kuwachukulia hatua za kisheria kwani wakulima wote wa kijiji hicho hawajanufaika na mpango huo zaidi ya viongozi hao ambao wamenunua gari la kutembelea na pikipiki kwa fedha za mbolea hiyo ya wizi.

Hata hivyo alisema wananchi wamekuwa wakishindwa kulalamika katika mikutano kutoana na ubabe wa viongozi hao na mwananchi akilalamika hutishwa .

Kwa upande wao viongozi hao hawakuweza kupatikana kuzungumza na mwandishi wa habari hizi japo mwenyekiti wa kijijiji hicho alipopigiwa simu alikataa kueleza chochote kwa madai hana hakika kama kuna ugawaji mbaya wa pembejeo katika kijiji chake.

Mwenyekiti wa halmashauri ya wilaya ya Iringa Fundi Mihayo alikili kuwepo kwa tatizo ya ubadhilifu wa pembejeo katika kijiji hicho na vijiji vingine na kuwa tume inaundwa ili ku chunguzi suala hilo.

Pia alipongeza jitihada za mwandishi wa habari hizi na kwa kufichua ufisadi huo na kuomba vyombo vingine kujitokeza kupambana na ufisadi zaidi.

Kwani alisema lengo la serikali katika mpango huo lilikuwa ni nzuri lenye lengo la kuwakomboa wakulima na kuongeza kasi ya uzalishaji ila baadhi ya watu wachache wamejipanga kukwamisha zoezi hilo .

Uchunguzi wa gazeti hilo katika kijiji hicho majina ya marehemu walioorodheshwa kupewa pembejeo ni pamoja na Norbat Mbinduka, Lameck Ngweta, Simon Mbembati, Masud Mahondo, Abasi Ngweta, Gailan Nzunda, John Kitwange, Martin Lumato , Pasumile Lumato, Yohana Mtweve na Msikose Kihombo .

Huku watoto na wanafunzi wa shule mbalimbali za msingi na sekondari ambao majina yao yanaonyesha kupewa pembejeo hizo ni pamoja na Faiza Kilowoko, Rejina Msita anayesoma sekondari ya Lyasa kata ya Ifunda,Hassan Ngulo( Mwembetogwa sekondari),Maria Lalisa (Lyasa sekondari) ,Ano Mgaya, Filbert Chengula(Kawawa sekondari ) Ezekia Kalinga na Aron Chengula ambao ni watoto katika kijiji hicho pia yapo majina ya watu 15 kutoka nje ya kijiji na wilaya hiyo ambao wameorodheshwa katika wanakijiji walionufaika na pembejeo hizo nakala ya majina yote ipo .

......Itaendelea wiki ijayo......

GODWIN SIBONIKE MALILA HAYUPO TENA NASI...

2010-04-10T01:39:00.000-07:00

Mwanahabari Francis Godwin wa gazeti la Tanzania Daima na Msemakweli kwa niaba ya familia ya mzee Godwin Sibonike Malila wa Soweto Mbeya anasikitika kutangaza kifo cha baba yake mdogo mzee Godwin Sibonike Malila (Pichani) kilichotokea tarehe 8 mwezi huu wa nne katika jijini Mbeya.

Habari ziwafikie kaka wa marehemu Bw Kenani Kazimoto Ngao wa Makete Iringa na Ally Kikombe wa Sumbawanga Rukwa Mdogo wa marehemu Luvoneko Siwonike wa Sumbawanga Rukwa na Enock Malila wa Chunya Mbeya.Shemeji wa marehemu Mh.Wiliam Lukuvi mkuu wa mkoa wa Dar es Salaam na mbunge wa jimbo la Ismani Iringa ,Wadau wenzangu wote katika tasnia hii ya habari pamoja na ndugu jamaa na marafiki popote pale walipo.

Mazishi yanataraji kufanyika leo tarehe 10.4.2010 majira ya saa saba mchana katika makaburi ya sabasaba jijini Mbeya.

Kwa pamoja tunaamini kabisa Mungu ni muweza wa mambo yate pamoja na sisi kumpenda zaidi baba yetu mpendwa Mungu yeye kampenda zaidi yetu hivyo hatuna budi kusema jina la Bwana na libariiwe daima.AMINA.

NB. Mpendwa mdau wa mtandao huu kutokana msiba huu napenda kukuomba uvumilivu wako kwa muda wa siku mbili kuanzia leo mtandao huu na ule wa http://www.matukiodaima.blogspot.com/ hakuta kuwa na tukio lolote jipya kwani nitakuwepo katika maombolezo .nashukuru kwa ushirikiano wako.Bofya hapa

VIONGOZI WA KIJIJI CHA NUNDWE MUFINDI WATUHUMIWA KWA UFISADI WANANCHI WAGOMEA MKUTANO WA HADHARA

2010-03-31T09:04:00.001-07:00

Ufisadi wa kutisha wakwamisha maendeleo katika kijiji ch Nundwe kata ya Ihalimba jimbo la Mufindi Kaskazini ambako wananchi wamefikisha malalamiko yao kwa mtendaji wa kata juu ya ufisadi huo bila kushughulikiwa. Wanaotuhumiwa ni mwenyekiti wa chama tawala na katibu wake ngazi ya kijiji ambao wanadaiwa kuuza msitu wa chama na ardhi ya kijiji ekari 80 kinyemela. Hatua ya mtendaji wa kata kunyamaza kimya imepelekea leo wananchi kugoma kuendelea kumsikiliza katika mkutano wa kuhamasisha maendeleo alio uandaa . Mtandao huu wa www.francisgodwin.blogspot.com na kipindi cha Morning Talk kesho Alhamis majira ya saa 2. 30 Asubuhi kupata kuzungumza na wananchi na viongozi katika viwanja vya ofisi ya kijiji juu ya kero hiyo.

