Home » » KISWAGA AMALIZA KERO YA MADAWATI SHULE YA MSINGI LUMULI JIMBO LA KALENGA

KISWAGA AMALIZA KERO YA MADAWATI SHULE YA MSINGI LUMULI JIMBO LA KALENGA

Written By mzee wa matukiodaima habari bila uoga on Thursday, November 14, 2013 | 6:01 AM


 Mdau  wa maendeleo katika  jimbo la kalenga  Iringa Bw Jackson Kiswaga  kushoto akikabidhi msaada wa madawati 30 yenye thamani ya zaidi ya  Tsh milioni 1 kwa mwenyekiti wa kijiji  cha Lumuli Bw Mendrady Nywage  kwa ajili ya shule ya msingi Lumuli ,kulia ni diwani wa  viti maalum tarafa ya  Kiponzero Vumilia Mwenda na   wa pili kushoto ni diwani wa kata ya Lumuli Charley Lutego pamoja na wajumbe wa serikali ya kijiji  hicho
MDAU  wa maendeleo  katika  jimbo la Kalenga  mkoa wa Iringa Jackson Kiswaga  ametoa  msaada wa  madawati 30  yenye thamani ya  zaidi ya  shilingi  milioni 1 katika  shule ya msingi Lumuli  ili kumaliza kero ya madawati shuleni hapo.

Huku akimpongeza  Rais Jakaya  Kikwete  kwa kuendelea  kuboresha  sekta ya elimu hapa nchini hata  kufanikisha  mpango wa shule za  sekondari za kata ambazo matunda  yake yanaonekana kwa kila mmoja.

Akikabidhi msaada  huo  leo  Kiswaga  ambae ni makazi  wa jimbo hilo la Kalenga  alisema  kuwa akiwa  ni miongoni mwa  wakazi wa jimbo la Kalenga ameguswa na jitihada mbali mbali  zinazofanywa na wananchi  wa  jimbo  hilo pamoja  na mbunge wao Dr Wiliam Mgimwa .

Kwani  alisema  kuwa  mbali ya kazi nzuri  inayofanywa na  serikali ya  chama  cha mapinduzi (CCM) chini  ya mwenyekiti  wake Taifa  Rais  Dr Jakaya  Kikwete bado  watanzania  wanapaswa  kuendelea  kutambua utendaji kazi makini wa serikali  ya CCM na pale  wanapopata  nafasi ya  kuchangia maendeleo ni  vema  kuunga mkono  jitihada  hizo.

" Mimi kama mzaliwa wa  kijiji  cha Nyamihuu jimbo la Kalenga mbali ya kuwa kwa  sasa naishi jijini Dar es Salaam  kwa kufanya shughuli zangu za ajira  ila  bado  natambua  wazi  kuwa  bila  CCM kuweka misingi mizuri ya maendeleo katika elimu yawezekana leo nisingekuwa hapa  nilipo ....hivyo kazi hii nayoifanya  leo  ni  kuunga mkono kazi ya  CCM"

Kiswaga  alisema  kuwa akiwa kama mdau  wa  maendeleo ataendelea  kusaidia jamii ya mkoa wa Iringa kulingana na uwezo  wake na  kuwataka  wakazi wengine wa mkoa  wa Iringa  kukumbuka  kurudi maeneo yao  waliyozaliwa na kusaidia shughuli za kimaendeleo zinazoibuliwa na  wananchi.

Awali  mwenyekiti  wa  serikali ya  kijiji  cha Lumuli Bw Mendrady Nywage alisema  kuwa  kijiji  hicho  kilimwomba  Kiswaga  kusaidia  msaada  huo wa madawati  pindi  alipoalikwa kama mgeni rasmi katika mahafali  ya darasa la  saba  shuleni hapo.

Hata  hivyo  alisema mahitaji  halisi ya madawati  ni 40 na  kuwa  tayari Kiswaga  ameahidi kusaidia madawati 10  yaliyosalia  shuleni hapo na  hivyo kumaliza kabisa  tatizo la madawati katika  shule hiyo ya msingi Lumuli.

Diwani  wa kata  ya Lumuli Charlesy Lutego  mbali ya  kumpongeza  Kiswaga  kwa msaada  huo bado alisema katika kata  yake  kuna changamoto  nyingi  ikiwemo ya majengo ya  shule  mbali mbali ya shule  kukamilika kujengwa  bila  kupauliwa  kwa zaidi ya mwaka mmoja  sasa  kutokana na kukosa  uwezo wa kununua  mbao na bati  zaidi ya 400 za  kuezekea.
Share this article :

Post a Comment

 
blog designer Hoseaplatnum
Copyright © 2013. MATUKIO DAIMA - All Rights Reserved
Template Created by Hoseaplatnum Published by Francis Godwin
Proudly powered by FREE COMMUNITY MEDIA