TRAFIC MAKAMBAKO WAWAKWAMISHA ABIRIA WA BASI LA SABCO TOKA RUVUMA KWENDA DAR ES SALAAM KUONDOKA

2010-03-31T02:22:00.000-07:00

ASKARI wa usalama barabarani Makambako wilaya ya Njombe mkoani Iringa leo wamezuia basi la kampuni ya Sabco lililokuwa likitoka Ruvuma kwenda jijini Dar es Salam lenye namba za usajili T 418 ATH Scania kuendelea na safari kutokana na uchakavu wa taili za basi hilo.

Wakizungumza na mwandishi wa habari hizi eneo la stendi ya Makambako ambapo abiria hao wamekwama ,baadhi ya abiria wa basi hilo akiwemo Christina Komba na John Haule walisema kuwa wameendelea kukwama katika eneo hilo baada ya askari wa usalama barabarani kuchomoa namba za gari hilo hadi mmiliki wa basi hilo atakapofunga taili mpya.

Alisema Komba kuwa pamoja na wao kama abiria kupongeza hatua ya jeshi la polisi kikosi cha usalama barabarani mkoani Iringa kwa kusimamia vizuri sheria kwa lengo la kunusuri maisha ya abiria ila bado wanaulalamikia uongozi wa kampuni hiyo kwa kushindwa kuwabadilishia basi jingine ili wao waweze kuendelea na safari.

Alisema kuwa baadhi ya abiria katika basi hilo ni wale wanaokwenda jijini Dar es Salaam kwa ajili ya matatizo mbali mbali wakiwemo wagonjwa ambao wanakwenda katika hospitali ya Taifa kwa ajili ya kupatiwa matibabu ya kiafya.

Hivyo hatua ya uongozi wa kampuni hiyo kuwakimbia abiria na kuwatwelekeza katika stendio hiyo bila kuwatafutia usafiri mwingine ni moja ya unyanyasaji mkubwa ambao wameliomba jeshi la polisi kikosi cha usalama barabarani na viongozi wa Sumatra mkoa wa Iringa kuweza kuchukua hatua zaidi kwa kampuni hiyo.

Aidha kwa upande wake Haule alisema kuwa bado askari wa usalama barabarani katika mkoa wa Ruvuma na stendi kuu ya Njombe ambako basi hilo limepita wanapaswa kuchunguzwa zaidi kutokana na kuliacha basi hilo kupita bila kuliona tatizo hilo kubwa la uchakavu wa mataili yake.

"Tunashindwa kujua utendaji kazi wa askari wa usalama barabarani katika maeneo ambayo basi hili limepita na askari wamekagua na kutoona tatizo ...sasa tunapokamatwa hapa Makambako kuwa taili ni kipara tunajiuliza kama Makambako wameona tatizo hilo na askari hao wameruhusu ni hatua gani zinachukuliwa kwa askari walioruhusu basi hilo kupita" alihoji abiria huyo.

Kwa upande wake mmoja kati ya wafanyakazi wa basi hilo ambaye hata hivyo hakupenda kutaja jina lake kwa kuhofia ajira yake alisema kuwa matatizo kama hayo yanachangiwa na mmiliki mwenyewe ambaye amekuwa akiliona tatizo hilo na kutolifanyia kazi zaidi ya kungojea faida pekee.

Hivyo alisema bado kuna uwezekano mkubwa wa basi hilo kuendelea kukaa katika stendi ya Makambako bila tatizo hilo kutafutiwa ufumbuzi kutokana na wao kutokuwa na uwezo wa kununua mataili hiyo mawili ambayo yanagharimu zaidi ya shilingi 700,000

Pia alisema kuwa askari polisi wa mkoa wa Ruvuma na kituo cha stendi ya Njombe wanapaswa kuchukulia hatua kwa kuruhusu basi hilo kuendelea na safari pamoja na kuliona kosa hilo.

Mkuu wa kikosi cha usalama barabarani mkoa wa Iringa (RTO) Kedmund Mnubi alimweleza mwandishi wa habari hizi kwa njia ya simu kuwa kukamatwa kwa basi hilo ni moja kati ya utendaji kazi wa kikosi hicho .

Hivyo alisema kimsingi uchakavu wa taili mbili za nyuma upande wa kulia katika basi hilo ungeweza kusababisha maafa zaidi kwa abiria iwapo zingepasuka kutokana na uchakavu wake.

Mkuu huyo alipongeza utendaji kazi wa askari wake kituo cha Makambako kwa kubaini tatizo la kuzuia basi hilo na kuwa kwa sasa anafanya mawasiliano na RTO wa Ruvuma ili kujua hatua sababu ya askari wake kushindwa kuzuia basi hilo kutoka katika stendi kuu ya Songea kutokana na uchakavu huo wa taili.

Kuhusu askari wa stendi ya Njombe alisema kuwa pamoja na kuwa vipo vituo vya ukaguzi wa mabasi ya abiria ila bado anachunguza sababu za askari waliokuwepo stendi hapo kushindwa kuona tatizo hilo.

Mnubi alisema upo uwezekano mkubwa wa basi hilo kufutwa barabarani iwapo mmiliki wake atashindwa kutekeleza maagizo ya usalama barabarani katika kufunga taili mpya kwa mujibu wa sheria.

Itachapwa gazeti la Tanzania Daima kesho

MAANDAMANO YA WAKULIMA WA CHAI LUPEMBE NJOMBE YAISHIA MIKONONI MWA POLISI

2010-03-22T05:36:00.000-07:00

ZAIDI ya wakulima wa chai 60 kutoka tarafa ya Lupembe wilaya ya Njombe mkoani Iringa leo wamekwa chini ya ulinzi wa askari wa kutuliza ghasia (FFU)wakituhumiwa kutaka kufanya mauwaji ya watu 50 kama njia ya kushinikiza mwekezaji wa kiwanda cha Lupembe Tea Factory Nawab Mula kufungua kiwanda hicho .

Pamoja na wakulima hao kudaiwa kufanya maandamano yasiyo na kibali kwa kutembea umbali wa zaidi ya kilometa 70 kutoka kijiji cha Lupembe hadi makao makuu ya wilaya hiyo kwa lengo la kukutana na mkuu wa wilaya ya Njombe Charles Gisuli bado jeshi la polisi lilifanikiwa kuzuia maandamano hayo na kupokonya simu zaidi ya 40 za waandamanaji hao kwa ajili ya kiusalama .

Mmoja kati ya askari wa FFU wilaya ya Njombe ambaye alishiriki kuwazuia waandamanaji hao ambaye hata hivyo hakupenda kutaja jina lake kwa kuwa si msemaji wa juu ya jeshi la Polisi alisema kuwa kukamatwa kwa wakulima hao ni kutokana na hatua yao ya kufanya maandamano yasiyo na kibali na kuwepo kwa taarifa ya wao kuja kufanya fujo na mauwaji katika ofisi ya mkuu wa wilaya.

Alisema askari huyo kuwa wasamaria wema kutoka Lupembe walituma ujumbe mfupi wa maneno katika simu ya mkononi wakieleza juu ya makusudi ya waandamanaji hao katika ofisi ya mkuu wa wilaya.

"Tulipokea meseji inayosema kuwa waandamanaji hao wamepanga kuja kufanya mauwaji ya watu 60 katika mji wa Njombe hasa ofisi ya serikali ... kutokana na hali hiyo sisi tulipewa maagizo na mkuu wa polisi wilaya (OCD) ili kwenda kunusuru hali hiyo huku tukiwa tumejiandaa vya kutosha kwa ajili ya kupambana na wakulima hao"

Hata hivyo alisema baada ya kufika eneo la mto Ruhuji umbali wa mita kama 100 hivi kufika ofisi ya mkuu wa wilaya walifanikiwa kuzuia maandamano hayo na kuwapekua waandamanaji wote na kukutwa watupo hawana silaha yoyote kinyume na taarifa zilizofikishwa polisi.

Hivyo alisema kilichofanyika na kuchukua simu wa waandamanaji wote kwa muda na baada ya kuteuliwa wawakilishi wao kwa ajili ya kukutana na mkuu wa wilaya na kupewa majibu walirejeshewa simu zao na kuachiwa.

Kwa upande wao wakulima hao wakizungumza na waandishi wa habari mara baada ya kuachiwa huru na jeshi la Polisi walisema kuwa kukamatwa kwao kumetokana na njama zilizopangwa na kundi la pili linalopinga kiwanda hicho kufunguliwa ili wao waendelee kunufaika na usafirishaji wa chai ya wakulima kwenda Kiwanda cha Kibena Njombe alisema Charlesy Mgina .

Alisema kuwa awali mkuu wa mkoa wa Iringa Mohamed Abdulaziz katika kikao chake na wakulima wa chao pamoja na mwekezaji kilichofanyika tarehe 27 mwezi uliopita aliagiza kamati ya watu 6 iundwe ili kuamua mtu wa kuendesha kiwanda hicho kati ya mwekezaji na ushirika wa wakulima wa chai tarafa ya Lupembe (MVYULU) na majibu yalipaswa kutolewa tarehe 20 mwezi huu jambo ambalo halikufanyika hadi walipoamua kufuata majibu hayo makao makuu ya wilaya.

Hivyo alisema hatua ya wao kufanya maandamano hayo ilikuwa ni kutaka kujua majibu ya kamati hiyo ya mkuu wa mkoa ambayo imechelewa kutoa na kuomba uongozi wa wilaya kuwasiliana na mkuu wa mkoa ili kuruhusu kiwanda kifunguliwe kama ambavyo mahakama ya ardhi ambayo ilivyo agiza kiwanda hicho kifunguliwe toka septemba 27 mwaka jana amri ambayo haijatekelezwa.

Mgina alisema kuwa katika maandamano hayo wakulima hao waliongozwa na timu ya viongozi sita akiwemo Eliuta Mfugale , Nathan Hongoli , Michael Kiputa, Meshack Masasi na Lucy Nyarusi ambao walikutaka na mkuu wa wilaya na kuahidiwa kuwa suala hilo litatolewa maamuzi keshokutwa machi 24.

Viongozi wa waandamanaji hao Nathan Hongoli , Michael Kiputa na Lucy Nyarusi walisema kuwa mkuu wa wilaya ya Njombe ametumia busara kubwa katika kulitafutia ufumbuzi suala hilo ambapo alifanya mawasiliano na mkuu wa mkoa na kuwataka wakulima hao kurejea kijijini hadi kesho ambapo mkuu wa mkoa atafika wilaya ya Njombe na kulitolea ufumbuzi suala hilo.

Pia walisema simu zote zilizochukuliwa na askari polisi zilirejeshwa na kuwa hakuna mtu anayeshikiliwa na polisi kwa sasa zaidi ya kuwekwa chini ya ulinzi kwa masaa zaidi ya manne kituo cha polisi Njombe.

Aidha walisema kabla ya kukamatwa na polisi walivamiwa porini na kundi la vijana zaidi ya saba ambao waliziba barabara kwa magogo kama njia ya kuzuia maandamano hayo kuja mjini Njombe zoezi ambalo halikufanikiwa baada ya kupambana nao kwa zaidi ya nusu saa.

"Maandamano yetu tulianza majira ya saa 8 usiku na majira ya saa 11 alfajiri ndipo tulipovamiwa na kundi la vijana ambao wanadaiwa kutumiwa na wasafirishaji wa chai ili kukwamisha ufunguzi wa kiwanda hicho ...katika tukio hilo kioo cha gari kilivunjwa japo hakuna mtu aliyejeruhiwa "
Alisema Februali 27 mwaka huu katika ukumbi wa mikutano wa tarafa ya Lupembe mkuu wa mkoa aliitisha mkutano wa viongozi wa vyama vya msingi vya wakulima hao na mwekezaji wa kiwanda hicho ili kuwapatanisha na baada ya kufikia muafaka walikubaliana kiwanda hicho kilichofungwa baada ya kufungwa kwa miaka miwili sasa .

Mkuu wa polisi wa wilaya hiyo Edmund Urio aliwataka wakulima hao kuteua watu sita tu watakao kwenda kumuona mkuu wa wilaya ambao watafikisha ujumbe waliotaka kuupeleka na baada ya kuchaguana watu hao waliongozana na OCD Urio

Kwa upande wake mkuu wa wilaya ya njombe Bw. Charles Gishuli alikiri wakulima hao kukamatwa na polisi wakiwa njiani kuelekea ofisini kwake na kuongeza kuwa alipewa taarifa na mkuu wa polisi wa wilaya hiyo ambaye alimweleza kuwa wakulima hao hawakufuata taratibu za kuwaona viongozi wa serikali kama sheria zinavyoagiza.

“Lakini amenifahamisha kuwa baada ya kuwachunguza polisi ilibaini walifanya hivyo kwa kutokujua taratibu na kwamba maandamano yao yalikuwa ya amani na zaidi walichotaka kwangu ni kujua kwanini serikali iliahidi kufungua kiwanda Machi 20 lakini haikuwa hivyo pia walitaka kujua nini hatima ya chai yao inayomwagwa chini” alisema

Hata hivyo alisema baada ya kuwasiliana na mkuu wa mkoa alimjibu kuwa tarehe iliyokuwa imeahidiwa haikutekelezeka kwa kuwa alipata safari ghafula na kwamba amerudi juzi Jumapili na kuahidi kuwa atakutana na kamati ya watu 6 inayowakilisha wakulima hao pamoja na mwekezaji kesho (machi 23) ili kiwanda hicho kifunguliwe.

Kiwanda cha Lupembe Tea Factory kilichokuwa kikiendeshwa kwa ubia kati ya mwekezaji Dhow Merchantile na Chama kinachounganisha vyama 9 vya wakulima kiitwacho Muungano wa vyama vya wakulima Lupembe (MUVYULU) ambapo kwa pamoja waliunda kampuni ya Lupembe Tea Estates Ltd kiliingia mgogoro baada ya viongozi wa chama cha MUVYULU kuanzisha vurugu Agosti 1 mwaka juzi vurugu ambazo zilisababisha kiwanda kufungwa.

Kiwanda hicho kilikuwa kikinunua chai ya wakulima wadogowadogo wapatao 6,000 ambapo tangu kifungwe chai yao imekuwa ikimwagwa chini kutokana na kukosa mahala pengine pa kuuza chai yao hali inayokwamisha maisha yao kiuchumi.

Mwisho.

DR.SHEIN AMALIZA ZIARA YA KIKAZI KICHAMA ZAIDI ,AMPA TANO MBUNGE AMWEKA PABAYA MENEJA WA MAJI

2010-03-17T14:47:00.000-07:00

MAKAMU Rais Dr.Ali Mohamed Shein leo ametumia ziara yake Kilolo kumpigia debe mbunge huyo ambaye ana hali ngumu kisiasa katika jimbo hilo kutokana na mpinzani wake mkuu aliyekuwa mbunge wa jimbo hilo Venanci Mwamoto kupanga kurejea tena kutetea kiti chake.

Dr.Shein ambaye kabla ya kuanza kuwahutubia wananchi alijikuta akiachwa na viongozi pekee jukwaani baada ya wananchi kukimbia eneo la mkutano kufuatia mvua kubwa iliyonyesha kwa zaidi ya dakika 15.

Pamoja na wananchi wachache kurejea katika eneo hilo la mkutano bado Dr.Shein aliweza kutumia muda mwingi kumpamba mbunge Msolla kuwa amefanikisha mradi wa maji Ilula huku wananchi wakipinga mbele yake kuwa hawadanganyiki na mradi huo ambao maji kwa mara ya kwanza yanatoka leo (jana) huku wiki mbili nzima mji mdogo wa Ilula ukiwa hauna maji kutokana na waendeshaji wa mradi huo kuelekeza nguvu yao kujaza tanki kwa ajili ya kuja kuonyesha show mbele ya kiongozi huyo wakati wa ufunguzi wa mradi.

Kutokana na hali hiyo ya udanganyifu wananchi hao walilazimika kumkataa meneja wa mradi wa maji Ilula (ILUWASSA) Edward Shelembi kuwa hawamtaki aotolewe katika nafasi hiyo kwa madai kuwa amekuwa akifanya usanii mwingi katika kutatua kero ya maji katika eneo hilo .

Wananchi hao walimweleza Dr.Shein kuwa kero kubwa katika eneo hilo ni kuhusu upatikanaji wa maji na kuwa kwa mara ya kwanza huduma hiyo ya maji wameanza kuipata leo(jana) huku wiki mbili nzima wamekuwa wakinunua maji kwa shilingi 500 kwa ndoo huku maji ya bomba yakifungwa kwa ajili ya kujaza tanki kwa ajili ya kuonyesha kwa Makamu huyo wa rais.

“Ukweli mheshimiwa Makamu wa Rais kwa mara ya kwanza maji tunaopata leo toka wiki mbili zilizopita wananchi tumekuwa tukitumia maji machafu yasiyo salama kwa afya zetu …sasa tunasema huyo meneja wa maji hatumtaki na ukiweza uondokea naye sasa”

Hivyo walisema kuwa meneja huyo wa mradi wa maji amekuwa akishindwa kusimamia mradi huo huku katibu tarafa ya Ilula Paschal Moto akiwaamusha usiku wa manane kwa ajili ya kwenda kuchimba mifereji ya kusambaza bomba za maji ambayo kutokana na ucheleweshaji wa uwekaji bomba mifereji hiyo imekuwa ikifukiliwa na udongo .

Wananchi hao walisema kuwa meneja huyo wa maji katika eneo hilo amekuwa akipelekea wananchi kupendelea kuibeza serikali ya awamu ya nne chini ya Rais Jakaya Kikwete kuwa hazifanyi kazi kutokana na ubabaishaji mkubwa unaofanywa.

Hivyo walishauri kuwa ili mradi huo uweze kunufaisha wananchi ni vyema kumtoa meneja huyo na kumweka mtaalam zaidi mwenye elimu ya kusimamia maji badala ya huyo wa sasa.

Kwa upande wake katibu tarafa hiyo Motto na meneja huyo Shelembi wakijieleza mbele ya Makamu wa Rais walisema kuwa wanashangazwa na hatua ya wananchi kuwatupia lawama mbele yake.

Motto alisema kuwa yeye alikuwa akiwafuata wananchi usiku kwenda kufukua mitaro ya maji kutokana na mitaro hiyo kufukiwa na tope lililotokana na mvua kubwa zinazoendelea kunyesha baada ya meneja huyo kuchelewesha kuweka bomba.

Huku meneja Shelembi akijitetea mbele ya Dr.Shein kuwa si kweli kama yeye ni kikwazo katika mradi huo na kuomba msafara wa Makamu wa Rais kupitia ofisini kwake ama kutuma maofisa wake ili kuweza kuonyeshwa hujuma mbali mbali ambazo zimekuwa zikifanywa katika mradi huo.

"Mheshimiwa kiongozi kweli mimi nimekuwa nikijituma sana kukamilisha mradi huu ila kuna hujuma mbali mbali ambazo wananchi wamekuwa wakizifanya kutaka kukwamisha mradi huu ....hivi huwezi amani watu wamekuwa wakikata bomba na kuziba ili maji yasitoke na ushahidi huo ninao hata kama utatuma mtu kuja pale ofisini kuna vitu mbali mbali vilivyokutwa katika mradi huo ambavyo ni hujuma"

Shelembi alisema kwa upande wake amekuwa akijitahidi sana katika Utekelezaji wa maradi huo na pale aliposhindwa kuonekana kijijini hapo ni kutokana na kupata safari ya kikazi kwenda mkoani Morogoro.

Pamoja na wananchi hao kunyesha kutokuwa na imani na viongozi wao huku baadhi yao wakimtupia lawama mbunge wa jimbo hilo Prof.Msolla ambaye ni waziri wa mawasiliano ,sayansi na Teknolojia kuwa amekuwa akilalamikiwa mara kwa mara juu ya uzembe kero ya maji katika eneo hilo ,bado makmamu wa rais Dr.Shein aliweza kugeuza ziara hiyo ya kikazi mkoani Iringa kuwa ni ziara ya kampeni kwa CCM baada ya kuanza kwa kumpigia debe mbunge Msolla utaratibu ambao hajapata kutumia wilaya yoyote kati ya wilaya nne kati ya tano alizopata kufanya ziara mkoani Iringa.

Dr.Shein ambaye mwaka 2005 alipata kufiki katikia jimbo hilo la Kilolo na kufanya mkutano uliohudhuriwa na wanafunzi wengi ,mkutano uliokuwa maalum kwa ajili ya kumaliza mgawanyiko uliotokana na kura za maoni katika jimbo hilo kati ya aliyekuwa mbunge wa jimbo hilo Mwamoto na Prof.Msolla jana ameonyesha kugeuza uwanja huo wa shule ya sekondari Ilula kuwa ni uwanja wa Kampeni za CCM baada ya kuanza kuwashawishi wananchi kuendelea kumchagua mbunge Msolla.

“Ndugu zangu mwaka 2005 nilipata kufika katika jimbo hili kwa lengo la kumpigia kampeni Rais Jakaya Kikwete,mbunge Profesa Msolla na madiwani ….ila sasa nimekuja kwa ajili ya kuona maendeleo yaliyoletwa na mbunge wenu japo binafsi nimefurahishwa sana na jitihada za mbunge wenu na nawaombeni mzidi kujenga imani na mbunge wenu Msolla”

Kuhusu ombi la wananchi hao kutaka meneja wa maji kuondolewa alisema kuwa kwa upande wake amepokea malalamiko yao na kuwaagiza viongozi wa wilaya hiyo kufanyia kazi suala hilo .

Hata hivyo moja kati ya mambo yanayoonyesha kuwa Makamu wa rais amepokelewa kichama na kufanya shughuli za kampeni zaidi katika jimbo hilo la Kilolo ni baada ya kumpa nafasi mbunge wa jimbo hilo Prof.Msolla ambaye pia ni mjumbe wa NEC kufunga mkutano huo kwa kujinadi zaidi ya dakika 20 katika jukwaa hilo lililopambwa na bendela za CCM huku akishindwa kujizuia kueleza yaliyo ndani ya moyo wake kuhusu mwelekeo wa hali ya kisiasa ndani ya CCM.

"Kweli mheshimiwa makamu wa Rais hali ya upinzani kutoka katika vyama vingi wilaya ya Kilolo hakuna wa kutisha ila upinzani mkubwa upo ndani ya CCM yenyewe ....wapo wana CCM ambao wanapinga kazi zote zinazofanywa na mimi mbunge badala ya kupongeza japo huu mimi ninapambana nao kimya kimya"

Dr.Shein amemaliza ziara yake ya kikazi mkoani Iringa jana kwa kumalizia katika jimbo hilo la Kilolo na leo asubuhi anataraji kufanya majumuisho ya ziara yake mjini Iringa.

MWISHO

MAKWETA AMALIZWA JIMBONI

2010-02-27T07:05:00.001-08:00

SAKATA la kufungwa kwa kiwanda cha chai Lupembe wilaya ( Lupembe Tea Factory ) wilayani Njombe mkoani Iringa limezidi kuonekana mwiba kwa mbunge wa jimbo la Njombe Kaskazin mzee Jackson Mwaketa baada ya mwekezaji wa kiwanda hicho Nawab Mulla ambaye ni mwenyekiti wa chama cha mapinduzi (CCM) mkoa wa Mbeya kuvunja ukimya na kuamua kumlipua mbele ya wapiga kura wake kwa kumtaja kuwa ni mmoja kati ya watu waliohusika kuwatapeli wananchi fedha zao.

Kutokana na zogo kuibuka ndani ya kikao hicho cha kutafuta suluhu ya kiwanda hizo mkuu wa mkoa wa Iringa Mohamed Abdulaziz alilazimika kumwomba mwekezaji huyo kukaa chini asiendelee kumwanika mbunge huyo ambaye alikuwa akizomewa na wananchi ambao ni wakulima wa chai huku mbunge akijichanganya kwa kutomjua Mulla zaidi ya kumsikia na badae kudai ni rafiki yake.

Mulla alitoa kauli hiyo baada ya Mbunge huyo kutamka mbele wa wajumbe wa mkutano wa viongozi wa mkoa na wakulima kuwa hamjui mwekezaji huyo na ndo kwanza anamuona kwa mara ya kwanza jana jambo ambalo si kweli.

Akisoma kumbukumbu zake za vikoa ambavyo mbunge huyo alihusika na wajumbe pamoja na picha zao Mulla alisema anamshangaa mbunge kutamka kuwa hamjui wakati kwenye moja ya michakato hiyo mbunge alishiriki na picha zake zipo.

“ Kama mnasema nilipata kiwanda hiki kwa ujanja ujanja basi walioni uzia ni pamoja na Makweta…na viongozi wa vyama vyote vya wakulima….” Alisema Mulla huku akiwataja mmoja baada ya mwingine hatua iliyowafanya wakulima kumshangilia huku wangine wakitokwa na machozi.

Baada ya kuona kuwa mbunge anaumbuka mkuu wa mkoa wa Iringa Mohamed Abdulaziz alilazimika kuingilia kati na kumkatisha Mzee Mulla maelezo yake na kumruhusu mbunge Makweta kujitetea.

Akijitetea Makweta alimtaka mwekezaji huyo kuacha kutaja jina lake kwani yeye hafahamiani naye na ndio mara yake ya kwanza kumuona siku hiyo.

“Kwanza hapa tatizo sio Mulla, na nimekuwa nikimtetea sana Mulla popote nilipoenda, hapa tatizo ni makundi ndani ya umoja wa wakulima ambayo kila moja lina maslahi binafsi” alisema Makweta huku akikubali hoja ya mkuu wa mkoa iliyotaka kiwanda kifunguliwe4 kesi ziendelee.

Malumbano hayo yalifuatia baadhi ya wakulima kudai kuwa mwekezaji alipata kiwanda hicho kwa njia ya wizi na kwamba hakufuata taratibu hivyo kuiomba serikali iwarudishie kiwanda ili waendeshe wao.

Katika kikao hicho kilichoitwishwa na mkuu wa mkoa wa Iringa kwa lengo la kuwataka wakulima na mwekezaji wakubaliane ili kiwanda kianze kazi, wakulima wengi walikubali mwekezaji huyo hana matatizo hivyo aendelee hata kama kuna kesi mahakamani.

Kikao hicho kilichofanyika katika ukumbi wa Tarafa ya Lupembe iliamriwa na mkuu wa mkoa kuwa wahusika baada ya kukubali kuwa kiwanda kifunguliwe kwa njia ya maridhiano, basi kuundwe kamati ya watu 6 ambapo watatu watatoka kwenye vyama vya msingi vya wakulima na watatu watatoka chama cha ushirika cha MUVYULU chenye ubia wa asilimia 30 wa kiwanda hicho.

Kwa mujibu wa mkuu wa mkoa kamati hiyo itakutana na mwekezaji nay eye mkuu wa mkoa Machi 20 mwaka huu ili kupanga namna ya kukifungua kiwanda.
MWISHO

WAZIRI BENDERA, NAYE AKERWA NA UJENZI WA MAGHALA NDANI YA UWANJA WA SAMORA IRINGA

2010-02-24T03:07:00.000-08:00

HATUA ya wamiliki wa Uwanja wa Samora mjini hapa, Chama Cha Mapinduzi (CCM), mkoa kujenga maghala ya kuhifadhia chakula ndani ya uwanja huo imezidi kupokewa tofauti na viongozi wa serikali baada ya Naibu Waziri wa Habari, Utamaduni na Michezo, Joel Bendera, kuwaunga mkono wadau wanaopinga jambo hilo.

Bendera ameungana na Waziri Mkuu, Mizengo Pinda kupinga ujenzi huo ndani ya uwanja huo pasipo kuwatumia wataalamu, ambapo alishauri CCM mkoa kuacha mara moja kufanya mambo kienyeji katika eneo hilo, ambalo litakuja kutoa madhara makubwa kwa taifa, japo walionyesha kumpuuza waziri mkuu baada ya kushindwa kuvunja maghala hayo, ambayo yameanza kubomoka.

Pamoja na waziri mkuu kupinga ujenzi huo, baadhi ya viongozi wengine waliofanya hivyo kwa nguvu zote hata kugombana na CCM ni pamoja na aliyekuwa Mkuu wa Mkoa wa Iringa, Amina Said na aliyekuwa Mkurugenzi wa Manispaa ya Iringa, Theresia Mmbando, ambaye alifikia hatua ya kukifikisha chama hicho mahakamani.

Katika kikao chake na wadau wa mchezo wa riadha Mkoa wa Iringa, kilichofanyika ukumbi wa Manispaa ya Iringa jana, wadau hao walihoji sababu ya CCM kuendelea kuharibu viwanja vya michezo kwa kuanzisha matumizi mengine nje ya ramani, huku serikali ikitaka kufufua michezo mbalimbali.

Walisema sehemu kubwa ya viwanja vya michezo vilivyo chini ya CCM vipo katika hali mbaya na kuwa hata jitihada za serikali iliyopo madarakani za kufufua michezo zinakwamishwa na wasimamizi wake wa ilani, kutokana na kuendelea kuvuruga viwanja vya michezo.

Hivyo, waliiomba serikali kupitia Wizara ya Habari, Utamaduni na Michezo, kuweka mkakati wa kulinda viwanja wa michezo, badala ya kuendelea kutenga bajeti ya michezo bila kuwepo miundombinu.

Kwa upande wake, Waziri Bendera alisema kuwa kamwe Tanzania haiwezi kupiga hatua katika michezo iwapo viwanja vitakuwa katika hali mbaya.

Alisema ni vema CCM kama wamiliki wa viwanja vya michezo kwa kushirikiana na wadau kuendelea kuviboresha ili kuwa katika hali nzuri na kuepusha matumizi yanayokwenda kinyume na taratibu za kimichezo.

Aidha, Bendera alimpongeza Rais mstaafu wa Awamu ya Tatu, Benjamin Mkapa kwa hatua yake ya kuandika waraka maalumu unaotaka viwanja vyote vya michezo kuheshimiwa.

KUMBUKA UNAWEZA KUSOMA HABARI HII NDANI YA GAZETI LA TANZANIA DAIMA LA ALHAMISI HII

MADEREVA SITA WA MABASI KUFIKISHWA MAHAKAMANI ,DEREVA WA KAMPUNI YA SUMRY HIGH CLASS ATOROKA ASAKWA NA POLISI

2010-02-19T03:40:00.003-08:00

SAKATA la abiria waliokuwa wakisafiri kuelekea mikoa ya kusini na maeneo ya nje ya nchi za kusini mwa Tanzania kufanya fujo jana ,jeshi la polisi kikosi cha usalama barabarani mkoani Iringa limewakamata madereva sita na kumsaka dereva mmoja wa basi la Kampuni ya Sumry High Class Efrehem Mwakapalala.

Pia jeshi la polisi mkoani Iringa limeeleza kusikitishwa na hatua ya abiria hao kufanya fujo kama njia ya kupinga madereva hao kukamatwa na kuwaonya kuacha tabia ya kushabikia mwendo kasi unaofanywa na madereva na kuwa kufanya hivyo ni kosa .

Kamanda wa polisi wa mkoa wa Iringa (ACP)Evarist Mangalla alimweleza mwandishi wa habari hizi jana kuwa kutokana na vurugu hizo zilizotokana na madereva kuvunja ratiba ya Sumatra jumla ya madereva sita ndio waliokamatwa na askari wa kikosi cha usalama barabarani kilichoongozwa na mkuu wa usalama barabarani mkoa (RTO) Kedmund Mnubi.

Aliwataja madereva waliokamatwa kuwa ni Kasim Siulanga wa basi la kampuni ya Sumry High Class lenye namba za usajili T 658 ABCT),Habibu Suleiman( kampuni ya New Force namba T 777 ADR),Kasim Mangalla (Abood lenye namba T 277 ATH),Omary Mohamed (Basi lenye namba T 447 AAZ kampuni ya Hood),Omary Ally ( Hood namba T 242 ARU) na Ibrahim Omary ( Happy National namba T 181 AQP) .

Hata hivyo alisema kuwa madereva wote waliokamatwa ni wale wa mabasi ya Tunduma na Kyela mkoani Mbeya na kuwa wanatuhumiwa kwa kuendesha mabasi yao kwa mwendo kasi kinyume ya ratiba ya Sumarta.

Kamanda huyo alisema kimsingi ratiba ilikuwa ikiwataka madereva hao kufika eneo la ukaguzi wa Magari (Check point ) la Igumbilo mjini Iringa majira ya saa 7.45 ila wao walifika saa 7.30 kwa pamoja katika eneo hilo jambo ambalo linaonyesha wazi mabasi hayo yalikuwa yakifukuzana toka yalikotoka .

Pia alisema jeshi la polisi linasikitishwa na hatua ya abiria kuunga mkono mwendo kasi unaofanywa na madereva hao japo polisi wanafanya kazi hiyo kwa ajili ya usalama wao.

Alisema hata fujo hizo ziliweza kuchochewa na madereva wenyewe ambao walishindwa kuondoa magari yao katika eneo hilo mara baada ya kuruhusiwa kuendelea na safari huku basi likiwa na dereva mmoja.

Alisema kuwa madereva hao ambao waliachiwa juzi kwa dhamana wanataraji kufikishwa mahakamani wakati wowote kuanzia sasa kwa kosa hilo la kuendesha kwa mwendo kasi huku dereva wa Sumry yeye atafikishwa kwa makosa mawili likiwemo la kukimbia akiwa chini ya ulinzi wa polisi.

Kwa mujibu wa sheria ya sumatra ya mwaka 2007 kifungu namba 18 A,C inatoa adhabu ya faini shilingi 200,000 hadi 500,000 ama jela mwaka mmoja kwa dereva atakayebainika kuvunja ratiba ya Sumatra.
Habari hii itachapwa katika gazeti la Tanzania Daima